Martdan Azərbaycanın yeni böyük gəlir mənbəyi - Transxəzər beynəlxalq nəqliyyat marşrutu...

Tarix: 12.02.2016 / 02:50
Bölmə: İqtisadiyyat

Qeyri-neft sektorunda hökumət tərəfindən atılan addımlar cari il ərzində bu sahə üzrə ümumi istehsal və gəlirlərin daha çox olacağını göstərir. Qeyd olunan istiqamətdə hazırda ən sürətlə inkişaf edən sahələrdən biri isə yükdaşımalardır. Rusiya və Türkiyə arasında məlum münasibətlər, həmçinin Azərbaycanın özünün yaratdığı əlverişli infrastruktur ölkəmiz üzərindən yükdaşımaların miqdarının daha da artmasına gətirib çıxarır.

Belə bir vaxtda Aktau Beynəlxalq Dəniz Limanının prezidenti Mixail Yalbaçev olduqca maraqlı fikirlər səsləndirib. Onun sözlərinə görə, Qazaxıstandan Azərbaycan istiqamətində yük axınının həcmi artıb: "Azərbaycan istiqamətində yük axınının həcmi artıb. Bu, əsasən avtodaşınma səbəbilə olub. Belə ki, yanvar ayının məlumatlarına görə, Türkiyə və Azərbaycandan Aktauya TIR daşıyan bərələrin sayı 10 dəfə artıb". M.Yalbaçev vurğulayıb ki, Aktau dəniz limanında Ukraynadan böyük yük axını gözlənir. Xatırladaq ki, yanvar ayında Aktaudan Transxəzər marşrutu üzrə ilk Ukrayna-Çin qatarı keçib. Gürcüstan və Azərbaycandan keçdikdən sonra qatar bərə vasitəsilə Qazaxıstanın liman şəhərinə çatdırılıb, buradan isə dəmir yolu vasitəsilə Çinə yol alıb. Aktau limanının prezidenti bununla bağlı bildirib: "Malgöndərənlər Ukraynadan gələcək yükün çox böyük olduğunu söyləyir. Hələ ki, oradan ayrıca TIR-lar gəlir. Türkiyə tərəfdən olan axın qədər deyil. Hazırda logistika, hüquqi aspektlər üzərində işləyirik".

Qeyd edək ki, Türkiyə kimi, Ukraynadan da Azərbaycandan keçməklə daşınan yüklərin həcmində böyük artım gözlənir. Digər tərəfdən Ukrayna üçün əlverişli tranzit xərcləri imkanı da yaradılır. Xatırladaq ki, bu günlərdə Ukrayna tərəfi Azərbaycan və Gürcüstanın dəmir yolları qurumlarının rəhbərlərinə rəsmi şəkildə müraciət edərək bu ölkədən olan məhsulların tranzit haqlarının aşağı salınmasını xahiş edib. Ukraynanın "Ukrzaliznıtsya" müəssisəsinin rəsmi nümayəndəsi İvan Xoryakovun sözlərinə görə, Ukrayna tərəfi Gürcüstan və Azərbaycandan olan həmkarlarına ünvanlanan müraciətdə tariflərin 50% azaldılmasını xahiş edib: "Ümid edirik ki, bizim xahişimizə müsbət cavab veriləcək. Bununla da biz daşımaların xərclərini dəfələrlə azaltmış olarıq".

Xatırladaq ki, yanvarın 14-də Bakıda keçirilmiş dördtərəfli görüşdə Azərbaycan, Qazaxıstan, Gürcüstan və Ukrayna nümayəndələri Transxəzər Beynəlxalq Nəqliyyat Marşrutunda vahid tariflərin müəyyənləşdirilməsi haqqında razılığa gəlib. Bu ilin mart ayından etibarən Ukrayna-Gürcüstan-Azərbaycan-Qazaxıstan-Çin dəmir yolu marşrutunun kommersiya istismarına başlanacaq. Bütün bunlar Ukraynadan gələn yüklərin həcmini əhəmiyyətli dərəcədə artıracaq. Təbii ki, bu da yükdaşımalardan Azərbaycanın daha çox gəlir əldə etməsi deməkdir.

Azərbaycanın ticarət yollarının çoxunun birləşdiyi əlverişli logistik mərkəzə çevrilməsi üçün isə hökumət zəruri addımlar atır. Çünki Azərbaycanın bütün Avrasiya regionu üçün strateji əhəmiyyətli logistik mərkəzə çevrilməsində ölkəmizin əlverişli coğrafi mövqeyi ilə yanaşı, burada zəruri nəqliyyat infrastrukturlarının mövcud olması, o cümlədən yeni Bakı Beynəlxalq Dəniz Ticarəti Limanı da mühüm rol oynayır. Şərq-Qərb və Şimal-Cənub nəqliyyat dəhlizləri istiqamətində dəmiryol xətlərinin yenilənməsi nəticəsində ölkənin xarici iqtisadi əlaqələri genişlənib. Tikintisi bu il başa çatdırılacaq Bakı-Tiflis-Qars dəmiryol xətti Avropa və Asiya ölkələri arasında yük daşınmasında tranzit ölkə kimi Azərbaycanın əhəmiyyətini daha da artıracaq. Bu marşrut Asiya və Avropa ölkələrini birləşdirəcək ən qısa yoldur və onunla hər il 30 milyon ton yük daşınması gözlənir.

Yükdışmaların yüksək səviyyədə reallaşması üçün Azərbaycan lazımi texnika və avadanlıqların alışını da həyata keçirir. Məsələn, ölkəmiz tezliklə Xəzərdə yükdışmalarda istifadə olunacaq daha iki bərə almağı düşünür. Həmçinin, 2016-cı ildə Rusiyadan Azərbaycana daha 100 yük vaqonu çatdırılacaq. Rusiyanın "Uralvaqonzavod" SC ilə müqavilə hələ ötən il imzalanıb. Müqaviləyə əsasən, Azərbaycan 3100 müxtəlif növ yük vaqonu alacaq. Onların arasında sisternlər, yarımvaqonlar, konteynerlərin daşınması üçün platformalar və sair var. 3 min vaqon artıq Azərbaycana çatdırılıb və müvafiq qurumlar tərəfindən istifadə edilir. Qalan 100 vaqon isə bu il çatdırılacaq. Bütün bunlar Azərbaycana daha çox yük daşımağa imkan verəcək.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...