100 rubla bir dollar və Rusiyadakı prosesin manata təsir şansları...

Tarix: 13.02.2016 / 02:06
Bölmə: İqtisadiyyat

Azər Mehdiyev: "Rusiya rublu növbəti devalvasiyaya uğrayarsa..."

"Ölkənin əsas iqtisadi tərəfdaşlarının valyutaları devalvasiyaya uğrayırsa, bu, milli valyutanın məzənnəsinə müəyyən təsir göstərir"

Rusiya hökuməti neftin qiymətinin büdcədə nəzərdə tutulan 50 dollar/barrel həddindən təxminən iki dəfə aşağı olması səbəbindən büdcədə yaranan kəsiri milli valyuta - rublun devalvasiyası hesabına örtməyə çalışa bilər.

Belə ki, maliyyə analitiklərinin fikrincə, Rusiya hökuməti büdcə kəsirini örtmək üçün rublun devalvasiya həddini qeyri-formal olaraq müəyyənləşdirmək imkanlarını araşdırır. Bu məqsədlə Rusiya Bankının (Mərkəzi Bank) valyuta bazarına müdaxiləsi (valyuta intervensiyası) artırıla bilər. Hökumət rublun məzənnəsinin hər hansı hədəf səviyyəsini rəsmi açıqlamaq fikrində deyil. Rusiya Bankı hər bəyanatında rublun məzənnəsinin tələb və təklif əsasında formalaşdığını qeyd edir. Lakin rublun devalvasiyası üçün Mərkəzi Bankın əlində hər cür imkan var və əsas məqsəd neftin bir qədər də ucuzlaşması halında rublun möhkəmlənməsinə imkan verməməkdir.

Qeyd edək ki, Rusiya hökuməti 2016-cı il büdcəsində neftin baza qiymətini 50 dollar/barreldən götürsə də, hələ ki, real qiymət 30 dollar/barrel ətrafındadır. Qiymətlərin bu səviyyəsində büdcədə 3 faiz kəsiri təmin etmək üçün 2,5 trln. rubl (31,7 mlrd. dollar) vəsaitə ehtiyac yaranır. Maliyyə naziri Anton Siluanov yaranan kəsiri örtmək üçün Ehtiyat Fondunun vəsaitlərindən istifadə edə biləcəklərini vurğulayıb. Dekabr ayında "Bank of America Merril Lynch" açıqladığı hesabatında neftin qiymətinin 30 dollar/barrel səviyyəsində qalacağı təqdirdə Rusiyada dolların məzənnəsinin 100 RUR/USD-dən artıq olacağını proqnozlaşdırıb. Belə fikirlər səslənir ki, rublun yeni devalvasiyası MDB ölkələrinin milli valyutaları üzərində təzyiqi artıracaq. Nəticədə Rusiya ilə sıx ticarət əlaqələri olan ölkələr də valyutalarını ucuzlaşdırmağa məcbur olacaq.

Qeyd edək ki, hazırda Rusiyanın mütəşəkkil valyuta bazarında dolların məzənnəsi 79 rubla bərabərdir. Maraqlıdır, Rusiyada sözügedən devalvasiya baş verərsə, bu, Azərbaycanda dollarla manatın kursuna təsir göstərə bilərmi? Sözügedən məsələni dəyərləndirən iqtisadçı-ekspert Azər Mehdiyevin fikrincə, Rusiya rublunun ucuzlaşması Azərbaycana da təsir edə bilər: "Bu, dolların hazırkı məzənnəsinə təsir edəcək. Neft, istər-istəməz, ucuzlaşacaq. Yəni biz, keçən əsrin 80-ci illərində olduğu kimi, neftin çox ucuz olduğu uzunmüddətli dövrə doğru gedirik. Qazaxıstan tengesi ucuzlaşmaqda davam edir. Rusiya rublu növbəti devalvasiyaya uğrayarsa, Azərbaycan bununla bağlı tədbirlər görməlidir. Çünki Azərbaycanın əsas iqtisadi tərəfdaşlarının valyutaları devalvasiyaya uğrayırsa, bu, milli valyutanın məzənnəsinə müəyyən təsir göstərir. Həm də neft gəlirlərinin azalması bu addımı atmağa məcbur edəcək. Birinci devalvasiyadan əvvəl Azərbaycandan Rusiyanın ucuzlaşan əmlak bazarına böyük pullar axırdı. Rusiyada işləyən azərbaycanlı əmək miqrantları Bakıdakı mənzillərini sataraq Moskva və Sankt-Peterburqdan ev almağa çalışırdılar. Devalvasiya bu prosesi dayandırdı. Bu prosesdən bir gündə yoxsullaşan sadə vətəndaşlar əziyyət çəkdi. Buna görə də hökumət bu cür insanların qorunması üçün addımlar atmalıdır. Yəni devalvasiyadan öncə ölkə üzrə maaşlar və pensiyalar qaldırılmalıdır ki, manatın qiymətdən düşməsinin əhalinin güzəranına ciddi təsiri olmasın".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...