Biznesmenlərin Azərbaycandan xaricə kapital axıtmasının qarşısı kəsilir

Tarix: 28.01.2016 / 02:36
Bölmə: İqtisadiyyat

Günel Fərhadqızı: "Pulu ölkədən çıxaranlara inzibati cərimə tətbiq etmək mümkündür"

"Kiçik və orta sahibkarların sərmayə bazarına çıxışına imkan verilməlidir"

Yanvarın 26-da Azərbaycan Respublikasının Prezidenti İlham Əliyevin iştirakı ilə "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının ikinci ilinin yekunlarına həsr olunan konfransda ölkə başçısının toxunduğu vacib məsələlərdən biri də ölkənin investisiya mühitinin təşviqi və yerli sərmayənin daha çox daxilə yatırılmasının vacibliyi barədə oldu.

Prezident bildirdi ki, hazırkı məqamda iş adamlarının ölkənin daxilinə daha çox sərmayə qoymasına və ixrac potensialını artıran müəssisələrin tikintisinə ehtiyac var: "Biz xarici investisiyaları daha da çox cəlb etməliyik. İnvestisiyaların təşviqi məsələsi burada mühüm rol oynayır. Bütövlükdə, deyə bilərəm ki, Azərbaycanda investisiya iqlimi müsbətdir. Əgər belə olmasaydı, xarici firmalar Azərbaycana 100 milyard dollar investisiya qoymazdılar. Biz isə çalışmalıyıq ki, indi xarici sərmayəni qeyri-neft sektoruna, ixracyönümlü məhsulların istehsalına yönəldək. Eyni zamanda, artıq ixracın stimullaşdırılması üçün konkret addımlar atılıb. Mənim tərəfimdən müvafiq qərarlar verilib və artıq Azərbaycanda ixracın təşviqi sistemi yaradılır. Biz keçmişdə bu barədə çox danışmışıq. Ancaq bu gün artıq biz bunu etməliyik, edirik. Burada da biz bu yolu keçən ölkələrin təcrübəsinə mütləq nəzər yetirməliyik və ən müsbət təcrübəni tətbiq etməliyik. Azərbaycanda rəqabət qabiliyyətli məhsulu istehsal edən, bunu dünya bazarına çıxaran sahibkarlara dövlət tərəfindən güzəştlər edilməlidir. Mən artıq bəyan etmişəm, bir daha demək istəyirəm ki, Azərbaycanda genişmiqyaslı özəlləşdirmə proqramı icra ediləcək. Buna böyük ehtiyac var. İlk növbədə, bu, ölkəmizə əlavə sərmayə, valyuta gətirəcək. Digər tərəfdən, biz işləməyən müəssisələri canlandıracağıq. Elə müəssisələr var ki, artıq 20 ildir dayanıb, qapısı qıfıllanıb, yarıdağılmış, yaxud dağılmış vəziyyətdədir və onlar nədənsə özəlləşdirməyə çıxarılmır. Biz bu məsələdə nüfuzlu beynəlxalq şirkətlərin məsləhətindən yararlanmalıyıq. Mən Davos Forumu çərçivəsində artıq bu barədə də danışıqlar aparmışam. Müəyyən təkliflər var. Mütləq onlar gəlib bizə həm məsləhət versinlər, kömək göstərsinlər, həm də yaxşı mənada nəzarət etsinlər. Aparılacaq özəlləşdirmə şəffaf olmalıdır, Azərbaycan dövlətinin maraqları maksimum təmin edilməlidir".

Bəzi sahibkarların ölkədəki vəsaitləri xaricə çıxarmaması üçün hansı addımlar atılmalıdır?

Maliyyə monitorinqi üzrə mütəxəssis Günel Fərhadqızı qəzetimizə açıqlamasında bildirdi ki, ölkədən kapital axınının qarşısını almaq olduqca önəmlidir: "Ancaq biz bunu kobud inzibati üsullarla həyata keçirə bilmərik. İlk növbədə inhisarçılığın qarşısı alınmalıdır. Daha sonra isə fərdi investor bazarı inkişaf etdirilməlidir. Birbaşa investisiya, vençur investisiya və bu yöndə olan biznes layihələrini inkişaf etdirməliyik. Pulu ölkəyə sərmayə edənlərə stimullaşdırıcı güzəştlər tətbiq etmək olar. Pulu ölkədən çıxaranlara inzibati cərimə tətbiq etmək mümkündür. Kiçik və orta sahibkarların sərmayə bazarına çıxışına imkan verilməlidir. Tez-tez sərmayə yarmarkaları keçirilməlidir. İnhisarçılara deyil, kiçik və orta sahibkarların sərmayə bazarına çıxışına imkan verilməlidir. Sahibkarlar sərgilər vasitəsilə potensial tərəfdaş və sərmayə qoyacaq digər sahibkarla tanış olmalıdır. Kənd təsərrüfatı üzrə, qeyri-neft sektorunun hər bir sahəsi üzrə müxtəlif orta və kiçik sahibkarların sərmayə bazarına çıxışını təmin etmək üçün rübdə bir dəfə sərmayə yarmarkası keçirilməlidir.

Bankların kredit yolu ilə sahibkarları sərmayələşdirilməsi məhdudlaşdırılmalıdır.

Birbaşa dövlət büdcəsi hesabına dotasiya, subsidiyalar azaldılmalıdır. Fərdi sərmayə bazarı inkişaf etdirilməlidir. Bütün bunları həyata keçirə bilsək, sərmayə axınının qarşısını ala bilərik".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...