Azərbaycan bayrağı niyə Çində istehsal olunmalıdır?

Tarix: 11.11.2015 / 02:08
Bölmə: Gündəm

Xəzər Teyyublu: "Mənə elə gəlir ki, bununla bağlı sərt qanun qəbul olunmalıdır"

"Bayrağımızın xaricdə kustar üsulla düzəldilərək ölkəyə gətirilməsinə qadağa qoyulmalıdır"

Bayraq dövlət atributudur. Azərbaycanın üçrəngli dövlət bayrağı ilk dəfə 1918-ci ildə AXC hökumətinin qərarı ilə qəbul olunub. İkinci dəfə isə 1990- ci ilin 17 noyabrında qərar yenidən bərpa olunub. Azərbaycan dövlətinin bayrağımıza olan sayğısı onunla bağlı təqvimdə ayrıca bir günün bayram günləri sırasına salınmasında özünü göstərir.

Ancaq son dövrlər ölkəmizdə satılan bayraqların kefiyyəti ilə onun daşıdığı dəyərin uzlaşmadığını hiss edirik. Ticarət obyektlərində satılan bayraqların keyfiyyəti, onun istehsal edildiyi materialın olduqca aşağı səviyyəli olması gözə çarpır.

Azərbaycan bayrağının harada, necə hazırlandığını, satışa necə çıxarıldığını araşdırmağa çalışdıq. Bütün bu suallara cavab tapmaq üçün paytaxtın bayraq satılan mağazalarına baş çəkdik və çox maraqlı faktlar əldə etdik.

Azərbaycan və Türkiyə dövlət bayraqlarını şəhərin istənilən dəftərxana ləvazimatları satılan mağazalarından əldə etmək olar. Digər xarici dövlətlərin bayraqlarını tapmaq üçünsə xeyli vaxt xərcləyib axtarmaq lazımdır. Öyrəndik ki, Azərbaycana xarici dövlət bayraqları sifarişlə gətirilir. Qeyd edək ki, qanuna görə, dövlət bayrağını yalnız dövlət idarələrinin, müəssisələrin önündə asmaq olar. Həmçinin xarici dövlətlərin bayraqları da yalnız səfirlikləri və yaxud həmin ölkəyə məxsus şirkətlərin qarşısında asıla bilər.

Çox maraqlı fakt ondan ibarətdir ki, Azərbaycanın dövlət bayrağı ölkədə istehsal olunmur. Bayrağımızın əsasən Çində hazırlandığı bildirilir. Ümumiyyətlə, Azərbaycanda hazırda bayraq tikilişi üzrə fabrik və yaxud sex fəaliyyət göstərmir. Ölkədə bayraqların satışı da normal təşkil olunmayıb. Çünki bu sahəyə maraq göstərən azdır. Elə bunun nəticəsidir ki, dövlət bayrağımız başqa ölkədən gətirilir. Yəni ölkəyə gətirilən dövlət bayrağımız ayrıca məhsul deyil, dəftərxana ləvazimatları kimi idxal olunur.

Bayraqların qiymətləri ölçüsünə və materialın keyfiyyətinə uyğun müəyyənləşdirilir. Hətta Azərbaycanın ən kiçik ölçülü-stolüstü bayraqları da Türkiyə və Çində istehsal olunur. Belə ki, ölkə boyu yayılmış çinli səyyar ticarətçilər Çində istehsal olunan dövlət bayrağımızı özümüzə satırlar.

Ancaq həmin bayraqlar keyfiyyətsiz, solğun materialdan olub, tez cırılır.

Mağazalarda bayraqların qiyməti baha deyil. Stolüstü bayraqların qiyməti 1 manatdan 5 manata qədərdir. 100-150 ölçülü bayrağların qiyməti 40-50 manat arasında dəyişir. Atlas bayraqlar 50-70 manata başa gəlir. Sadə parçadan tikilmiş eyni ölçülü bayraqlar çox ucuz-18 manatadır.

Belə acı mənzərə ölkənin özündə bayraq istehsalını zəruri edirmi?

Klassik Xalq Cəbhəsi Partiyasının sədr müavini Xəzər Teyyublu qəzetimizə açıqlamasında bildirdi ki, bayrağa sayğı tamamilə başqa cür olmalıdır: "Bizdə bayraqla bağlı xüsusi bir günün bayram kimi qeyd edilməsi təqdirəlayiqdir. Amma bu bütün parametrlər üzrə özünü göstərməlidir. Mənim də diqqətimi bazarda keyfiyyətsiz bayraqların satışı cəlb edir. Çində istehsal olunması yaxşı hal deyil. Elə olanda ona adi bir əşya kimi baxacaqlar. Bu da yolverilməzdir. Mənə elə gəlir ki, bununla bağlı sərt qanun qəbul olunmalıdır. Bayrağımızın xaricdə kustar üsulla düzəldilərək ölkəyə gətirilməsinə qadağa qoyulmalıdır. Eyni zamanda, bayraqların harda gəldi satışının da qarşısı alınmalıdır. Bununla biz öz milli atributumuza dəyər vermiş olarıq".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...