Bank olmayan kredit təşkilatları birləşmək tələbatına nə qədər müqavimət göstərə biləcək?

Tarix: 04.02.2016 / 02:14
Bölmə: İqtisadiyyat

Vüqar Bayramov: "BOKT-ların birləşməməsinin səbəblərindən biri biznes mentalitetinin zəif olmasıdır"

"Birləşsələr, onda onların fəaliyyəti daha likviditli olacaq"

Azərbaycanda manatın təkrar ucuzlaşdırılmasından sonra bank olmayan kredit təşkilatlarının (BOKT) vəziyyəti ağırlaşsa da, onlar hələ ki, birləşmək barədə düşünmür. Bunu mətbuata açıqlamasında Azərbaycan Mikromaliyyə Assosiasiyasının (AMFA) İdarə Heyətinin sədri Süleyman Kələşov bildirib.

Onun sözlərinə görə, devalvasiya, banklarda olduğu kimi, BOKT-ların kapitalında ciddi azalmaya səbəb olmayıb, odur ki, kredit təşkilatları konsolidasiyaya ehtiyac görmür: "Birləşmə adətən kapitalla bağlı problem olanda zərurətə çevrilir. Bildiyiniz kimi, BOKT-lara nizamnamə və məcmu kapital tələbi cəmi 300 min manatdır. Halbuki, banklarda bu göstəricilər 50 milyon manat olmalıdır. Yəni kapital tələbi az olduğu üçün hazırda bütün BOKT-lar onu yerinə yetirə bilir. Buna görə də hələ ki, konsolidasiya məsələsi gündəmdə deyil".

Ancaq o da var ki, son bir ildə BOKT-ların sayı iki dəfə azalıb. Onların sayının azalmasındansa, birləşməsi daha yaxşı olardı. Çünki bank olmayan kredit təşkilatları mikrokreditlərin verilməsi ilə məşğuldur və əmanət cəlb etmir. Əmanət cəlb etmədən müxtəlif daxili və xarici mənbələrdən vəsaitlər cəlb edərək onu mikrokreditlər formasında vətəndaşlara təqdim edirlər. Bank olmayan kredit təşkilatların cəlb etdiyi vəsaitlərin bir qismi bahalı olduğundan, nisbətən aşağı faizlə təklif yüksək gəlir əldə etməyə imkan vermir. Bütün hallarda, mikromaliyyələşdirmə işində BOKT-ların fəaliyyətinə ehtiyac var. Bu işi təkcə bankların görməsi sahibkarların seçim imkanlarını azaldır.

Maraqlıdır, bəs ekspertlər BOKT-ların birləşməməsinin səbəbini nədə görür?

Məsələyə münasibət bildirən iqtisadçı-ekspert Vüqar Bayramov bunu onların biznes mədəniyyətinin aşağı olması ilə əlaqələndirdi: "Bu kimi təsisatların indiki dövrdə birləşməsi vacibdir. Ancaq çox təəssüf ki, banklarla yanaşı, BOKT-lar da uzun müddət birləşməkdə maraqlı olmadı. Bankların vəziyyəti çox ağırlaşandan sonra birləşməklə bağlı qərar verdilər. O baxımdan BOKT-ların da birləşməsi vacibdir. Ancaq təəssüflər olsun ki, bu müşahidə olunmur. Bunun başlıca səbəblərindən biri mövcud mədəniyyətin və biznes mentalitetinin zəif olmasıdır. Bu səbəbdən görürsən ki, müflisləşməyə gedirlər, amma birləşməklə bağlı addım atmırlar. Ona görə də hesab edirəm ki, indiki vəziyyətdə məqbul variant BOKT-ların birləşməsindən keçir. Belə olarsa, onda onların fəaliyyəti daha likviditli olacaq. Mikrokreditlərin faiz dərəcələri müştərilər üçün sərfəli olacaq. Bu da kiçik sahibkarlığın inkişafına müsbət təsir edəcək. Ona görə də düşünürəm ki, birləşmə vacibdir və BOKT-lar nə qədər tez buna getsələr, bir o qədər yaxşı olar. Nəticədə biznesləri genişlənəcək və eyni zamanda onlara inam artacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...