Türkiyəyə qapıları bağlanmış rus turistləri Azərbaycana yönləndirilir

Tarix: 12.02.2016 / 02:02
Bölmə: İqtisadiyyat

İlqar Quliyev: "Düşünmürəm ki, Azərbaycan Türkiyənin zərərindən faydalanmağa meylli olsun"

"İqtisadiyyatla siyasətin bağlılığını nəzərə alsaq, burda bir siyasi maraq da güdülə bilər"

Rusiyanın Azərbaycandakı səfiri Vladimir Doroxin verdiyi müsahibə qeyd edib ki, bu gün Rusiya ilə Azərbaycanın qarşılıqlı münasibətlərində əsas məsələ bu münasibətlərin sabit, səmimi xarakteri və hər iki ölkənin uğurlarına maraq məsələsidir: "Azərbaycanın müstəqil dövlət kimi mövcud olduğu illər ərzində biz bir-birimizi başa düşməyi öyrənmişik.

Biz öz imkanlarımızı bilir və bundan artıq heç nə tələb etmirik. Azərbaycan da Rusiyaya münasibətdə eyni mövqe tutur. Bu, strateji tərəfdaşlıq adlanır. Azərbaycanla Rusiyanın münasibətlərinin əsas üstünlüyü onların proqnozlaşdırıla bilməsidir. Biz tərəfdaşımızın Azərbaycan olduğu hissədə öz cənub sərhədlərimizdən arxayın ola bilərik. Bizim üçün heç bir xoşagəlməyən gözlənilməz hadisə olmayacaq. Bu isə indiki mürəkkəb beynəlxalq şəraitdə çox vacibdir".Səfir Rusiya ilə Türkiyə arasında qarşılıqlı münasibətlərdə Azərbaycanın vasitəçilik rolu barədə sualın cavabında deyib: "Rusiya-Türkiyə münasibətlərində baş verən hadisələrlə əlaqədar Azərbaycanın narahatlığı Moskvada çox yaxşı başa düşülür. Azərbaycan Prezidenti İlham Əliyev və xarici işlər naziri Elmar Məmmədyarov səviyyəsində səsləndirilmiş mövqedə "vasitəçilik" sözü yoxdur. Onlar çox nəzakətli tərzdə bildiriblər ki, Azərbaycana eyni dərəcədə yaxın olan iki ölkə arasında münasibətlərdə yaranmış bu çətin vəziyyəti tənzimləmək üçün nə mümkündürsə, etməyə hazırdırlar. Deyə bilərəm ki, bu gün bu problemin həlli üçün Azərbaycanın öz imkanlarından istifadə etməsinə bizim ehtiyacımız yoxdur və Azərbaycan bunu düzgün başa düşür. Sonra nə olacağını həyat göstərər".

Səfir daha sonra deyib: "Əgər indiyə qədər Türkiyəyə gedən dörd milyon rusiyalı turist Azərbaycana gəlməyə başlasa, mən Rusiya Federasiyasının səfiri kimi özümü ən xoşbəxt insan hesab edərdim. Məmnuniyyətlə deyə bilərəm ki, bizdə turistlərin Azərbaycana marağı artmaqdadır. Qonşularımız özlərinə diqqəti cəlb etmək üçün yaxşı şans qazanırlar. Azərbaycanda turizmin inkişafı üçün perspektiv imkanlar var və ölkə bu istiqaməti prioritet sahələrdən birinə çevirir".

Səfirin Rusiyalı turistlərə Azərbaycanı seçmələri ilə bağlı çağırış etməsində hansısa siyasi niyyət ola bilərmi?

Turizm üzrə ekspert İlqar Quliyev qəzetimizə açıqlamasında bildirdi ki, Rusiya doğrudan da bu il turizmlə bağlı konkret seçim etməklə üz-üzə qala bilər: "Bilirsiniz ki, ruslar istirahəti xoşlayan millətdir. Dünyadakı turistlərin sayında ruslar önəmli yerə sahibdirlər. Xüsusilə də onların böyük axını Türkiyəyə olurdu. Bu, həm ölkələrin yaxın olması, həm də Türkiyənin turizm sahəsində qazandıqları uğurlarla bağlı idi. Şübhəziz ki, iki ölkə arasındakı ciddi siyasi qalmaqal bir ölkəni qazancından, digərini isə yaxşı istirahətdən mərhum edə bilər. Səfir bu müraciəti 4 milyon turistə xitabən deyirsə, burda yalnız Azərbaycanı düşünmək sadəlövhlük olardı. Çünki bizim o sayda turisti qəbul etmək imkanımız yoxdur. Amma bu hec də o demək deyil ki, biz yaranmış turizm imkanından istifadə etməməliyik. Rus turistləri üçün də Azərbaycan əlverişlidir. Yaxın ölkədir, son illər güclü inkişaf etmiş infrastrukturu var, dəniz mövsümü üçün gözəl çimərliklərimiz mövcuddur. Səfir məhz bu amilləri nəzərə alaraq müraciəti edib. Təbii ki, iqtisadiyyatla siyasətin bağlılığını nəzərə alsaq, burda bir siyasi maraq da güdülə bilər. Ancaq düşünmürəm ki, Azərbaycan Türkiyənin zərərindən faydalanmağa meyili olsun. Çünki bu məsələdə bizim barışıq üzrə vasitəçiliyimiz yaxşı nəticə verə bilər ki, bunu da cənab səfir qeyd edib".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...