Quş əti istehsalını xarici asılılıqdan necə qurtarmalı...

Tarix: 28.01.2016 / 02:10
Bölmə: İqtisadiyyat

İlqar Hüseynli: "Hesab edirəm ki, bu məsələdə başlıca olaraq yem problemi həll olunmalıdır"

"Bunun üçün quşçuluq müəssisələrinə torpaq sahələri ayrılmalıdır"

"Azərbaycanda ərzaq təhlükəsizliyinin təmin edilməsi prioritetdir". Bunu "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının ikinci ilinin yekunlarına həsr olunmuş konfransda çıxışı zamanı Prezident İlham Əliyev deyib. Dövlət başçısı bildirib ki, keçən il kənd təsərrüfatı ili olub: "Əslində isə hər il kənd təsərrüfatı ili kimi qəbul olunmalıdır.

İlk növbədə torpaq uçotu dəqiq aparılmalıdır. Sənəddə bir sahədir, fermer başqa ölçüdə sahədə işləyir. Düzgün uçot və sənədləşmə aparılmalıdır. Bu il bu istiqamətdə ciddi işlər görülməlidir".

Bununla yanaşı, Prezident quş ətinin istehsalı ilə bağlı olduqca diqqətçəkən məqamlara toxunub. Onun açıqlamasından belə məlum olub ki, Azərbaycan özünü quş əti ilə təmin etsə də, bununla bağlı lazım olan komponentlərin 60 faizindən çoxunu xaricdən idxal edir: "Quş əti ilə 98,6 faiz özümüzü təmin edirik. Quş ətinin istehsalında son illər böyük artım var, çünki dövlət buna böyük dəstək verib. Ancaq quş ətinin istehsalında maya dəyərində xaricdən asılılıq 65 faizdir. Burada asılılıq dedikdə qarğıdalı, soya, günəbaxandan söhbət gedir. Sahibkarlar da bunu nəzərə almalıdırlar. Özümüzü 96 faiz yumurta ilə təmin etsək də, 65 faiz maya dəyərində xaricdən asılılıq var. Süd istehsalında da yem və dərman amilindən xaricdən asılılıq var. Biz südlə özümüzü təmin etməli və ixrac da etməliyik".

Quş əti istehsalında sözügedən komponentlərin daxili istehsal hesabına təmin edilməsi üçün hansı işlər görülməlidir? Ekspertlərin bununla bağlı təklifləri nədən ibarətdir?

Sözügedən məsələni dəyərləndirən ekspert İlqar Hüseynlinin fikrincə, bunun üçün bir sıra kompleks tədbirlər görülməlidir. Onun fikrincə, sənaye üsulu ilə quş əti istehsalının daha da artırılması imkanları var: "Sadəcə, bəzi amillər buna mane olur. Toyuq əti və yumurtanın maya dəyərinə təsir edən əsas amillər - yem əlavələri, baytarlıq preparatları, vaksinləri, məhsulların satış şərtləridir. Həmçinin, yem bazasının artırılması üçün əlavə torpaq sahələrinin ayrılmasına ehtiyac var. Problem ondadır ki, quşçuluq müəssisələri istehsal üçün lazım olan bütün xammalı, avadanlığı xaricdən gətirir. Müəssisələr üçün lazım olan dərman preparatlarının, yem əlavələrinin, lazım olan avadanlığın 100 faizi başqa ölkələrdən alınır. Yemin isə 80 faizi xaricdən gətirilir. Qarğıdalı, buğda və arpanın 15 faizi yerli məhsul hesabına təmin olunur. Hesab edirəm ki, bu məsələdə başlıca olaraq yem problemi həll olunmalıdır. Bunun üçün də müəssisələrə yem istehsal edə bilməsi üçün torpaq sahələri ayrılmalıdır. Bu istiqamətdə ciddi iş aparılmalıdır. Düzdür, torpaq sahələrinin ayrılması bir qədər uzun bir prosesdir. Torpaq sahələrinin müəyyən hissəsi şoranlaşıb, həmin ərazilərə işıq, su çəkilməlidir və s. Ancaq bu istiqamətdə səyləri artırmaq lazımdır. Quşçuluq müəssisələrinin torpaq problemi həll olunarsa, yem problemini aradan qaldırmaq olar. Bununla yanaşı, quşçuluq təsərrüfatlarının kredit təminatında çətinliklər var. Kredit ala bilmirlər. Mümkün olan qədər bu işdə onlara kömək etmək lazımdır. Hesab edirəm ki, bu işlər paralel şəkildə həyata keçirilsə, quş ətinin maya dəyərinə təsir edən idxal faktorlarını aradan qaldırmaq olar".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...