Milli yemək festivalları - Azərbaycana turist cəlb etməyin potensial üsulu...

Tarix: 16.02.2016 / 02:02
Bölmə: İqtisadiyyat

Mehman Hüseynov: "Ölkəmizdə mətbəx turizmini inkişaf etdirmək üçün geniş imkanlar mövcuddur"

Ruslan Quliyev: "Mətbəx turizmi alternativ turizm növləri içərisində çox vacib yer tutur"

Azərbaycana gələn turistlərdən təəssüratlarını soruşanda ilk növbədə milli mətbəximizi qeyd edirlər. Onlar milli mətbəx nümunələrindən ilk növbədə kabab, ya da dolmanın adını çəkirlər. Bunun səbəbi milli xörəklərimizin olduqca ləzzətli və yaddaqalan tama malik olmasıdır. Ancaq qastronomik turizm (mətbəx turizmi) ölkəmizdə inkişafdan qalır.

Baxmayaraq ki, bunun üçün bəlkə də ən çox potensial elə Azərbaycandadır.

BMT-nin Turizm Təşkilatının araşdırmalarına görə, dünyada turistlərin 30 faizi milli mətbəxi səyahətlər üçün ən yaxşı motivasiya sayır. Hər hansı bir ölkəyə istirahət, gəzinti və müalicə üçün gedən şəxslərdən fərqli olaraq, bu turistlər nəqliyyat, otel, bazarlıq xərclərinə qənaət edərək daha çox yeməyə pul xərcləyir.

Beynəlxalq Turizm Assosiasiyasının yaydığı məlumata əsasən, bu növ turistlər orta hesabla bir tur üçün 1200 dollar xərcləyir. Bu məbləğin 1/3 hissəsi məhz yeməklərə sərf olunur.

Qastronomik turizm üçün ən yaxşı şəhərlər siyahısında Tokio, Hanoy və London xüsusi yer tutur. Bu şəhərlərə turistlər sırf ləzzətli təamlar və məşhur içkilərin dadına baxmaq üçün gəlir. Bir çox ölkələr isə turistləri yemək festivalları ilə cəlb edir. Məsələn, sentyabrın 1-6-sı arası İtaliyanın Neapol şəhərində pizza festivalı olub. Neapol kimi bir şəhərə məhz həmin festival ərəfəsində 500 min turist gəlib. Bu ərəfədə 100 minə yaxın pizza satılıb.

Oktoberfest - dünyanın ən böyük festivallarından biridir. Bavariyanın paytaxtı Münhendə keçirilir. Sentyabrın ikinci yarısında başlayır və 16 gün davam edir. Hər il festivala 6 milyona yaxın insan qatılır. Maraqlı fakt odur ki, bu ənənə artıq 1810-cu ildən qeyd olunmağa başlayıb və ancaq müharibə illərində fasilə olub.

Azərbaycan mətbəxinin zənginliyini nəzərə alsaq, qastronomik turizmi inkişaf etdirmək olduqca asandır. Baxmayaraq ki, Avropa Oyunları ərəfəsində "Azərbaycan səhər yeməyi" brendi patentləşdirilib, ölkəmizdə hər il nar, alma və mürəbbə festivalı keçirilir, ancaq təəssüf ki, bunlardan xarici turistlərin xəbəri yoxdur.

Misal üçün Göyçayda keçirilən Nar festivalının tarixi 3-4 gün qalmış bəlli oldu, halbuki, xaricdə keçirilən festivalların tarixi bir il qabaq bilinir və turistlər turlarını əvvəlcədən planlaşdırıb bron edir.

Tanınmış aşpaz Mehman Hüseynov bizimlə söhbətində qeyd etdi ki, ölkəmizdə mətbəx turizmini inkişaf etdirmək üçün geniş imkanlar mövcuddur: "Bu sahənin geniş şəkildə inkişafı üçün ilk növbədə təqdimat lazımdır. Buna görə də hər bölgə öz mətbəxini təbliğ etməlidir. Həmçinin Azərbaycanın çoxlu unudulmuş yeməkləri var. Məsələn, xüsusi qaydalarla bişirilən Naxçıvan qovurması, ağartı məhsulları, bulama, Ordubad qayğanağı, Şirvan şorbası kimi yeməklərin turistlərə təqdim olunması vacibdir. Şəki pitisi Azərbaycana gələn turistlərin diqqətini xüsusilə cəlb edir. Amma onun üzərindəki quyruğu gördükdə yemək istəmirlər. Şəki pitisinin yeyilməsi ilə bağlı qaydalar turistə nümayiş etdiriləndə onlar bu fikirdən daşınır. Bu səbəbdən yeməklərin təbliğindən çox şey asılıdır. Həmçinin xaricdə qədim yemək növlərimizin təqdim edildiyi restoranların fəaliyyət göstərməsi bu sahənin inkişafında böyük əhəmiyyət kəsb edir".

Turizm sahəsi üzrə ekspert Ruslan Quliyevin sözlərinə görə, mətbəx turizmi alternativ turizm növləri içərisində çox vacib yer tutur: "Aparılan araşdırmalara görə, insanların 60 -70 faizi xarici ölkəyə səfər etdiyi zaman mətbəxi ön plana çəkir. Azərbaycanda xüsusi marşrutların yaradılması zamanı bu faktorlara ciddi fikir verilməlidir. Belə marşrutlarda müxtəlif şirniyyatların, şərab növlərinin və mətbəx nümunələrinin təqdim edilməsi vacibdir".

Həmsöhbətimiz hesab edir ki, ölkədə milli təamlarla bağlı festivallar keçirilməlidir: "Plov, şirniyyat, mürəbbə festivalları təşkil oluna bilər. Azərbaycanın hər bir bölgəsində özünəməxsus yemək adətləri var. İşgüzar, sağlamlaşdırıcı, mədəni və ekoloji turlarla bərabər mətbəx turlarının inkişaf etdirilməsi Azərbaycana turist axınını artırar".

R.Quliyev onu da əlavə etdi ki, Azərbaycanda mətbəx turizmi ümumi sektorun 30 faizini təşkil edə bilər.

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...