Azərbaycan Milli Qida Təhlükəsizliyi İnstitutunun xidmətlərinin ödənilməsi ilə bağlı müqavilənin öhdəliklərinin yerinə yetirilməməsi ilə əlaqədar respublikanın Qida Təhlükəsizliyi Agentliyi aşağıdakı Rusiya müəssisələri tərəfindən istehsal olunan məhsulların ölkəyə ixracını dayandırır:
MMC "Bryansk broyler" RU-032 / DL03369;
MMC "Dmitrogorsky ət emalı zavodu" RU-069 / EH01472;
QSC "DONUZ KOMPLEKSİ QABIĞI" RU-046 / ZS26197;
"Mamonovsky Balıq Konserv Zavodu" ASC RU-039 / UL03020;
MMC "Kursk ət emalı zavodu" RU-046 / FQ03831;
ASC "Belmolproduct" RU-031 / ZX01259;
MMC "Miratorg-Kursk" RU-046 / AD38848;
MMC "Miratorg-Kursk" RU-046 / HL38169;
MMC "Qida Zavodu" RU-039/GX03018.
Təşkilatlar iyunun 14-dən etibarən Azərbaycan Milli Qida Təhlükəsizliyi İnstitutu tərəfindən yoxlanılıb. Rosselxoznadzor bu şirkətlərin rəhbərliyinə işçilərinin diqqətini ödəniş baxımından müqavilələrin şərtlərinin vaxtında yerinə yetirilməsinin zəruriliyinə yönəltmək istəyi ilə bağlı müraciət edib.
“İdxal olunan bir sıra qida məhsullarının keyfiyyətində problemlər olduğu üçün bununla bağlı nəzarət tədbirləri gücləndirilir”
Məsələ ilə bağlı “Bakı-Xəbər”ə açıqlama verən iqtisad üzrə fəlsəfə doktoru Firdovsi Şahbazovun fikrincə, Azərbaycanın idxalında Rusiya əsas çəkiyə malikdir: “Təkcə bu ilin yanvar-may aylarında Azərbaycanın ən çox mal idxal etdiyi ölkə Rusiya olub. Belə ki, ötən müddət ərzində Azərbaycan Rusiyadan 1,3 milyard dollar dəyərində məhsul idxal edib. Bu göstərici ötən ilin eyni dövrü ilə müqayisədə 36,2 faiz çoxdur. Azərbaycan Rusiyadan əsasən taxıl, tikinti materialları idxal edir. Bununla yanaşı, bitki yağları, qida məhsulları idxalında da Rusiya mühüm çəkiyə malikdir. Rusiyadan bir sıra məhsulların idxalı ona görə sərfəlidir ki, iki ölkə arasında birbaşa sərhəd var. Hansısa digər ölkənin üzərindən daşımalar olanda əlavə gömrük ödənişlərinə ehtiyac olur. Qaldı ki, bir sıra qida istehsalı ilə məşğul olan Rusiya şirkətlərinin ölkəmizə ixracı dayandırmasına, bu, keyfiyyət və texniki məsələlərlə bağlıdır. Məsələ ondadır ki, son aylar Rusiyadan idxal olunan bir sıra qida məhsullarının keyfiyyətində problemlər var. Ona görə də bununla bağlı nəzarət tədbirləri gücləndirilir. Bu səbəbdən Azərbaycana heyvandarlıq məhsulları tədarük edən rus istehsalçıları bu ölkənin Milli Qida Təhlükəsizliyi İnstitutunun yoxlamasından keçməsələr, ölkəmizə ixrac imkanını itirəcəklər. Sözügedən qərar 2023-cü il sentyabrın 1-dən qüvvəyə minəcək. Buna uyğun olaraq, Azərbaycan bazarına mal tədarük etməkdə maraqlı olan heyvan mənşəli məhsullar və yem istehsal edən xarici müəssisələr Milli Qida Təhlükəsizliyi İnstitutu tərəfindən yoxlamalardan keçməlidir. Çünki məlum olub ki, indiyədək Azərbaycana heyvandarlıq məhsulları göndərən əksər Rusiya müəssisələri yoxlamaların aparılması üçün institutla müqavilə imzalamayıb. O üzdən, məhsullarının ixracı müqavilə bağlanana və müvafiq yoxlama aparılana qədər Azərbaycan tərəfindən məhdudlaşdırılacaq. Ancaq bu heç də o demək deyil ki, Rusiyanın qida şirkətləri öz işlərinə yenidən baxmayacaqlar. Çünki onlar istəməz ki, Azərbaycan kimi bazarı itirsinlər. Ona görə də sözügedən məsələnin yoluna düşəcəyini düşünürəm”.
Vidadi ORDAHALLI
