Banklar kredit verilişini niyə dayandırıb?

Tarix: 10.02.2016 / 01:48
Bölmə: İqtisadiyyat

Rəsul Cahangirli: "Hesab edirəm ki, bu çox da uzun çəkməyəcək"

Azərbaycanda fəaliyyət göstərən aparıcı banklar kredit verilişini dayandırıb. Bu xüsusən pul kreditlərinə şamil olunub. Ölkədə son devalvasiyadan sonra bank sistemində vəziyyət bir qədər çətinləşib. Banklarda olan dolların satışına məhdudiyyətin qoyulması, bank sistemində çalışan işçilərin ixtisarı və ən nəhayət, kreditlərin dayandırılması məsələnin köklü səbəbinə aiddir.

Bir sözlə, bank sektorunda böhran yaranıb. Əhali isə problemlərinin hansı səviyyədə həll olunacağına dair çıxış yolları axtarır.

Məsələ burasındadır ki, yerli sakinlər ev, maşın almaq və yüksək məbləğ tələb edən iş qurmaq üçün banklara kredit pul götürməklə bağlı yaxınlaşsa da, bunun əks mənzərəsi ilə üz-üzə qalıblar. Yəni bankdan kredit götürmək istəyənlərə nəinki müsbət cavab verilməyib, həmçinin bankların bu addımının səbəbləri belə açıqlanmayıb. Maraqlıdır ki, bankların rəhbərliyi kredit verilişinin dayandırılmasına aydınlıq gətirmir.

Qeyd edək ki, ölkədə dollar və avronun məzənnəsində dəyişiklik baş verəndən sonra vətəndaşların xarici valyuta ilə aldığı kreditlərin ödənişində problemlər yaranıb. Belə məlumatlar var ki, banklar bu səbəbdən kredit verməkdə tərəddüd edir, əhalidə qalan borcları yığmağa çalışırlar.

Bütövlükdə, bankların kredit verməyi dayandırmasının kökündə hansı amillər dayanır?

Məsələyə münasibət bildirən ekspert Rəsul Cahangirli bankların kredit verilişini dayandırmasını bir neçə faktorla əlaqələndirdi: "Əvvəla neftin ucuzlaşması səbəbindən vəziyyət yaxşı deyil. Əksər neft ölkələri kimi, Azərbaycanın da gəlirləri xeyli azalıb. Bu avtomatik olaraq banklara da təsir göstərir. Məlum olduğu kimi, bankların sayının azaldılması gündəmdədir. Artıq bir neçə bankın lisenziyası ləğv edilib. Bununla yanaşı, sözügedən prosesin hələ davam edəcəyi gözlənir. Güman olunur ki, Azərbaycanda bankların sayı daha da azaldılaraq 20-yə endiriləcək. Həmçinin, bir neçə bankın birləşməsi gündəmdədir. Digər tərəfdən bankların müştərilərə verdiyi kreditlərin əsas hissəsini əmanətçilərin depozitləri təşkil edirdi. Məlum səbəblərlə əlaqədar olaraq bir çox əmanətçilər əmanətlərini banklardan geri çəkir. Ən yaxşı halda, əmanəti dollara çevirib yenidən banka qoyurlar. Tələbat isə əsasən manat kreditlərinədir. Eyni zamanda, devalvasiya ilə əlaqədar iqtisadi fəallıq bir qədər aşağı düşüb. Bir sıra iş adamları gözləmə mövqeyindədir və proseslərin sabitləşməsini gözləyir. Ümumilikdə, bu və digər səbəbdən banklar kredit verməyi hələlik dayandırıb. Hesab edirəm ki, bu çox da uzun çəkməyəcək. Bəlli bir müddətdən sonra vəziyyət sabitləşəcək və banklar kredit verilişini bərpa edəcək".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...