Xarici media təmsilçiləri Azərbaycanda şəffaf akkreditasiyadan niyə keçmək istəmirlər?

Tarix: 23.09.2015 / 03:13
Bölmə: Gündəm

"Belə şoular yaratmaqla xaricdə bağlı olduqları dairəyə çatdırmaq istəyirlər ki, ölkədə mediaya basqı var"

Elçin Mirzəbəyli: "Onların məqsədi jurnalistika deyil"

Azərbaycanda qəbul edilən qanunvericiliyə görə, xarici ölkələrin təmsilçisi olan KİV nümayəndələri mütləq mənada ölkəmizdə akreditasiyadan keçməlidir. Son günlər ərzində bu istiqamətdə ölkənin hüquq-mühafizə orqanlarının araşdırma aparması, jurnalistləri bu barədə məlumatlandırması ajiotaja səbəb olub. Əksər hallarda isə bu hadisələrə jurnalistlərin təqib edilməsi kimi qiymət verilir.

Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov son günlər bəzi xarici KİV əməkdaşlarının hüquq-mühafizə orqanları tərəfindən saxlanmasına münasibət bildirib.

Əli Həsənov açıqlamasında deyib ki, hər bir ölkədə olduğu kimi, Azərbaycanda da KİV nümayəndələrinin fəaliyyəti müvafiq qanunvericiliyin tələblərinə uyğun olaraq tənzimlənir. Ölkə qanunvericiliyi söz və məlumat azadlığına, KİV redaksiyalarının və jurnalistlərin müstəqil fəaliyyətinə, sərbəst şəkildə informasiya əldə etmək və yaymaq hüququna tam təminat verir. Bununla yanaşı, həm yerli, həm də Azərbaycanda xarici KİV-ləri təmsil edən jurnalistlər və nümayəndələr öz fəaliyyətlərini qanunların çərçivəsində qurmalı, ölkə və cəmiyyət qarşısında məsuliyyətlərini dərindən dərk etməli və qanunsuz addımlara yol verməməlidirlər.

Prezidentin köməkçisi bildirib ki, 2015-ci il martın 18-də "Azərbaycan Respublikasında xarici kütləvi informasiya vasitələrinin akkreditasiya qaydaları" təsdiq edilib. Hətta xarici KİV-lərin, onların Azərbaycandakı nümayəndəliklərinin və əməkdaşlarının elektron qaydada akkreditasiyası məqsədilə Xarici İşlər Nazirliyinin internet saytında müvafiq bölmə də yaradılıb. Təəssüf ki, "İnteraz", "Euroaz" televiziya kanalları, "Amerikanın səsi" radiosu, "Meydan TV" internet saytı və bir sıra digər xarici media orqanları və onların əməkdaşları, dəfələrlə xəbərdarlıq edilməsinə baxmayaraq, bu günə qədər müvafiq qaydalara əməl etmir və ölkə daxilində qanunsuz fəaliyyət göstərirlər. Son günlər bəzi xarici KİV əməkdaşlarının hüquq-mühafizə orqanları tərəfindən saxlanması da onları öz fəaliyyətlərini "Azərbaycan Respublikasında xarici kütləvi informasiya vasitələrinin akkreditasiya qaydaları"na uyğun qurmağa dəvət etmək məqsədi daşıyır.

Əli Həsənov deyib ki, bundan sonra da işlədiyi sahədən və peşəsindən asılı olmayaraq, Azərbaycan qanunlarının tələblərini pozan hər bir şəxs barəsində aidiyyəti orqanlar tərəfindən ölçü götürüləcək.

Xarici KİV-ləri təmsil edən media nümayəndələrinə akreditasiyadan keçmək üçün bu qədər asan prosedur yaradılıbsa, niyə bunu etmək istəmirlər?

Tanınmış media təmsilçisi Elçin Mirzəbəyli qəzetimizə açıqlamasında bildirdi ki, bunun bir çox səbəbləri var: "Dünyanın bütün ölkələrində xarici KİV nümayəndələri üçün oxşar prosedur var. Bəzi ölkələrdə bu işə XİN, bəzilərində isə mediaya dövlət nəzarətini həyata keçirən qurum baxır. Elə dövlətlər var ki, orada prosedur bir neçə mərhələdən ibarətdir və daha çətindir. Cənab Əli Həsənov çox doğru qeyd edib ki, Azərbaycan qanunlarına hər bir şəxs hörmətlə yanaşmalıdır.

Həmin şəxslərin akreditasiyadan keçmək istəməməsinə bir neçə ad vermək olar. Birincisi, onların məqsədi jurnalistika deyil. Belə şoular yaratmaqla xaricdə bağlı olduqları dairəyə çatdırmaq istəyirlər ki, ölkədə mediaya basqı var. Buna ara qarışdırmaq da deyə bilərik. İkincisi isə, onlar Azərbaycanın qanunları ilə açıq-aşkar hesablaşmaq istəmədiklərini ortaya qoyurlar. Təbiidir ki, bu cür hallara Azərbaycan dövləti biganə qala bilməz".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...