Prezident Azərbaycan diplomatiyasının bütün dünyadan fərqli bir üstünlüyünü deputatlara da göstərdi

Tarix: 26.11.2015 / 02:51
Bölmə: Gündəm

Qabil Hüseynli: "Belə müstəqillik bizə bir dövlət olaraq geniş manevr imkanları verir"

"Görün, heç Ermənistan belə mövqe sərgiləyə bilərmi?"

Azərbaycan Prezidenti İlham Əliyev V çağırış Milli Məclisinin ilk iclasında çıxışı zamanı bir sıra vacib məqamlara toxunub. Dövlət başçsı deyib ki, anti-Azərbaycan qüvvələr, erməni lobbisi ilə idarə olunan bəzi xarici riyakar siyasətçilər də Azərbaycan reallıqlarını görüb əlbəttə ki, məyus olurlar:

"Biz öz yolumuzla gedirik, bütün ölkələrlə bərabərhüquqlu münasibətlər qurmuşuq. Heç bir ölkə qarşısında bizim öhdəliyimiz yoxdur, ola da bilməz. Beynəlxalq ikitərəfli və çoxtərəfli əlaqələrdə daim öz mövqeyimizi ifadə edirik. Bəlkə bu da bəzi xarici dairələrin xoşuna gəlmir. Bəlkə kimsə gözləyir ki, Azərbaycan susacaq, yaxud da öz mövqeyini bildirməyəcək. Xeyr! Görürük ki, harada ədalət pozulur, görürük ki, təkcə bizə qarşı yox, ümumiyyətlə, harada ikili standartlar mövcuddur biz sözümüzü deyəcəyik".

İlham Əliyev vurğulayıb ki, Azərbaycan nadir ölkələrdəndir ki, son vaxtlar miqrantlar böhranı ilə bağlı öz səsini ucaldır: "Bəziləri susmağa üstünlük verirlər, ancaq biz sözümüzü deyirik. Çünki bu ədalətsizliyə dözmək mümkün deyil. İndi buna miqrantlar böhranı deyirlər. Ancaq miqrantlar üçün bu böhran humanitar fəlakət böhranıdır. Neçə ildir ki, onlar bu fəlakətdən əziyyət çəkirlər. Onların ölkələri dağıdılır, evləri yerlə-yeksan edilir. Onlar yaxınlarını, qohumlarını itirirlər, işgəncələrə məruz qalırlar, onların ləyaqəti alçaldılır və bu adamlar nicat tapmaq, yəni, bu bəladan xilas olmaq üçün Avropaya üz tuturlar. Görün, onları necə qarşılayırlar - yenə də təhqir, işgəncə, onların ləyaqəti alçaldılır. Onları indi günahkar kimi təqdim etməyə çalışırlar. Onların heç bir günahı yoxdur. Əgər onların ölkələri dağıdılmasaydı, onlar öz ölkələrində yaşayardılar. Ancaq bu gün, görün, nələr baş verir. Biz buna necə susaq?! Biz ona görə öz sözümüzü deyirik. Hesab edirəm ki, əgər başqa ölkələr də bizim kimi öz səsini ucaltsalar, bəlkə də bu siyasətə düzəlişlər edə bilərlər".

Prezidentin qeyd etdiyi və Azərbaycanın nümayiş etdirdiyi cəsarətli mövqe nədən qaynaqlanır?

Politoloq Qabil Hüseynli hesab edir ki, ölkə başçısının yeni formalaşan parlament qarşısında etdiyi çıxışı olduqca əhatəli və geniş məzmunlu idi: "Prezidentin Azərbaycanın xarici təsirlər qarşısında necə mətin dayandığı ilə bağlı dedikləri tam reallığı əks etdirir. Bizə qarşı ən həlledici məqamlarda təzyiqlər olub. Bəzi güclər Azərbaycanın miqyasına baxır və elə zənn edirlər ki, belə kiçik ölkə ilə güc və hədə dilində danışmaq olar. Belə təzyiqlər Azərbaycanı öz yolundan döndərə bilməyib. Prezident doğru olaraq buyurur ki, çoxlarının çəkindiyi halda, Azərbaycan öz doğru sözünü çəkinmədən deyib. Miqrantlarla bağlı haqsızlığa yol verənlər əsasən Avropanın inkişaf etmiş ölkələri idi. Azərbaycana daim demokratiya dərsi keçən həmin ölkələrin özləri məzlum, çarəsizlikdən onlara pənah aparan insanların haqlarını pozublar. Azərbaycan özündə cəsarət taparaq həmin məqamları kəskin tənqid edib.

Bu nədən irəli gəlir? Azərbaycan dövlətinin tam müstəqil olmasından. İqtisadi cəhətdən qüdrətli olmasından və heç bir dairədən asılı olmamasından. Bunlar vacib faktorlardır.

Belə müstəqillik bizə bir dövlət olaraq geniş manevr imkanları verir. Görün, heç Ermənistan belə mövqe sərgiləyə bilərmi? Təbii ki, yox. Çünki bütün parametrlərilə asılı ölkədir. Prezident haqlı olaraq qeyd edir ki, bəzi ölkələr bizdən nümunə götürüb öz haqq səsini ucaltmalıdır. Belə olacağı halda, dünyadakı haqsızlıqlar az edilər".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...