Azərbaycanda yerli ərzaq buğdası istehsalı niyə problemə dönüb?

Tarix: 18.02.2016 / 02:34
Bölmə: İqtisadiyyat

Əli Əlirzayev: "Keyfiyyətli ərzaq buğdası əldə etmək üçün birinci növbədə yaxşı toxum olmalıdır"

"Arzuolunandır ki, Azərbaycan taxıla tələbatını daxili istehsal hesabına ödəsin"

Azərbaycanın ərzaq buğdasına tələbatı 1,7 milyon tondur. Ölkədə il ərzində 3 milyon tona yaxın buğda istehsal olunsa da, ərzaq buğdasına olan tələbat yerli istehsal hesabına ödənilmir. Problem ondadır ki, istehsal olunan buğdanın keyfiyyəti aşağı olduğu üçün tələblərə cavab vermir.

İstehsal olunan buğdanın keyfiyyəti aşağı olduğu üçün mal-qaraya yedizdirilir. Taxılla bağlı ehtiyat fondu, dövlətin Taxıl Fondu var. Həmin fonda yerli istehsallı taxıldan bir kiloqram da alınmır. Çünki istehsal olunan yerli buğda Taxıl Fondunun standartlarına uyğun gəlmir. Taxıl Fondunda 750 min ton taxıl var. Fond ancaq fövqəladə hallarda, qiymətlər kəskin artan vaxtlarda istifadə oluna bilər. Məhz bu səbəbdən ölkə ərzaq məqsədli buğda tələbinin ödənilməsində 70 faiz idxaldan asılı vəziyyətdədir.

Bütövlükdə, ölkədə ərzaq buğdasına tələbatın yerli istehsal hesabına ödənilməsinə nə mane olur? Bunun üçün hansı işlərin görülməsinə ehtiyac var?

Məsələyə münasibət bildirən iqtisadçı alim Əli Əlirzayevin sözlərinə görə, əhalinin ərzaq buğdasına tələbatını daxili imkanlar hesabına ödəmək üçün bir sıra kompleks işlər görülməlidir: "Keyfiyyətli ərzaq buğdası əldə etmək üçün birinci növbədə yaxşı toxum olmalıdır. Eyni zamanda, istehsalçıda məhsulu yüksək səviyyədə becərmə mədəniyyəti formalaşmalıdır. Bu olmadan məhsula lazımi aqrotexniki qulluğun göstərilməsi mümkün deyil. Bizim ərzaq buğdası ilə əhalini təmin etməyə torpaq resurslarımız var, amma təkcə bu kifayət deyil. Çünki bizdə hələ ki, bu sahə ilə bağlı istehsal mədəniyyəti kifayət qədər formalaşmayıb. Yəni texniki vəsaitlər və becərilmə qaydaları o səviyyəyə gəlib çıxmayıb. Xaricdən yüksək reproduktiv xüsusiyyətlərə malik toxumların ölkəyə gətirilməsi o demək deyil ki, məhsul bol olacaq. Yaxud da cins inəklərin gətirilməsi problemin həlli demək deyil.

Çünki həmin toxumun yerli şəraitdə məhsul verəcəyinə tam zəmanət yoxdur. Hər bir torpağın özünün müəyyən bir doyma halı var. Torpağı necə gəldi yükləmək olmaz. Arzuolunandır ki, Azərbaycan taxıla tələbatını daxili istehsal hesabına ödəsin. Ancaq reallığı da nəzərə almaq lazımdır.

Konseptual baxımdan məsələyə yanaşılsa, bu hardasa mümkündür. Onda gərək digər kənd təsərrüfatı məhsullarının becərilməsinə əhəmiyyət verməyək. Bir sözlə, ölkədə kənd təsərrüfatının çoxsaylı problemləri var. Məsələ ondadır ki, kənd təsərrüfatına yararlı torpaqlar əsasən əhalidədir. Kooperasiya yaxşı şeydir, amma bu sistemin formalaşması üçün bir sıra problemlərin həlli vacibdir. Bunun üçün də zaman lazımdır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...