Kredit borclularının intiharında müqəssirlərdən biri - kollektor şirkətlərin "qoçuluğu"

Tarix: 02.02.2016 / 02:05
Bölmə: İqtisadiyyat

Rəşad Həsənli: "Kollektor şirkətləri öz fəaliyyətinə korrektələr etməlidir"

Əkrəm Həsənov: "Bankın vətəndaşın krediti haqqında kollektor şirkətinə məlumat verməyə ixtiyarı yoxdur, bununla da bank öz sirrini pozur"

Problemli kreditlərin real həcmi bankların işini çətinləşdirir. Hazırda bankların bəziləri problemli kreditlərin qaytarılmasını kollektor şirkətlərinə həvalə edib.

Lakin məlumatlar səslənir ki, ölkəmizdəki bəzi kollektor şirkətləri kreditlərin alınmasında sivil üsullarla yanaşı, bir sıra hallarda, vətəndaşların hüquqlarının pozulmasına yönəlik addımlar da atır.

Artıq kollektor şirkətlərinin bu əməllərindən şikayətlənən vətəndaşlar var. Bu üsul kollektor agentliklərinin işində "hard-collection" mərhələsi adlanır. Bu mərhələ "borcalana sərt təzyiq" olaraq adlandırılır. Bu zaman edilən zənglərin və edilən təhdidlərin sayı artırılır. Nəticədə isə kredit qaytara bilməyən şəxs ciddi psixoloji gərginlik keçirir. Kollektor şirkətlərinin hədə-qorxusu maddi durumu krediti qaytarmağa uyğun olmayan şəxsləri lap gərgin vəziyyətə salır. Çıxılmaz vəziyyətdə qalan isə son çarəni intihar etməkdə görür. Banklarla əlaqəli intiharlar bir-birini əvəzləyir. Bəzi bank müştərilərinin özünü asdığı, yandırdığı, həyatına qəsd etdiyi haqda məlumatlar yayılır.

Kollektorların vaxtsız-vədəsiz zəngləri, hədələrinə tab gətirə bilməyən borclu insanların acı aqibəti cəmiyyətdə narahatlıq doğurur. Bu səbəbdən bir sıra ekspertlər təklif edir ki, kollektor şirkətləri ləğv olunsun. Onlar kreditlə bağlı intihar hallarına görə müəyyən məsuliyyət daşıyır.

İqtisadçı-ekspert Rəşad Həsənli qəzetimizə açıqlamasında bildirdi ki, krediti ödəyə bilməyən şəxsə psixoloji təzyiqin göstərilməsi sonda kreditin qaytarılmamasına səbəb olur: "Hansısa bank problemli krediti həll etmək üçün kollektorlardan yardım istəyirsə, bu normal durum deyil. Kollektorlar vəziyyəti daha da kritik həddə çatdırır".

İqtisadçının fikrincə, bu şirkətlərin fəaliyyəti qanunvericiliklə tənzimlənməlidir: "Kollektorların kredit borcu olan insanlarla ünsiyyətə girməyə ixtiyarı var. Amma bu onlara əsas vermir ki, vətəndaşa qeyri-rəsmi formada hədə-qorxu gəlsin, onları tənqid etsin. Banka borcu qaytara bilməyən şəxslərə hədələrin artması aqressiyanı daha da artırır. Nəticədə insanlar krediti ödəməkdən imtina edəcək".

R.Həsənlinin sözlərinə görə, hazırda insanlar borcu ödəmədiyinə görə ciddi sıxıntı yaşayır: "Çünki onlar başa düşür ki, krediti qaytara bilməsə, girov qoyduğu əmlakı əlindən alına bilər. Bu baxımdan kredit götürənlər arasında psixoloji gərginlik mövcuddur. Statistik məlumata görə, hazırda ölkədə 2 milyondan çox insanın krediti var. Onların yarısı problemli kreditlərə aiddir".

Həmsöhbətimiz hesab edir ki, kollektor şirkətləri öz fəaliyyətində korrektələr etməlidir.

Bank sahəsi üzrə ekspert Əkrəm Həsənovun sözlərinə görə, problemli krediti olan müştərinin intiharına görə bank heç bir hüquqi məsuliyyət daşımır. Onun sözlərinə görə, bəzi hallarda isə bankın maddi məsuliyyəti olur: "Bu məsələdə intihar etmə həddinə çatdıran bank işçisi məsuliyyət daşıyır, amma bank məsuliyyət daşımır. Digər tərəfdən, vətəndaşı qorxudan bankın işçisi deyil, hazırda banklar tərəfindən vətəndaşlardan həmin borcu tələb etmək üçün cəlb edilən kollektor şirkətinin nümayəndəsidirsə, bu halda bankın ölən şəxsin varisləri qarşısında maddi məsuliyyəti yaranır. Çünki bank işi kollektor şirkətinə tapşırmaqla bank sirrini pozur. Bankın müştərisinin borcu haqqında məlumatı 3-cü şəxsə verməyə ixtiyarı yoxdur".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...