2016-cı ildə vergidən yayınmaların azalmasına təsir göstərə biləcək daha bir fenomen...

Tarix: 04.02.2016 / 02:07
Bölmə: İqtisadiyyat

Nəriman İbrahimov: "Bununla vergidən yayınma halları minimuma enər və büdcəyə daxilolmalar nəzərəçarpacaq dərəcədə artar"

"İnsanlarda elektron ticarət vərdişi yaratmaq üçün müəyyən maarifləndirmə kampaniyaları həyata keçirilməlidir"

Ötən il Azərbaycanda elektron ticarət dövriyyəsinin həcmi iki dəfəyə qədər artıb. Belə ki, 2015-cı ildə elektron pərakəndə ticarət dövriyyəsinin həcmi 12,8 milyon manat təşkil edib. Rəqəmi açıqlayan Dövlət Statistika Komitəsi bildirib ki, bu, 2014-cü ilin göstəricisinə nisbətən 1,9 dəfə çoxdur.

Cari ildə atılan bir sıra addımlar elektron ticarət dövriyyəsinin 2015-ci ilə nisbətən xeyli artacağını ehtimal etməyə əsas verir.

Son illər Bakıda minə yaxın internet ticarəti resursu peyda olub. Əsasən sosial şəbəkələrdə - "Facebook"da və "İnstagram"da yerləşən bu resurslar əsas idxalı poçt vasitəsilə gerçəkləşdirir. Orta hesabla aylıq 8000 dollarlıq dövriyyəyə malik internet ticarəti resursları əsasən nağd vəsaitlərlə işləyir. Məhsulun qiymətinin üzərinə əlavə etdikləri ticarət marjası elə də yüksək olmur, adətən 20-30 faiz əlavə edirlər. Azərbaycandakı qeyri-rəsmi internet resurslarının illik dövriyyəsi təxminən 96 milyon dollar ətrafındadır.

Bütün bunlara rəğmən, Azərbaycanın adambaşına düşən rəsmi onlayn-ticarət dövriyyəsi bir sıra MDB ölkələri ilə müqayisədə çox geridir. 2014-cü ildə Rusiyada 16,6 milyard dollarlıq (adambaşına 115 dollar), Qazaxıstan 1,5 milyard dollarlıq (adambaşına 88 dollar), Belarusda 450 milyon dollarlıq (adambaşına 47 dollar) onlayn-ticarət dövriyyəsi qeydə alınıb. Azərbaycanda isə 2014-cü ildə 7,3 milyon dollarlıq, yəni adambaşına vur-tut 0,9 dollar onlayn-ticarət rəsmiləşdirilib. Bütün bunlara rəğmən, ilbəil Azərbaycanda elektron ticarətin dövriyyəsi böyüyür. Azərbaycanda həyata keçirilən bir sıra islahatlardan sonra güman olunur ki, bu il və növbəti illərdə elektron ticarətin həcmi daha çox artacaq. Ümumən elektron ticarət dövriyyəsinin ilbəil böyüməsi ölkə iqtisadiyyatının inkişafına nə verir?

Sözügedən məsələni dəyərləndirən ekspert Nəriman İbrahimovun sözlərinə görə, elektron ticarətin alıcılar, şirkətlər və ölkə üçün bir çox üstünlükləri var: "Elektron ticarət zamanı alıcı vaxta və pula qənaət edir, dövlət isə vergi sistemində şəffaflığa nail olur. Belə ki, elektron ticarət zamanı ödəmələr onlayn üsulla aparıldığından, bütün hesablaşmalar qeydə alınır və vergiyə cəlb olunur. Nəticədə vergidən yayınma halları praktik olaraq mümkün olmur. Bu da, öz növbəsində, dövlət büdcəsinə daha çox vergi daxil olmasına şərait yaradır. Bununla da vergidən yayınma halları minimuma enər və büdcəyə daxilolmalar nəzərəçarpacaq dərəcədə artar. Ölkə iqtisadiyyatının inkişafı üçün məhz bu amil başlaca əhəmiyyətə malikdir. Ölkədə elektron ticarətin inkişafı üçün ilk növbədə insanları bu sahəyə cəlb etmək lazımdır. Bunun üçün isə müəyyən güzəştlər tətbiq edilməli və konkret addımlar atılmalıdır. Elektron ticarət sahibkar üçün də sərfəlidir. Bu zaman çoxsaylı işçi saxlanmasına ehtiyac olmur.

Bu sahədə ilbəil dövriyyənin artması müsbət haldır. Baxmayaraq ki, bir sıra ölkələrlə müqayisədə Azərbaycanda onlayn ticarətin həcmi çox aşağıdır.

İnsanlarda elektron ticarət vərdişi yaratmaq üçün müəyyən maarifləndirmə kampaniyaları həyata keçirilməlidir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...