17/09/2019 05:11
728 x 90

Kərimli və zombiləri: Cəmiyyətdə ikrah yaratdığınızın fərqindəsinizmi?

img

Adam sosial şəbəkələrdəki hər hərəkətində özünü biabır etməklə məşğuldur. Niyə sosial şəbəkə dedik? Çünki fəaliyyət göstərəsi başqa məkanı da yoxdur. Meydanlara çağırır, gələn yox, tədbir keçirə bilmir, bir kimsənin marağı yox. Bir sözlə, yox kimi yox.

Ancaq Facebook səhifəsindən dövlətə çamur atmaqdan usanmır. Əminəm ki, ürəyinin dərinliyində özü nə etdiyinin fərqindədi. Amma qrant aldığı anti-Azərbaycan çevrələrə hesabat verməlidir axı. Bunsuz mümkün deyil. Şou davam etməlidir, şoumendən hələ nə qədər klounluq gözləyən var.

Bir qədər əvvəl şəhid pilotumuz Rəşad Atakişiyevin dəfni üzərində ucuz şou başlamaq istədi. Anındaca ifşa edildi. Əslində Kərimli və kiçik ətrafı bu tip əməllərə ilk dəfə deyil əl atırlar. Xatırlayırsınızsa, şəhidlərin ruhuna hörmət qoymayan Əli Kərimli və onun yandaşları 20 Yanvar faciəsi günü yürüş adı ilə Bakıda şou düzənlədilər. Bu şounu da məqsədi şəkil və video formatda yayımlayaraq himayədarlarına “hesabat” göndərmək idi. Ölkədə sabitliyin pozulması sanki bu adamların həyat kredosuna çevrilib. Amma Azərbaycan cəmiyyəti onun şoumenliyinə həmişə təəssüf və nifrət edir. Amma o bu münasibətdən qəti təəccüblənmir. Sanki belə də olmalymış. Çünki nə Əli Kərimlinin, nə cəbhəçilərin, nə də Milli Şuradakıların ŞƏHİD və ŞƏHİDLİK anlayışı var. Bu adamlar docrudanmı başa düşmür ki, bu hərəkətləri ilə Azərbaycan insanında qıcıq doğurur artıq. Təsəvvür edin, Kərimli şoumen olaraq indiyədək hər şeydən istifadə edib. Məsələn, din faktorundan... Bir qrup ekstremistə rəhbərlik etmiş, dövlətçiliyimizin əleyhinə fəaliyyət göstərmiş Taleh Bağırovun  azad edilməsini tələb edən Əli Kərimli üçün heç bir fərqi yoxdur, yetər ki, onun mitinqində adam  olsun və xaricdə oturan rəhbərlərinin xoşuna gəlsin. Mehman Hüseynov məsələsi necə, yadınızdadırmı? Adını xeyriyyə marafonu qoyduğu qeyri-qanuni aksiya necə? Bir deyil, iki deyil, hansını sadalayasan. Və bu şou davam etdikcə Azərbaycan cəmiyyətində də ikrah yaradır.

Hələ 1995-ci ildə AXC-nin mirasına sahib olmaq, partiyaya çevirərək mandat qazanmaq üçün həyata keçirdiyi məkrli planlar nəticəsində Xalq Cəbhəsi dörd yerə bölündü. Cəbhənin möhürünə sahib olmaq üçün ətrafındakılara qarşı təxribatlar törədərək "Cəbhənin gələcəyi Əli Kərimli ilə bağlıdır" təbliğatına start verdirdi. Xarici havadarlarından aldığı maliyyə dəstəyi ilə sələfi Elçibəyə qarşı təxribat kampaniyası aparan Ə.Kərimlinin yaratdığı AXCP daxilindəki “Yurd” fraksiyası isə tam səlahiyyətlərə nail olmaq üçün bir gediş idi. İlk növbədə, onun riyakar planlarından xəbər tutanları istefaya məcbur edib Cəbhədən uzaqlaşdırmaqla özü üçün rahat mühit yaradan islahatçı sədr digər qurum olan KXCP-ni tamamilə kənarlaşdıraraq demək olar ki, Xalq Cəbhəsini "özəlləşdirdi".

AXCP sədri ədalətdən, demokratik davranışlardan dəm vursa da, öz yaxın ətrafına, həmkarlarına münasibətdə bu dəyərlərin heç birinə riayət etmir. Hakimiyyəti siyasi dözümsüzlükdə ittiham edən AXCP sədri ətrafında bir nəfər fərqli düşünən saxladığını göstərə bilərmi? Belələrinin hamısını partiyadan didərgin salan Əli Kərimlinin partiyasında heç gəncləşmə siyasəti də aparılmır... Ona görə də Elçibəyin dövründə olan AXCP funksionerlərindən heç biri onun yanında qalmadı. Bu boşluğu isə reneqatlar, heç bir əxlaqı olmayan ünsürlər və zombilər doldurdu.

Bu gün hamıya o da aydındır ki,  xaricdəki  anti-Azərbaycan qüvvələri Əli Kərimlini ölkəmizin inkişafına qarşı “əyləc mexanizmi” kimi istifadə edirlər. Əli Kərimli və onun  Avropada və ABŞ-da qrantlar hesabına maliyyələşdirilən anti-milli ünsürləri internet kanallarında ona verilmiş tezislər əsasında çıxışlar edir, müəyyən məbləğlər qarşılığında trolların anti-milli fəaliyyətini təşkil edir. Əli Kərimlinin bu çağırışları hər zaman xalqımız tərəfindən rədd edilir, ona dəstək verilmir. Elə bu səbəbdən də, insanlar dövlətçiliyimizin düşməni olan radikal müxalifəti ciddi şəkildə qınamalı, onlara yerini göstərməlidir.

Səbuhi MƏMMƏDLİ

Son xəbərlər