Maliyyə amnistiyası - Azərbaycan iqtisadiyyatı üçün əlavə investisiya mənbəyi kimi...

Tarix: 10.02.2016 / 02:35
Bölmə: İqtisadiyyat

Pərviz Heydərov: "Maliyyə amnistiyası elan olunsa, indiki şəraitdə bu, iqtisadi inkişafa müsbət təsir edə bilər"

"Ölkədə indiyədək artımı neft sektoru müəyyən edirdisə, bundan sonra qeyri-neft sahələri lokomotiv rolunda çıxış edəcək"

Neftin ucuzlaşması ilə əlaqədar yaranan iqtisadi sıxıntıları aradan qaldırmaq üçün maliyyə amnistiyası məsələsi yenidən gündəmə gətirilib. Belə fikirlər səslənir ki, bununla bağlı qanun qəbul olunsa, o zaman xaricə "çirkli pul" axını azalacaq. Nəticədə bu, sözügedən vəsaitin ölkə iqtisadiyyatına yatırılmasına və büdcə gəlirlərinin artmasına səbəb ola bilər.

Qeyd edək ki, bəzi dünya ölkələrində maliyyə amnistiyası adətən iqtisadiyyatın maliyyə çatışmazlığı ilə üzləşdiyi dövrlərdə tətbiq olunur. Bu addımı isə əsasən yeni bazar iqtisadiyyatına keçən ölkələr atır. Prosesin mahiyyəti ondan ibarətdir ki, dövlət vətəndaşlardan onların əldə etdiyi gəlirin mənbəyini soruşmur. Dövlətlərin bu vasitəyə əl atmasının məqsədi öz vətəndaşlarının xaricdə, ofşor zonalarda olan kapitalını ölkəyə gətirməsinə, ölkədə olan pulun isə xaricə çıxarılmasının qarşısını almağa nail olmaqdır. Məsələn, qonşu Rusiya maliyyə amnistiyasına qərar verib. Digər bəzi postsovet ölkələrində də analoji qanun qəbul olunub. Uzun müddətdir bu mövzu Azərbaycanda da müzakirə olunur. Hətta bu barədə qanun layihəsi hazırlandığı da bildirilir. Ancaq hələ də bununla bağlı konkret addımlar atılmır. O baxımdan indiki şəraitdə maliyyə amnistiyasının elan olunmasına ekspertlər necə baxır?

Sözügedən məsələni dəyərləndirən iqtisadçı-ekspert Pərviz Heydərovun fikrincə, belə bir qərar verilsə, indiki şəraitdə bu, iqtisadi inkişafa müsbət təsir edə bilər: "Maliyyə amnistisiyası adətən bir sistemdən digərinə keçid və yaxud hakimiyyət dəyişikliyi baş verən zaman həyata keçirilir. Bunda da məqsəd müəyyən qrup vətəndaşların qanunsuz yolla əldə etdiyi maddi sərvət və var-dövləti leqallaşdırmaqdan ibarət olur. Bu isə ölkədən kapital axınının qarşısını alır. Azərbaycanda belə vəziyyət yaranmayıb və yoxdur. Ancaq bu o demək deyil ki, ölkədə qanunsuz yolla kifayət qədər maddi sərvət və yaxud var-dövlət toplamış şəxslər mövcud deyil. Ölkədə indiyədək artımı neft sektoru müəyyən edirdisə, bundan sonra qeyri-neft sahələri lokomotiv rolunda çıxış edəcək. Son illər korrupsiyaya qarşı mübarizə və onun aradan qaldırılması iqtisadiyyatın inkişafında əsas tələbə çevrilib. Azərbaycanda gizli və yaxud "kölgə" iqtisadiyyatının olduğunu hökumət də etiraf edir. Dövlət Statistika Komitəsinin məlumatına əsasən, onun ölkə iqtisadiyyatında payı əvvəl ikirəqəmli səviyyədə təşkil edirdisə, çoxdan birrəqəmliyə düşüb. "Kölgə" iqtisadiyyatı isə gəlirlərin gizlədilməsindən ibarətdir. Bunun bir neçə səbəbi var: vergi yükünün ağırlığı, hər hansı bir sahibkarın reputasiyasının və ya fəaliyyət sferasının qanuna zidd gəlməsi, nəhayət, məmur himayəçiliyi. Maliyyə amnistisiyası gəlirlərin bəyan edilməsi üçün ilkin rol oynaya bilər. Bu da heç kimin qazancını başqası ilə paylaşmalı olmadığı halda, ondan dövlətə vergi ödəməsi ilə nəticələnməlidir. Eyni zamanda, bu, sağlam iqtisadi münasibətlərin formalaşması üçün zəruri şərtdir".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...