Azərbaycanın milli toxuculuq sənayesi olsa...

Tarix: 09.02.2016 / 02:21
Bölmə: İqtisadiyyat

Vahid Əhmədov: "Yüngül sənaye sahəsinə investisiyalar yatırmaq lazımdır"

"Yüngül sənaye qeyri-neft sektorunun bir hissəsi olduğu üçün bu sahəyə diqqət ayırmaq lazımdır"

Azərbaycanın qədim və ənənəvi sahələrindən biri olan yüngül sənaye ölkənin xarici iqtisadi əlaqələrinin inkişafı baxımından mühüm potensiala malikdir. Ölkənin yüngül sənaye müəssisələri əsasən pambıq, yun, barama və gön-dəri xammalı məhsullarının emalına əsaslanır.

XIX əsrin sonunda Zaqafqaziyada ən böyük pambıq parça fabriki və Azərbaycanda ilk tikiş fabriki Bakı şəhərində yaranıb.

Qeyd edək ki, ötən əsrdə sənayenin təmərküzləşməsi yüngül sənayenin sürətli inkişafına təkan verdi.

İkinci Dünya Müharibəsinə qədər olan illərdə bir neçə iri müəssisələr tikilib - Gəncədə mahud fabriki, bir neçə pambıqtəmizləmə zavodları (Yevlax, Gəncə, Ucar, Salyan, Bərdə), Şəki və Xankəndində ipək kombinatları, Bakıda corab-trikotaj kombinatı, iki tikiş və bir ayaqqabı fabriki və s. Müharibədən sonrakı illərdə bir neçə iri müəssisələr tikilib. Mingəçevirdə toxuculuq kombinatı, Sumqayıtda xovlu iplik, üst trikotaj və tikiş fabrikləri, Gəncədə xalça kombinatı və tikiş fabriki, Bakıda ayaqqabı, tikiş, gön-qalanteriya fabrikləri, Ordubadda baramaaçan fabrik, Naxçıvanda alt trikotaj, tikiş və xalça fabrikləri, digər şəhərlərdə tikiş fabriklərini qeyd etmək olar.

Yüngül sənaye məhsullarının istehsalı üzrə ixtisaslaşan müəssisələr əsasən Bakı, Sumqayıt, Gəncə, Şəki, Yevlax, Xankəndi şəhərlərində, eləcə də Ordubad inzibati rayonunda fəaliyyət göstərib.

İqtisadçıların fikrincə, yüngül sənaye ağır sənayedən fərqli olaraq daha az kapital intensivlidir. Yüngül sənayeyə qoyulan vəsaitlər tezliklə qayıdır, istehsal edilən məhsulun çeşidi az miqdarda vəsait qoyuluşu nəticəsində asanlıqla dəyişdirilə bilir. Sənaye üzrə istehsal xərcləri də aşağıdır.

Açıqlanan rəsmi məlumatlara görə, 2008-ci ildən etibarən bir çox istiqamətlər üzrə müsbət artım dinamikası müşahidə olunur. Pambıq mahlıcı, hazır ipək parçalar, pambıq yataq ağları, pambıq ipliyi, corab və ayaqqabı istehsalında artım var.

Yevlax rayonunda "Lalə-Tekstil" MMC tikiş fabriki, Lənkəran tikiş fabriki, Yevlax "Gilan-Dəri" MMC, "Akkord" şirkətlər qrupunun Ağstafadakı tikiş fabriki, Şirvan şəhərində pambıqtəmizləmə zavodu, Bakı İplik Fabriki, Bakı Tikiş Evi, Bakı Tekstil Fabriki, Salyan "Atanur" firması yun emalı zavodu, "Şəki ipək" ASC-nin nəzdində yeni baramaaçan sex, Sumqayıt "İntertekstil" ASC, Sumqayıtda toxuculuq, boya və tikiş fabriklərindən ibarət "Gilan Tekstil Parkı" və sair bu kimi müəssisələr fəaliyyət göstərir.

Amma buna baxmayaraq, yüngül sənaye sahəsində istənilən nəticə əldə olunmayıb. Bu sahənin daha da inkişaf etməsi üçün nə etmək lazımdır?

Milli Məclisin İqtisadi siyasət, sənaye və sahibkarlıq komitəsinin üzvü, millət vəkili Vahid Əhmədov "Bakı-Xəbər"ə açıqlamasında qeyd etdi ki, yüngül sənaye qeyri-neft sektorunun bir hissəsi olduğu üçün bu sahəyə diqqət ayırmaq lazımdır: "İlk öncə kənd təsərrüfatı sahəsi üzrə barama və pambıq istehsalına diqqət ayırmaq lazımdır. Daha sonra onların emalı üçün fabriklər yaradılmalıdır. Ölkədə emal üçün bir neçə fabrik və kombinatlar mövcuddur. Lakin özəlləşmə prosesinə start veriləndən sonra həmin fabriklər təyinatı üzrə çalışmadılar".

Həmsöhbətimiz hesab edir ki, pambığın niyə ölkədə emal olunmaması və xaricə satılması araşdırılmalıdır.

V.Əhmədovun sözlərinə görə, yüngül sənayenin inkişafı ölkə üçün olduqca əhəmiyyətlidir. Bu sahənin inkişafı üçün ölkənin yetərincə imkanları mövcuddur. Yüngül sənaye sahəsinə investisiyalar yatırmaq lazımdır: "Yüngül sənayenin bir qolu olan kənd təsərrüfatı sahəsinə diqqəti daha da artırmaq lazımdır. Ölkə başçısı İlham Əliyev yüngül sənayenin inkişafı üçün bir neçə sərəncamlar imzalayıb".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...