Prezident dünya böhranına duruş gətirməyin bir yolunu da göstərdi - daxili resursların toparlanması...

Tarix: 11.11.2015 / 08:09
Bölmə: Gündəm

Qulu İsmayılov: "Kənd təsərrüfatında elmi yenilik nəticəsində hansısa tərəvəz və bitki sortunda məhsuldarlığı artırmaq mümkündür"

"Bundan sonra elmi sahədə çalışan gənclər yalnız elmi dərəcə daşımaq üçün deyil, eyni zamanda onların ixtiralarından iqtisadiyyatımıza mənfəəti də düşünərək kəşflər etməlidir"

Azərbaycan Respublikasının Prezidenti İlham Əliyev Azərbaycan Milli Elmlər Akademiyasının (AMEA) 70 illik yubileyinə həsr olunmuş ümumi yığıncağında çıxışı zamanı bir sıra vacib mətləblərə toxunub. Dövlət başçısı Milli Elmlər Akademiyasının 70 il ərzində uğurlu yol keçdiyini, bu gün də ölkənin inkişafında fəal rol oynadığını, alimlərin öz elmi araşdırmaları ilə Azərbaycanın inkişafına töhfə verdiklərini, onların elmi fəaliyyəti sayəsində müxtəlif sahələrdə ən müasir texnologiyaların tətbiq edildiyini bildirib.

Ölkənin tərəqqisində alimlərin rolundan danışan İlham Əliyev yeni təhlükələr və təhdidlərin mövcud olduğu dünyada hər bir ölkənin öz daxili resurslarına arxalanmasının vacibliyini qeyd edib. O bildirib ki, dünyada sabitlik, sülh, əminamanlıq adası olan Azərbaycan da son illər ərzində neft-qaz amilindən asılılığı azaltmağa çalışır və buna nail olur.

"Əminəm ki, gələcək illərdə də ölkəmizin iqtisadi inkişafı davam edəcək," - deyən dövlət başçısı növbəti illərdə də iqtisadi inkişafın dayanaqlılığı istiqamətində səylər göstəriləcəyini, heç kəsdən asılı olmamaq üçün daxili resurslardan istifadə ediləcəyini vurğulayıb.

Prezident İlham Əliyev dünyadakı yeni vəziyyətlə əlaqədar alimləri öz dəyərli təkliflərini verməyə çağırıb. Dövlət başçısı demoqrafik inkişaf əsas götürülərək alimlərin indidən yeni strategiya üzərində işləmələrinin zəruriliyini qeyd edib, onları qeyri-neft sənayesinin inkişafı, ərzaq təhlükəsizliyi ilə bağlı fəal olmağa çağırıb.

"Sənaye və kənd təsərrüfatı sahələri bizim gələcək inkişafımızı təmin edəcək", - deyən Prezident İlham Əliyev bildirib ki, kosmik sənayedə beynəlxalq əməkdaşlıq dərinləşməlidir. Dövlət başçısı hərbi sənaye sahəsində də Azərbaycan alimlərinin fəaliyyəti üçün geniş meydanın olduğunu söyləyib. Qeyd edib ki, bu gün ölkəmiz mindən çox adda hərbi təyinatlı məhsul istehsal edir və Azərbaycan Ordusunun əsas təminatı daxili istehsal hesabına həyata keçirilir.

Prezident İlham Əliyev ölkə üçün strateji əhəmiyyət daşıyan neft-qaz sahəsində də ən yeni texnologiyalardan istifadə etmək məqsədilə alimləri dünya təcrübəsi ilə tanış olmağa çağırıb. "Alimlər qarşısında duran vəzifələr çoxdur. Əsas istək odur ki, Azərbaycan elmi inkişaf etsin və ümumi inkişafımıza töhfəsini versin", - deyən dövlət başçısı humanitar elmlərin önəmini də vurğulayıb. Bildirib ki, multikulturalizm, Azərbaycan dilinin saflığının qorunması, zəngin tariximiz haqqında dünyaya daha dolğun məlumatın çatdırılmasında alimlərimiz fəal olmalıdır.

İlham Əliyev elm ictimaiyyətinin qarşısında daxili resurslardan istifadənin zəruriliyi deyəndə nəyi nəzərdə tutub?

İqtisadçı Qulu İsmayılov qəzetimizə açıqlamasında bildirdi ki, Milli Elmlər Akademiyasındakı çıxışında ölkə başçısı daxili resurslardan istifadə barədə fikir yürüdəndə geniş bir palitranı nəzərdə tutub: "Xüsusilə də elm ictimaiyyəti qarşısında edilən çıxışda ölkənin elmi potensialından gözləntilərin olduğuna dair mesaj verilib. Çünki dünyada gedən iqtisadi böhran iqtisadiyyata səmərəli yanaşmanı tələb edir. Əsasən də elmi-texniki tərəqqinin ən yüksək nailiyyətlərinin istehsalata tətbiqi nəzərdə tutulur. Ölkə başçısı ölkənin elm adamları qarşısında daxili resurslar dedikdə məhz elmi tutumlu təkliflərin və ixtiraların sürətləndirilməsinin vacibliyinə diqqəti yönəldib. Azərbaycanda bunun üçün gözəl şərait var. Elm ocaqlarımız ən müasir standartlara cavab verir, elmi araşdırmaları aparmaq üçün müasir avadanlıqlar mövcuddur. Bir qalır ki, məsuliyyətli yanaşma nəticəsində ortaya konkret iş qoymaq. Xüsusilə də Azərbaycan iqtisadiyyatında böyük önəm kəsb edən kənd təsərrüfatı və sənayə sahəsində yeni ixtiraların tətbiqi böyük nailiyyətlərə səbəb ola bilər. Məsələn, kənd təsərrüfatında elmi yenilik nəticəsində hansısa tərəvəz və bitki sortunda məhsuldarlığı artırmaq mümkündür. Cənab Prezident həmin çıxışında Azərbaycan elminin uğurları nəticəsində istehsal edilən hərbi sənayə məhsullarından da söz açdı. Bir sözlə, bundan sonra elmi sahədə çalışan gənclər yalnız elmi dərəcə daşımaq üçün deyil, eyni zamanda onların ixtiralarından iqtisadiyyatımıza mənfəəti də düşünərək kəşflər etməlidir".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...