Rayonları dotasiyadan çıxarmağın ən optimal yolları və müddətlərini necə təyin etməli...

Tarix: 06.02.2016 / 02:15
Bölmə: İqtisadiyyat

Vahid Əhmədov: "Bunu mərhələ-mərhələ etmək lazımdır"

"Analiz aparıb təyin etmək lazımdır ki, hansı rayon özünü maliyyələşdirə, hansı rayonun iqtisadi potensialı buna imkan verə bilər"

Rayonların dotasiyadan azad edilməsi məsələsi aktual olaraq qalır. Bununla bağlı müxtəlif fikirlər səslənir. Prezident İlham Əliyevin yanvar ayında Nazirlər Kabinetinin toplantısında bu məsələni gündəmə gətirməsi böyük marağa səbəb olub.

Dövlət başçısı xüsusi olaraq vurğulayıb ki, rayonların iqtisadi və sənaye potensialı güclənməlidir. Onun fikrincə, artıq rayonların əksəriyyətinin dotasiya ilə yaşaması qəbuledilməzdir: "Bizim əksər rayonlarımız dotasiya ilə yaşayır. Əvvəlki illərdə biz buna, necə deyərlər, göz yuma bilərdik. Böyük gəlirlərimiz var idi və bu dotasiyaları biz verirdik. Ancaq nə üçün bizim rayonlarımız dotasiya ilə işləməlidirlər? Bizim rayonlarımızın orta hesabla əhalisi o qədər də böyük deyil. Onlar özləri iqtisadi cəhətdən daha səmərəli işləsələr, bütün xərclərini bağlaya bilərlər. Amma gözləyirlər ki, bunlara nə qədər vəsait ayrılacaq".

Bu günlərdə Prezidentin ictimai-siyasi məsələlər üzrə köməkçisi Əli Həsənov da bu məsələyə toxunub. Onun sözlərinə görə, dövlət ancaq zəruri məsələlərin maliyyə təminatını öz üzərində saxlamalıdır: "Rayonlar öz potensiallarından tam istifadə edərək yavaş-yavaş dotasiyadan çıxmalıdır. Bunun üçün bütün imkanlar var və bu imkanlar işə salınmalıdır".

Qeyd edək ki, Azərbaycanın 10 şəhər və 66 rayonundan cəmi 4 şəhər və 2 rayonu dövlətdən maliyyə yardımı almadan öz büdcəsini formalaşdıra bilir. Rayonların bir qisminə mərkəzi büdcədən nisbətən az vəsait ayrılsa da, bəzi rayonların daxili xərclərinin 70-80 faizi ayrılan dotasiyalar hesabına ödənilir. Artıq bir neçə ildir rayonlara ayrılan dotasiyaların azaldılması istiqamətində müxtəlif yollar axtarılır. Bu istiqamətdə müəyyən tədbirlər həyata keçirilir, müxtəlif təkliflər səslənir. Kimi bölgələrin sənaye, aqrar və turizm potensialından maksimum yararlanmağı məsləhət görür, kimi də xarici investorların Azərbaycana cəlb olunmasının vacibliyini vurğulayır. Bütün bu deyilənlərin fonunda, rayonların dotasiyadan azad olunmasının ən optimal yolu və müddəti nədir?

Sözügedən məsələni dəyərləndirən iqtisadçı, millət vəkili Vahid Əhmədovun fikrincə, bu mərhələ-mərhələ olmalıdır: "Birdən-birə bunu etmək mümkün deyil. Bu barədə dövlət başçısının xüsusi göstərişi var. Son zamanlar infrastruktur layihələrinə görə regionlara xeyli miqdarda vəsait ayrılıb. Su, qaz, işıq, yol xətləri məsələləri, demək olar ki, artıq həll olunub. Məhz buna görə rayonların artıq özlərini maliyyələşdirmək imkanının olduğunu hesab edirik. Son illər artıq Bakı şəhəri, Sumqayıt, Neftçala, Mingəçevir özlərini maliyyələşdirə bilir. Artıq bütün rayonlar üzrə bu sistemə keçməyin vaxtı gəlib çatıb. Burada əsas prinsip dövlət büdcəsindən yerli büdcələrə vəsait ayırmamaqdan ibarətdir. Rayonların iqtisadi potensialını təyin etmək üçün analiz aparmaq lazımdır. Rayonların iqtisadi inkişafı və potensialının artırılması məsələsi isə artıq yerli icra orqanlarının gördüyü işlərdən asılıdır.

Yeni iş yerləri, əlavə obyektlər açılarsa, həmin rayonların özlərini saxlamaq imkanı da mütənasib olaraq artacaq. Bu barədə analiz aparıb təyin etmək lazımdır ki, hansı rayon özünü maliyyələşdirə, hansı rayonun iqtisadi potensialı buna imkan verə bilər. Bütün bu işlər lazımınca həyata keçirilsə, dövlət büdcəsindən olan xərclər azalacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...