Unun bahalaşacağı ilə bağlı şəbəkə xəbərlərinə inanmaq olar?

Aydın Hüseynov: “Dünya bazarında gedən proseslər Azərbaycanın taxıl bazarına da öz təsirini göstərir”

img

Rusiya 2022-ci ildə gözlənilən rekord buğda məhsulunun olmasına baxmayaraq, Avropa İttifaqının bütün üzvlərinə taxıl ixracına kvota və rüsumlar tətbiq etməyi planlaşdırır. Kənd Təsərrüfatı Məhsullarının İxracının İnkişafı üzrə Federal Mərkəzin məlumatına görə, Rusiya taxılının ən böyük alıcıları sırasında ölkəmiz də var.

Azərbaycan Rusiyadan 305 milyon dollar həcmində taxıl idxal edib. Artıq bir çox ölkələri aclıq həyəcanı bürüyüb. Tunisdə un qıtlığı var, Misirdə çörək bahalaşıb, Əlcəzair ehtiyata qənaət etmək üçün buğda məhsullarının ixracına məhdudiyyətlər qoyur, Yəməndə 161 min nəfər üçün “fəlakətli aclıq” proqnozlaşdırılır.

Ekspertər bildirir ki, belə bir şəraitdə Azərbaycan da bu vəziyyətdən sığortalanmayıb. Ola bilərmi ki, dünyanın hər bir yerində taxılın, çörəyin qiyməti qalxsın, Azərbaycanda yox? Bu mümkündürmü? Xüsusilə də çörəyin qiyməti arta bilərmi?

Onu da qeyd edək ki, son günlər sosial şəbəkədə Azərbaycanda un və un məhsullarının satış qiymətinin artacağı ilə məlumatlar yayılır. Bildirilir ki, un  və un məhsullarının qiymətində sentyabr ayında artım gözlənilir. Maraqlıdır, bu  informasiyalar nə dərəcədə həqiqəti əks etdirir?

  • “İdxaldan asılı olduğumuz üçün dünya bazarındakı qiymətlər bizim bazara da təsir edir”

Milli Məclisin İqtisadi siyasət, sənaye və sahibkarlıq komitəsinin üzvü, deputat Aydın Hüseynov bildirdi ki, dünyada gedən proseslər Azərbaycanın taxıl bazarına da öz təsirini göstərir: “Məlumdur ki, ümumən taxıl məhsulları ilə bağlı dünya bazarlarında qiymət artımları mövcuddur. Rusiya-Ukrayna müharibəsi və digər geosiyasi proseslər bu amillərə təsir edir. Taxıl ehtiyatları üçün Azərbaycan hökuməti müvafiq addımlar atır. 70 faizdən çox taxılı idxal edirik. İdxalımızın 95 faizini Rusiyadan alırıq. Bu proseslər müəyyən dərəcədə önəmli şəkildə köməklik göstərəcək. Digər tərəfdən biz taxılı idxal edirik. Ona görə dünya bazarında gedən proseslər Azərbaycanın taxıl bazarına da öz təsirini göstərir. Azərbaycanda taxıl və un məhsullarının qiymətində kəskin bahalaşmanın qarşısının alınması üçün müvafiq tədbirləri həyata keçirir. İdxaldan asılı olduğumuz üçün dünya bazarında qiymətlər bizim bazara da təsir edir. Maksimum çalışılır ki, vətəndaşlarımız üçün qiymətlər əlçatan olsun".

Günel CƏLİLOVA

Peşə etikası

Son xəbərlər