Prezident dövlət şirkətlərinə yeni iş yerləri məsələsində ayrıca məsuliyyət ayırdı

Tarix: 28.01.2016 / 02:33
Bölmə: İqtisadiyyat

Ruslan Atakişiyev: "İqtisadi böhran dövrlərində müşahidə olunan işsizliyi aradan qaldırmaq üçün əhalini ictimai işlərə cəlb edirdilər"

"Bu kimi vasitələrlə yeni iş yerləri açıb işsizliyin səviyyəsini aşağı salmaq olar"

Məlum olduğu kimi, "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqrammı"nın icrasının ikinci ilinin yekunlarına həsr olunmuş konfransda çıxışı zamanı Prezident İlham Əliyev bir sıra aktual və həlli vacib məqamlara toxunub. Dövlət başçısı bildirib ki, sahibkarlığın inkişafı üçün böyük işlər görülüb.

Ancaq yeni dövr yeni yanaşmalar tələb edir. Sahibkarlığı inkişaf etdirmək, yerli istehsalı artırmaq üçün əlavə tədbirlər görülməlidir: "Ancaq istəyirəm yerlərdə sahibkarlar problemləri dilə gətirsinlər ki, o problemlər həllini tapsın".

Prezident yeni iş yerlərinin açılmasında dövlət qurumlarını fəal olmağa çağırıb. Onun fikrincə, yeni iş yerlərinin yaradılmasına ehtiyac var, çünki bəzi iş yerləri bağlanır: "Son 12 ildə 1 milyon 500 min iş yeri yaradılıb, 1 milyon iş yeri daimidir. Digər tərəfdən, Azərbaycan əhalisi artıb, bu il Azərbaycan əhalisi 9,7 milyon nəfərdir. Əhalinin artması inkişafın əlamətidir. Əhalinin artması üstünlükdür, eyni zamanda bizi daha fəal işləməyə çağırır. Mən əhalinin artmasına sevinirəm, ancaq infrastruktur, iş yerləri də buna uyğun artmalıdır. Sosial məsuliyyət nəzərə alınmalı, şirkətlərdə ixtisar hallarının olmamasına çalışılmalıdır. İş yerlərinin açılmasında dövlət şirkətləri nümunə göstərməlidirlər. İşlərini itirən insanlar dövlət şirkətlərinə müraciət etsinlər, əminəm ki, iş yerləri olacaq. Sahibkarlar da bu prosesdə iştirak etməlidirlər. Çünki iş adamlarına dövlət hərtərəfli dəstək verir və iş adamları da sosial məsuliyyətlərini dərk etməlidirlər".

Sözügedən məsələ ilə bağlı fikirlərini "Bakı-Xəbər"lə bölüşən İtisadi Resursların Öyrənilməsi Mərkəzinin sədri Ruslan Atakişiyev bunun əhəmiyyətini şərh edərək bir sıra məqamlara toxundu: "Bu çağırış təqdirəlayiq addımdır. Sözügedən məsələdə insanların ictimai işlərə cəlb olunması vacib əhəmiyyət kəsb edir. Dövlət təşkilatları bu minvalla yeni iş yerləri aça və işsizliyi minimum səviyyəyə endirə bilər. Qərbdə, xüsusən də Birləşmiş Ştatlarda bu metoddan geniş istifadə olunub. Məsələ ondadır ki, iqtisadi böhran dövrlərində müşahidə olunan işsizliyi aradan qaldırmaq üçün əhalini ictimai işlərə cəlb edirdilər. ABŞ-da 1929-1933-cü illərdə müşahidə olunan böyük iqtisadi böhran zamanı dövlət xətti ilə çoxsaylı ictimai işlər görülüb. Bu kimi işlər mahiyyət etibarilə dövlət qulluğu vəzifəsi sayılmır. Bura müxtəlif tədbirlərin təşkili, abadlıq işlərinin aparılması, sosialyönümlü işlərin görülməsi daxildir. "Sosial xidmət haqqında" Qanunda sosial işlərin görülməsi öz əksini tapıb. Bura əlil insanlara yardım, qocalara dəstək daxildir. Bu kimi vasitələrlə yeni iş yerləri açıb işsizliyin səviyyəsini aşağı salmaq olar. Əhalinin aztəminatlı təbəqəsini bu minvalla işə cəlb edib problemi həll etmək mümkündür".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...