İcra başçıları böyük "investisiya problemi" qarşısında...

Tarix: 30.01.2016 / 02:22
Bölmə: İqtisadiyyat

Vahid Əhmədov: "Hər bir icra hakimiyyətinin başçısı rəhbərlik etdiyi rayonda yüksək səviyyədə..."

"Sadəcə işləmək, sözün əsl mənasında, tər tökmək lazımdır"

Azərbaycanda yerli icra hakimiyyəti orqanlarının işinə qiymət, onların rayona cəlb etdiyi investisiyaya və sahibkarlığa yaratdığı şəraitə görə veriləcək. Bunu "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının ikinci ilinin yekunlarına həsr olunan konfransda Prezident İlham Əliyev deyib.

O bununla bağlı bir sıra məqamlara toxunub: "Mən artıq göstəriş vermişdim ki, hər bir rayonda sənaye zonaları yaradılsın. Ancaq bu proses ləng gedir. Burada oturan bütün şəhər, rayon icra başçıları da bu işlərdə daha fəal olmalıdırlar. Onlar, İqtisadiyyat Nazirliyi və sahibkarlar bu işi görməlidirlər. Hər bir rayondan ayrılacaq sahələrlə bağlı konkret təkliflər verilməlidir. İcra başçıları özləri bu işlərə çox ciddi fikir verməlidirlər. Ümumiyyətlə, bölgələrimizə investisiya axınını daha çox Azərbaycan dövləti, sahibkarlar təşkil edirdi. Hesab edirəm ki, yerli icra hakimiyyəti orqanları bu işlərdə daha da fəal olmalıdırlar. Onların fəaliyyətinə veriləcək qiymət böyük dərəcədə bu amildən asılı olacaq: nə qədər investisiya cəlb etmisən, sahibkarlara nə qədər şərait yaratmısan, nə qədər müəssisə yaradılıb, nə qədər yeni iş yeri açılıb?!".

İqtisadiyyatın inkişafında investisiyaların rolu danılmazdır. İstər dövlət, istərsə də sahibkarlar xətti ilə yatırılan investisiyalar inkişafı sürətləndirir. Bu gün vacib olan məqamlardan biri də regionlara, rayonlara sərmayə qoyuluşunu təşviq etməkdir. Xüsusən də xarici investisiyanın cəlb olunması indiki dövrdə daha çox əhəmiyyət kəsb edir. Bu baxımdan sözügedən məsələ ilə bağlı icra başçıları nə etməlidir?

Sözügedən məsələni dəyərləndirən iqtisadçı, millət vəkili Vahid Əhmədovun fikrincə, bununla bağlı icra başçıları çox işləməlidir: "Bu sahədə vəziyyət indi-indi müsbətə doğru inkişaf edir. Lisenziyaların verilməsinin sadələşdirilməsi və digər bu kimi mühüm qərarların qəbulu ümumilikdə sahibkarların öz fəaliyyətini daha da genişləndirməsi üçün yeni imkanlar açır. Ancaq düşünürəm ki, artıq bu istiqamətdə də düyməyə basılıb, dövlət başçısı konkret tapşırıqlar verib və proses gedəcək. Cənab Prezident regionlara xüsusi diqqət yetirir. Nədir bunun səbəbi? Əgər biz regionların inkişafına 4 milyard manat investisiya qoymuşuqsa, bundan dövlət büdcəsinə gəlir də gəlməlidir. Nə üçün regionlar dövlət büdcəsindən asılı vəziyyətdə qalmalıdır? Hər bir region özünü təmin etməyi bacarmalıdır. Hər bir icra hakimiyyətinin başçısı rəhbərlik etdiyi rayonda yüksək səviyyədə təşkilatçılıq etməli, yeni istehsal müəssisələri, fermer təsərrüfatlarının yaradılması, investorların bu sahəyə cəlb edilməsi istiqamətində iş aparmalıdır.

Ayrı-ayrılıqda hər bir rayonun bu mənada yaxşı imkanları, potensialı var. Sadəcə işləmək, sözün əsl mənasında, tər tökmək lazımdır. İnvestorların cəlb edilməsi Azərbaycan üçün çox önəmlidir. Digər tərəfdən, hökumətlərarası komissiyalar yaranıb və xarici ölkələrlə iqtisadi-siyasi, ticari əlaqələrin inkişafı üçün lazımi işlər görülür. Azərbaycan investisiya qoyulması üçün əlverişli ölkədir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...