Bağlanmış bank əmanətlərinin nağd qaytarılmasının inflyasiya yaratmaq təhlükəsi...

Tarix: 05.02.2016 / 02:16
Bölmə: İqtisadiyyat

Oqtay Haqverdiyev: "Hesab edirəm ki, vətəndaşlar qaytarılan əmanətləri digər banklara qoymasa, bu, birbaşa inflyasiya risqi yarada bilər"

"Əmanətçi pulu bankda ona görə saxlayır ki, üstünə faiz gəlsin"

Hazırda ölkənin bank sektorunda baş verən proseslər bütün ictimaiyyətin diqqətindədir. Məlum olduğu kimi, son günlər bir neçə bankın lisenziyası ləğv edilib. Aydın məsələdir ki, bağlanan banklar Əmanətlərin Sığortalanması Fondunun üzvüdürsə, onların əmanətçiləri narahat olmur.

Belə ki, qanunla qorunan əmanətlər, 30 min manatı aşmamaq şərtilə, müştərilərə yeddi iş günü ərzində geri qaytarılır. Qanunvericiliyə əsasən, Mərkəzi Bank tərəfindən bankın lisenziyası ləğv olunduğu halda, həmin banka inzibatçı təyin olunur. Kredit borclarının qaytarılması məsələsindən başqa, qalan bütün əməliyyatlar dondurulur. Bankların bağlanma prosesinin davam edəcəyi gözlənir. Bəzi bankların birləşməsi gündəmdədir. Bu gün elə banklar var ki, onlar üzərlərinə düşən öhdəlikləri yerinə yetirə bilmir. Belə bankların bağlanmasına ehtiyac var. Yaxşı haldır ki, bağlanan banklara qoyulan əmanətlər əmanətçilərə geri qaytarılır.

Əmanətlərin Sığortalanması Fondunun icraçı direktoru Azad Cavadov bildirib ki, Fondun 132 mln. manat vəsaiti var və bu, kompensasiyaların verilməsi üçün yetərlidir: "Bank of Azerbaijan", "Gəncəbank" və "Yunayted Kredit Bank"ın əmanətçilərinə ümumilikdə 28,8 mln. manat kompensasiya veriləcək. "Bank of Azerbaijan"a kompensasiya ödənildikdən sonra Fondun 107, "Gəncəbank"a kompensasiyalar veriləndən sonra 105, "Yunayted Kredit Bank"ın əmanətçilərinə ödəniş edildikdən sonra isə 103 milyon manat vəsaiti qalacaq. Digər banklarda sığorta hadisəsi baş versə belə, ümumilikdə Fond 118 milyon manata yaxın kompensasiya ödəyəcək və onun 14 milyon manat vəsaiti qalacaq".

Bütün hallarda, əmanətlərin banklardan geri götürülməsi bir sıra əmanətçinin əlində müəyyən həcmdə nağd vəsaitin olması deməkdir. Bu da, istər-istəməz, pul dövriyyəsinə təsirsiz ötüşmür. Ümumilikdə, sözügedən vəziyyət ölkədə inflyasiya risqi yarada bilərmi?

Məsələyə münasibət bildirən iqtisadçı-ekspert Oqtay Haqverdiyev buna bir neçə prizmadan yanaşdı: "Sözügedən vəsait əldə qalsa, o zaman bunun müəyyən qədər inflyasiyaya təsiri ola bilər. Ancaq məndə olan məlumata görə, vəsait qaytarılanda əmanətçilərə təklif olunur ki, sözügedən vəsaiti əvvəlki şərtlərlə digər banklara qoysunlar. Yəni belə təkliflər də var. Təkcə vəsaitin əmanətçilərə qaytarılması ilə iş bitmir. Ona görə də ola bilsin ki, həmin vəsaitlərin bir hissəsi digər banklara qoyulsun. Belə olan halda, inflyasiya risqi yoxdur. Əmanətçi pulu bankda ona görə saxlayır ki, üstünə faiz gəlsin. Çünki həmin vəsait bugünkü gündə ona lazım deyil. Saxlayır ki, üstünə əlavə pul gəlsin. Yoxsa, ehtiyacı olsa, vəsaiti banka niyə qoysun ki?! Xərcləyəcək də. O üzdən hesab edirəm ki, vətəndaşlar qaytarılan əmanətləri digər banklara qoymasa, bu, birbaşa inflyasiya risqi yarada bilər. Yox, əgər digər banklara yerləşdirsələr, o zaman heç bir problem yoxdur".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...