Xarici firmalar Azərbaycanda siqareti endirdilər, bizimkilər isə...

Tarix: 18.02.2016 / 01:46
Bölmə: İqtisadiyyat

Rəsul Cahangirli: "Bəzi istehsalçılar bundan sui-istifadə edir və qiymətləri aşağı salmır"

"Sahibkarlar yerli istehsala üstünlük versə, tütün ölkə daxilində daha ucuz başa gələ bilər"

Məlum olduğu kimi, ikinci devalvasiyadan sonra Azərbaycanda siqaretlərin qiyməti 50 faiz bahalaşdı. Bu da, öz növbəsində, siqaretə tələbatın azalmasına səbəb oldu. Nəticədə siqaret alışında alıcılıq qabiliyyəti xeyli azaldı.

Yayılan məlumata görə, "Japan Tobacco İnternational" (JTİ) şirkəti daha bir neçə brendlərə aid siqaretlərin Azərbaycan bazarında satış qiymətini azaldıb. Məlumata görə, bu, "LD Extra" və "Sobranie" markalı siqaretlərə aiddir.

Şirkətin "LD Extra" markalı siqaretinin qiyməti 2,60 manatdan 2,20 manata düşüb, "Sobranie" markalı siqaretin qiyməti isə 4,30 manatdan 3,30 manata qədər ucuzlaşıb.

Qeyd edək ki, ötən həftə şirkətə məxsus siqaret çeşidlərində, xüsusən də "Winston" (15%), "Sobranie" (29%), "Camel" (14%) üzrə ucuzlaşma qeydə alınıb. "Winston"un qiyməti 3,30 manatdan 2,80 manata, "Camel"in qiyməti isə 3,50 manatdan 3 manata düşüb. Bundan başqa, şirkətin istehlakçılarına təklif etdiyi "More" markalı siqaret 2 həftə öncə 1,20 manata qədər ucuzlaşıb.

Şirkət bu ucuzlaşmanı alıcılıq qabiliyyəti və qiymətlərin artmasından sonra bazarda qaçaqmalçılıq yolu ilə ölkəyə gətirilən siqaretlərin sayının artması ilə əsaslandırıb. Yəni ucuzlaşmaya səbəb istehlakçıların alıcılıq qabiliyyətinin aşağı düşməsidir. Bunun nəticəsində istehlakçılar daha ucuz siqaretlər əldə etməyə çalışır ki, bunların əksəriyyəti qaçaqmalçılıq yolu ilə ölkəyə gətirilir.

Çox qəribədir ki, xarici istehsala aid olan siqaretlərin qiymətlərinin ucuzlaşmasına rəğmən, yerli istehsala aid siqaretlərin qiyməti aşağı salınmayıb. Qiymətlər necə var, elə də qalıb. Halbuki, rəqabət nöqteyi-nəzərdən qiymətlər aşağı düşməli idi.

Sözügedən məsələ ilə bağlı fikirlərini "Bakı-Xəbər"lə bölüşən ekspert Rəsul Cahangirli bunu müəyyən səbəblərlə əlaqələndirdi: "Məsələ ondadır ki, yerli siqaretlər xarici siqaretlərlə müqayisədə nisbətən ucuzdur. Devalvasiyadan sonra əvvəl xarici siqaret çəkənlər yerli siqaretə üstünlük verməyə başlayıb. Bu səbəbdən bəzi istehsalçılar bundan sui-istifadə edir və qiymətləri aşağı salmır. Təəssüflər olsun ki, Azərbaycan tütün istehsalı üçün zəngin təbiətə sahib olmasına baxmayaraq, idxaldan asılıdır. Xüsusilə Şəki və Zaqatalada keyfiyyətli tütün əldə etmək mümkündür. Prezident İlham Əliyev ölkənin idxaldan asılılığını azaltmaq məqsədilə müvafiq sərəncamlar verib.

Bu sərəncamlara əsasən, artıq Azərbaycana xarici ölkələrdən geni dəyişdirilmiş məhsullar gətirilməsi və dövriyyəsi qadağan edilir. Xüsusilə "Tütün və tütün məmulatı haqqında" Qanunda edilən dəyişikliklərdən sonra bu sahədə istehsalın canlanacağı gözlənir. Azərbaycanın torpaq, iqlim şəraiti keyfiyyətli tütün istehsal etməyə imkan verir. Artıq ölkəyə yeni tütün sortları gətirilib və torpağa adaptasiya edilib. Sahibkarlar yerli istehsala üstünlük versə, tütün ölkə daxilində daha ucuz başa gələ bilər. Bununla yanaşı, biz ucuz məhsul istehsal edə bilsək, qonşu ölkələrə də ixrac etmək mümkündür. Bununla da əlavə gəlir əldə edə bilərik".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...