Dollar krediti ilə evini girov qoymuş müştərilərlə bankların böyük problemi başlayıb

Tarix: 20.02.2016 / 02:11
Bölmə: İqtisadiyyat

Zakir Əhmədov: "Hər iki tərəf optimal həll variantını tapıb ortaq məxrəcə gəlsə yaxşı olar"

"Müştərilərə əlavə möhlət verilməli, bunun qarşılığında da borclu olan var gücü ilə çalışmalıdır"

Banklardan böyük həcmdə kredit götürdükdə meydana çıxan çətinliklərdən biri də girovla bağlı olur. Əksər hallarda banklar girovun real dəyərini bazar qiymətindən çox aşağı qiymətləndirirlər.

Azərbaycanda bütün valyuta növləri daxil olmaqla ümumi kredit portfelinin dəyəri 19 milyard 744 milyon manatdır. Xarici valyutada olan kreditlərin həcmi isə 7 milyard 477 milyon dollardır. Bu da o deməkdir ki, dollarla olan kreditlər ikinci devalvasiyadan öncə milli valyuta ifadəsində 7 milyard 851 milyon manat idisə, hazırda rəsmi məzənnə ilə 11 milyard 664 milyon manatadək yüksəlib. Deməli, sonuncu məzənnə dəyişikliyindən sonra vətəndaşlar və iş adamları əlavə olaraq banklara 3 milyard 813 milyon manat vəsait ödəməlidir.

Mərkəzi Bankın məlumatına görə, hazırda borclananların sayı 2 milyon 532 min 712 nəfərə çatıb. Bunların böyük əksəriyyəti isə istehlak kreditlərindən istifadə edən vətəndaşlardır. Digər tərəfdən, hazırda Azərbaycanda 1 milyon 205 min 81 zamin var. Ölkədə orta hesabla hər 4 nəfərdən birinin banka borcu var və orta hesabla hər 8 nəfərdən biri zamindir. Bu gün mövcud olan başlıca problemlərdən biri də banklardan dollarla kredit götürən vətəndaşların üzləşdikləri çətinliklərdir. Məsələn, devalvasiya olmazdan əvvəl vətəndaş Əhmədlidə dəyəri 80 dollar olan mənzilini girov qoyaraq, 60 min dollar kredit götürüb. Məlum iki devalvasiyadan sonra dollar iki dəfə bahalaşıb. Bundan başqa, girov qoyulan mənzillərin bazarda real dəyəri xeyli aşağı düşüb. Yəni krediti ödəyə bilmədiyinə görə bank girov mənzili satışa çıxarsa da, lazım olan qiymətə sata bilmir. Bu barədə redaksiyamıza müraciət edən vətəndaş çıxılmaz vəziyyətdə olduğunu deyir və bundan çıxa bilməyin yollarını arayır. O üzdən maraqlıdır, belə vəziyyətdən necə çıxmaq olar?

Məsələyə münasibət bildirən ekspert Zakir Əhmədovun fikrincə, yaranan vəziyyətə görə nə bankları, nə də dollarla kredit götürən vətəndaşları qınamaq olar: "Bu, iqtisadi böhranla əlaqədar yaranan vəziyyətdir. İki il əvvəl bankdan dollarla kredit götürən təsəvvürünə belə gətirə bilməzdi ki, neftin qiyməti kəskin şəkildə aşağı düşəcək və bu səbəbdən dolların məzənnəsi qalxacaq. Bunu təxmin etsəydilər krediti dollarla deyil, manatla götürərdilər. Bu, məsələnin bir tərəfi. Məsələnin digər tərəfinə gəldikdə isə, hər iki tərəf optimal həll variantını tapıb ortaq məxrəcə gəlsə yaxşı olar. İndiki vəziyyətdə, çıxış yolu kimi, banklar kreditin ödənilmə müddətini uzadır. Eyni zamanda, dollar kreditlərinin bir hissəsi əvvəlki məzənnə ilə müştərilərdən tələb edilir. Bundan əlavə, bütövlükdə müştərilərə əlavə möhlət verilməli, bunun qarşılığında da borclu olan var gücü ilə çalışmalıdır. Yaxud da məsələ ilə əlaqədar dövlət banklara müəyyən həcmdə kompensasiya versə, işin xeyrinə ola bilər. Yoxsa indiki vəziyyətdə dollarla kredit götürənlərin başqa çıxış yolunu təsəvvür etmək mümkün deyil".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...