Hörmətli media nümayəndələri!
Nəzərinizə çatdırmaq istərdim ki, "British Counsil" və PAŞA Bank Böyük Britaniyanın Thomson Foundation təşkilatının dəstəyi ilə məmnuniyyətlə jurnalistlərin peşəkar inkişafı üçün nəzərdə tutulmuş növbəti xüsusi təlim proqramını elan edir.
Layihənin məqsədi xüsusi hazırlanmış müfəssəl təlim proqramı vasitəsilə milli mətbuata (televiziya, çap və elektron mətbuat) peşəkar bilik və səriştənin artırılmasında kömək etməkdir.
Layihə 2011-ci ildən həyata keçirilir və 40-dan artıq jurnalist bu proqramda iştirak edib.
2015-ci ilin noyabr ayından başlayaraq keçiriləcək təlmlərdə iştirak etmək üçün 10 iştirakçı seçiləcək. Təlimlər zamanı fəal iştirakçılar Böyük Britaniyada Tomson Fondu təşkilatı tərəfindən təşkil edilmiş tədris turunda iştirak edəcək.
Proqram, əsasən jurnalistlərin aşağıdakı bilik və səriştələrini artırmağı nəzərdə tutur:
- Məqalə yazma tərzləri
- Oçerklərin yazılması
- Reportajların hazırlanması
- Xəbərlərin yazılması
- Müsahibə alma texnikası və praktikası
Təlim aşağıdakı mövzuları əhatə edəcək:
- İqtisadiyyat jurnalistikası
- Biznes jurnalistikası və onlayn media
- Etika qaydaları, məlumatın balanslı və doğru çatdırılması
Seçiləcək iştirakçılardan tələb olunanlar:
. Jurnalistika sahəsində minimum 2 illik iş təcrübəsi
. Ölkədaxili radio və televiziya yayımları, çap, onlayn mediada işləməli
. Bütün təlim kurslarında iştirak edə bilməli
a) 3 təlim sessiyası Bakıda (hər təlim 5 tam gün olmaqla noyabr 2015, yanvar və fevral 2016-da keçiriləcək)
b) Mart 2015 Böyük Britaniyada tədris turu
Qeyd edək ki, layihədə iştirak tamamilə ödənişsizdir və heç bir yaş və dil məhdudiyyəti yoxdur. Bütün təlimlər ingilis dilində keçiriləcək, lakin Azərbaycan dilinə tərcümə təmin olunacaq. Seçilmiş ərizəçilər müsahibəyə dəvət olunacaq.
Bununla bağlı Sizdən bu layihə haqqında məlumatı müvafiq həmkarlarımızla bölüşməyi xahiş edirik.
Layihə ilə bağlı sualınız yaranarsa, British Counsil-ın Proqramlar üzrə icraçısı Könül Əhmədova ilə 0124 97 1593 nömrəsi vasitəsilə əlaqə saxlaya bilərsiniz.
Müraciət üçün son tarix 30 sentyabr 2015-ci il. Əlavə məlumatı British Counsil-ın internet səhifəsində (www.britishcounsil.az) tədbirlər bölməsindən əldə etəd bilərsiniz.
