Prezidentin son müşavirəsindən sonra milli mebel sənayesində böyük inkişaf başlayıb

Tarix: 09.02.2016 / 02:33
Bölmə: İqtisadiyyat

Zakir Əhmədov: "Sahibkarlar bunu düzgün dəyərləndirsələr, yerli mebel sənayesi inkişaf edəcək"

"Bu sahə üçün lazım olan ehtiyat hissələrinin ölkə daxilində istehsalına önəm verilməlidir"

Azərbaycanda dolların məzənnəsində baş verən dəyişiklikdən sonra bir çox satış məntəqələrində durğunluq yaşandı. Onlardan biri də mebel bazarı idi. Yayılan məlumatlara görə, mebel bazarında yaranan durğunluq artıq aradan qalxmağa, alqı-satqı bərpa edilməyə başlayıb.

Bunu həm satıcılar, həm də alıcılar təsdiq edir. Ancaq bazarda diqqətçəkən bir məqam odur ki, yerli məhsullara üstünlük verən alıcıların sayı artıb.

Satıcılar deyir ki, bu amil 2016-cı ilin əvvəlindən daha çox hiss edilməyə başlayıb. Onların sözlərinə görə, ötən ilin dekabr ayının son günlərində əhalinin alıcılıq qabiliyyəti əvvəlki illərin müvafiq dövrü ilə müqayisədə azalsa da, bu ilin əvvəlindən kreditləşmə bərpa olunduqdan sonra bazarda nisbətən canlanma müşahidə olunur. Ancaq son vaxtlar xaricdə istehsal edilən mebellərə maraq son dərəcə azalıb. Bu daha çox yerli və xarici məhsul arasındakı qiymət fərqi ilə əlaqələndirilir. Məsələ ondadır ki, dolların bahalaşmasından sonra xaricdən gətirilən mebellərin qiymətləri bahalaşıb. Bu da alıcılıq qabiliyyətinin aşağı düşməsinə səbəb olub. Müəyyən endirimlər də xarici mebellərə marağı artıra bilməyib.

Qeyd edək ki, mebel bazarı dünyada ən vacib pul qazandıran sektorlardan hesab olunur. Bu bazarda il ərzində dövriyyədə olan pulun miqdarı 376 milyard dollardır. Dünya mebel bazarındakı istehsala Çin liderlik edir. Çünki mebel istehsalının 25 faizi bu ölkənin payına düşür. Çindən sonra Amerika Birləşmiş Ştatları (15%), İtaliya (8%) və Almaniya (7%) gəlir. Bu sahədə Türkiyənin dünya bazarında yeri cəmi 1%-dir.

Əvvəllər manatın dollardan baha olması yerli mebel istehsalına mənfi təsir göstərirdi. Ona görə ki, bu səbəbdən rəqabət aparmaq çətinləşirdi. Nəticədə bazarda daha çox idxal mebel üstün çəkiyə malik olurdu. Bu da valyutanın xaricə axmasına gətirib çıxarırdı. Devalvasiyadan sonra, göründüyü kimi, yerli mebel sənayesinin inkişafı üçün yeni imkanlar açılıb. O baxımdan ekspertlər bunu necə dəyərləndirir?

Məsələyə münasibət bildirən ekspert Zakir Əhmədovun fikrincə, yerli mebel sənayesinin inkişafı üçün yeni imkanlar açılır: "İndi qalır bu sahədə çalışan sahibkarın bunu düzgün dəyərləndirməsinə. Məlum olduğu kimi, Prezident İlham Əliyev dövlət qurumlarına yerli mebel məhsullarını sifariş etməyi tövsiyə edib. Çox güman ki, yerli mebelə tələbat daha da artacaq. Yerli mebelin maya dəyərinə təsir edən faktorlardan biri lazım olan xammalın xaricdən idxal olunmasıdır. Bu sahədə idxalı tam aradan qaldırmaq mümkün olmasa da, qismən azaltmaq olar. Ona görə ki, mebel istehsalında istifadə olunan meşə materialları digər ölkələrdən gətirilir. Ancaq digər ehtiyat hissələrinin ölkə daxilində istehsalına önəm verilməlidir. Digər tərəfdən, vətəndaşlar hazırda ikinci dərəcəli xərclərdən imtina etdiyi üçün mebelə olan ehtiyacını daha ucuz başa gələn yerli mebellərlə ödəyir. Prinsipcə, keyfiyyət cəhətdən onlar arasında elə də ciddi fərq yoxdur.

Fərq yalnız onların qiymətlərindədir. Vətəndaşlar isə əlavə xərcdən qaçmaq üçün yerli mebellərə üstünlük verməyə başlayıb. Sahibkarlar bunu düzgün dəyərləndirsələr, yerli mebel sənayesi inkişaf edəcək. Bir neçə ildən sonra hətta xaricə məhsul ixrac etmək imkanları yaranacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...