Bakıdan kəndlərə dönüş prosesi aqrar sektorun postneft yüksəliş mənbəyi kimi...

Tarix: 23.02.2016 / 02:02
Bölmə: İqtisadiyyat

Əli Əlirzayev: "Rayonlardan olan işçi qüvvəsinin şəhərdən kəndə geri dönüşü kənd təsərrüfatının inkişafına müsbət təsir edəcək"

"İşi sürətləndirmək üçün bu istiqamətdə əlavə işlər görülməlidir"

Devalvasiyadan sonra Azərbaycanın daxili miqrasiyasında ilk dəfə olaraq əks proses müşahidə edilməyə başlayıb. Məsələ ondadır ki, 1990-2000-ci illərdə Azərbaycanın regionlarından Bakıya köç başlamışdısa, indi paytaxtdan kəndlərə qayıdış müşahidə edilir.

Bakıda bu prosesin təzahürü ilk olaraq əmlak bazarında hiss olunur. Paytaxtda kirayədə qalan rayon sakinlərinin bir qismi mənzilləri tərk edərək kəndlərdəki evlərinə dönür. Məlumata görə, son bir neçə ayda 10 minə yaxın adam kəndlərə qayıdıb. Dəqiq statistika aparılmasa da, təxmini hesablamalara görə, şəhərdə 30 minə yaxın obyekti mənzil kimi kirayəyə verirlər. İlin əvvəlindən bu mənzillərin 10 faizə qədəri boşalıb. Əsasən şəhərin ətraf məhəllələrində olan ucuz evlər boşalıb. Mərkəzdə də boşalan mənzillər var, amma onları təhvil verənlər əsasən şəhər ətrafındakı ucuz mənzillərə köçür. Paytaxtda evi olan ailələrdən də kəndə dönənlər var. Onlar əsasən Bakıda iş yerini itirənlərdir və onların arasında gənclər üstünlük təşkil edir. Həmin gənclər kəndə dönməzdən öncə Bakıda inşaat işçisi, satıcı, restoran işçisi və s. kimi fəaliyyət göstərib. İndi regiona qayıdaraq kirayə vermədən oxşar işlər görməyə çalışırlar.

Geri qayıdanların sayı xüsusilə cənub və qərb regionlarında daha çoxdur. Lənkəran bölgəsinə geri qayıdanlar birinci növbədə İranla sərhəd ticarətinə maraq göstərir. Bölgədə bərpa edilməyə başlayan çay plantasiyalarında və tərəvəz sahələrində də işləyənlər az deyil. Bəziləri isə rayonlardakı ticarət obyektlərində iş tapmağa çalışır.

Ümumilikdə, sözügedən tendensiya rayonlarda kənd təsərrüfatının inkişafında necə rol oynayacaq?

Sözügedən məsələni dəyərləndirən iqtisadçı alim Əli Əlirzayevin fikrincə, bu tendensiya rayonlarda kənd təsərrüfatının inkişafına stimul verə bilər: "Çünki bu, işçi qüvvəsinin şəhərlərdən kəndlərə axını deməkdir. İşsizlik səbəbindən doxsanıncı illərdə rayonlardan paytaxta güclü axın baş vermişdi. Məlum proses sonraki illərdə də davam etdi. Şəhərə gələnlərin böyük əksəriyyəti tikinti və infrastruktur layihələrində işləyirdi. Neftin ucuzlaşması səbəbindən bir sıra iri layihələrin həyata keçirilməsi təxirə salınıb. O cümlədən, əmlak bazarında durğunluq müşahidə olunur. Bu səbəbdən şəhərdə çalışanların kəndlərə qayıdışı prosesi gedir. Digər tərəfdən, son dövrlər, necə gəldi, rayon sakinlərinin şəhərlərə üz tutması əmək bazarında disbalans yaradırdı. Bu səbəbdən bir sıra kəndlər baxımsız qalmışdı. Kənd təsərrüfatına yararlı torpaqlar becərilmədiyi üçün şoranlaşmışdı. Bəzi sahələrdə işçi qüvvəsinin çatışmazlığı müşahidə olunurdu. Bütün bunlar kənd təsərrüfatının inkişafına mənfi təsir göstərirdi. Rayonlardan olan işçi qüvvəsinin geri dönüşü vəziyyəti dəyişə bilər. Ancaq bununla kifayətlənmək olmaz. Şərait yaratmaq lazımdır ki, kəndli torpağı becərməkdə maraqlı olsun. Məhsul yığımı zamanı tədarük problemi ilə üzləşməsin. Kəndlini ucuz kredit resursu, texnika ilə təmin etmək lazımdır. Hər halda, işi sürətləndirmək üçün bu istiqamətdə əlavə işlər də görülməlidir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...