Prezident sahibkarlığa əks qüvvələrə xəbərdarlığı bir az da konkretləşdirdi

Tarix: 06.11.2015 / 02:40
Bölmə: Gündəm

İlqar Hüseynli: "Sahibkarlara imkan yaratmaq lazımdır ki, ölkədə emal və istehsal sektorunu inkişaf etdirsinlər"

"Prezidentin son mesajından bütün qurumlar ciddi nəticə çıxarmalı və sahibkarlıq subyektlərinə müdaxilə etməkdən çəkinməlidirlər"

Son vaxtlar aparılan araşdırmalar nəticəsində Azərbaycanda sahibkarların hüquqlarının pozulması ilə bağlı dəhşətli faktlar aşkar edilib.

Bu barədə Prezident İlham Əliyev noyabrın 4-də Şəki Məhkəmə Kompleksinin yeni inzibati binasının açılış mərasimindəki çıxışında bildirib. Dövlət başçısı qeyd edib ki, dövlət məmurları və vəzifəli şəxslər öz vəzifə borcunu şərəflə yerinə yetirməli, insanları incitməməli və əsassız tələblər irəli sürməməlidir: "Əfsuslar olsun, biz hələ ki, bu xoşagəlməz mənzərə ilə üzləşirik".

İlham Əliyev bildirib ki, son vaxtlar sahibkarlarla bağlı faktlar üzə çıxır: "Bu, dəhşətli faktlardır. Dövlət nümayəndələri tərəfindən sahibkarlara qarşı nə qədər böyük ədalətsizliklər edilib. Onlara qarşı əsassız tələblər irəli sürülüb. Onların əmlakı bəzi hallarda əllərindən alınıb. Onlardan külli miqdarda rüşvət alınıb, bəzi hallarda reketlik edilib. Ona heç rüşvət də demək olmaz. Rüşvət o vaxt verilir ki, kimsə nə isə etmək istəyir, işi asanlıqla getsin deyə rüşvət verir. Amma bəzi hallarda sadəcə olaraq sahibkarların əlindən əmlak, vəsait alınır, onlara hədə-qorxu gəlirdilər, işgəncələr verirdilər. Ona görə ədalətli məhkəmə sistemi bu faktlara adekvat qiymət verməlidir".

Prezident onu da bildirib ki, ancaq ədalətli istintaq və ədalətli məhkəmə qərarları bu sahədə ciddi irəliləyişə gətirib çıxaracaq.

Bütövlükdə, ölkə başçısı dəfələrlə vəzifəli şəxslərə sahibkarların işinə müdaxilə etməməyi tapşırıb. Ancaq bəziləri öz vəzifə səlahiyyətlərindən sui-istifadə edərək bir sıra müdaxilələrə yol verir, yersiz yoxlamalar keçirilir və s. Ölkə başçısının siyasi iradəsi sayəsində son aylar qəbul olunan bir sıra mühüm qərarlar bu istiqamətdə ciddi dönüş yaradıb. Belə ki, yoxlamaların dayandırılması, lisenziyaların verilməsinin sadələşdirilməsi və sahibkarları incidən bir sıra vəzifəli şəxslərin həbs olunması deyilənlərə əyani sübutdur.

Sözügedən məsələni dəyərləndirən ekspert İlqar Hüseynlinin fikrincə, aparılan islahatlarla paralel, sahibkarları incidən vəzifəli şəxslərin məsuliyyətə cəlb olunması problemlərin həllini sürətləndirə bilər: "Hesab edirəm ki, Prezidentin son mesajından bütün qurumlar ciddi nəticə çıxarmalı və sahibkarlıq subyektlərinə müdaxilə etməkdən çəkinməlidirlər. Bu cür neqativ işlərlə məşğul olanlar, əvvəl-axır, məsuliyyətə cəlb olunacaq. Fikrimcə, bu işdə əli olan vəzifəli şəxslərin məsuliyyətə cəlb olunması davam etdirilməlidir. Nəzərə almaq lazımdır ki, ölkədə sahibkarlığın, çoxşaxəli iqtisadiyyatın inkişaf etdirilməsi olduqca vacibdir. Bunlardan ən başlıcası mövcud hüquqi-iqtisadi maneələrin aradan qaldırılması və ölkədə rəqabət mühitinin yaradılmasıdır. Çünki neft gəlirləri əvvəlki illərlə müqayisədə kəskin şəkildə azalıb. Bunun yerini ancaq qeyri-neft sektorunun inkişaf etdirilməsi doldura bilər ki, bu da sahibkarlığın sərbəst fəaliyyətindən keçir. Sahibkarlara imkan yaratmaq lazımdır ki, ölkədə emal və istehsal sektorunu inkişaf etdirsinlər. Bir sıra qurumlara aid səlahiyyətlərin "ASAN xidmət"ə verilməsi müsbət haldır. Bu, sahibkarların işini yüngülləşdirir. Bu gün vacib olan məqamlardan biri də ondan ibarətdir ki, sahibkarların münasib kredit resurslarına çıxış imkanları olsun. Bununla bağlı işlər görülməlidir".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...