İlham Əliyevin əsaslı ittihamı və Qərb mediasının miqrant yanaşması məşhur "Charlie Hebdo"nun səhifələrində...

Tarix: 17.09.2015 / 03:50
Bölmə: Gündəm

"Belə olan halda, yaşanan insanlıq fəlakətinin genişlənməsi gözlənilən idi"

Ramil Hüseynov: "Bütövlükdə, bəzi mətbuat orqanlarında miqrantların alçaldılması Avropa dövlətlərinin iç üzünü ortaya qoyur"

Fransanın satirik "Charlie Hebdo" jurnalı Avropaya miqrant axını ilə bağlı növbəti provokativ karikatura dərc edib. Belə ki, jurnalın budəfəki nəşrinin "qəhrəmanı" Egey dənizində batan suriyalı 3 yaşlı körpə Aylan Kurdi olub. Rəsmlərin birində sahildə körpə cəsədi, onun yanında isə məşhur restoranlar şəbəkəsinin "İki uşaq menyusu bir qiymətə" adı altında reklamı təsvir olunub. Bu mənzərəni "Məqsədə belə yaxın" cümləsi müşayiət edir.

Digər şəkildə isə su üzərində gəzən Peyğəmbərin yanında batan uşaq təsvir olunub. "Xristianlar su üzərində gəzir, müsəlman uşaqları isə batırlar" - məhz bu cümlə ikinci karikaturanı "bəzəyir".

Bütün dünyanın qınaq obyektinə çevrilən bu karikaturalar Avropada birmənalı qarşılanmır. Hazırda miqrant axınından ən az zərər çəkən Fransada əhalinin bir hissəsi "Charlie Hebdo" və ya kimsə daha...heç kəs bununla zarafat etməməlidir. Bu, gülüş obyekti deyil. Karikaturaçılar "ağını çıxardırlar" - deyə hiddətlərini bildirirlər. Bütövlükdə, "Charlie Hebdo" jurnalı ilk dəfə deyil ki, dünya ictimaiyyətini qıcıqlandıran karikaturalar dərc edir.

Göründüyü kimi, bəzi Avropa dövlətləri Yaxın Şərqdə və digər regionlarda sabitliyin pozulmasında iştirak etməklə yanaşı, oradan məcburiyyət üzündən qaçqın düşən insanların heysiyyəti ilə oynayırlar. Yeri gəlmişkən, bu günlərdə keçirilən müşavirələrin birində Prezident İlham Əliyev Avropa dövlətlərinin miqrantlara göstərdiyi biganə münasibəti tənqid etmişdi: "İkinci Dünya Müharibəsindən sonra ilk dəfə olaraq Avropa məkanı, daha doğrusu, Avropa İttifaqı böyük humanitar fəlakətlə üz-üzədir. Yüz minlərlə qaçqın, hansı ki, yenə də xarici müdaxilə nəticəsində qaçqın vəziyyətinə düşmüş insanlar, Avropaya üz tutub. Sığınacaq tapmaq, öz canını qurtarmaq üçün hazırda onların böyük köçü müşahidə olunur. İlk növbədə, bu, ağır vəziyyətə düşən insanlar üçün humanitar fəlakətdir. Onlar bu humanitar fəlakətlə artıq bir neçə ildir ki, üz-üzədir. Əfsuslar olsun ki, Qərb mediası buna tamamilə biganə və etinasız yanaşır. Ancaq bu insanların bir hissəsi Avropa qitəsinə üz tutandan sonra indi bütün Qərb mediası gecə-gündüz həmin görüntüləri yayır və bu vəziyyətə görə onları günahlandırır".

Sözügedən məsələ ilə bağlı fikirlərini "Bakı-Xəbər"lə bölüşən VİP-in sədr müavini Ramil Hüseynovun sözlərinə görə, bu, Avropanın məcburi miqrantlara göstərdiyi iyrənc münasibətin növbəti göstəricisidir: "Məsələ ondadır ki, Avropa dövlətləri, bu və ya digər dərəcədə, Yaxın Şərqdə stabilliyin pozulmasında günahkardır. Bilavasitə Fransanın səyi nəticəsində Liviyada mövcud hakimiyyət devrildi və ondan sonra ölkədə xaos başladı. O vaxta qədər əhalisi az, neft ehtiyatları çox olan Liviyada sosial vəziyyət indikindən qat-qat yaxşı idi. Bir sözlə, Liviya iqtisadi vəziyyətinin yaxşı olmasına görə Afrikada barmaqla sayılacaq ölkələrdən biri idi. İndi vəziyyət o həddə gəlib çatıb ki, əvvəlki iqtisadi və siyasi sabitlikdən əsər-əlamət belə qalmayıb. İraqda 2003-cü ildən bəri yaşanan fəlakətlər göz qabağındadır. Faktiki olaraq nə İraq, nə də Suriya dövlətləri yoxdur. Çünki hər iki ölkədə mərkəzi hakimiyyət ölkəyə tam nəzarət etmir. Daha doğrusu, edə bilmir. Belə olan halda, yaşanan insanlıq fəlakətinin genişlənməsi gözlənilən idi. Təkcə qonşu Türkiyədə 2 milyon nəfər qaçqın məskunlaşıb. Məlum məsələdir ki, İraqda, Liviyada və digər ölkələrdə Qərbin dəstəyi ilə hakimiyyətlər devrilməsəydi, bu cür fəlakətlər yaşanmazdı. O cümlədən, miqrantlar Avropaya üz tutmazdılar. Bu azmış kimi, indi də bəzi Avropa nəşrləri miqrantların ləyaqəti ilə oynayır. Onsuz da Avropa dövlətləri miqrantlara müxtəlif maneələr yaradır. Rəsmi məlumatlara görə, bu il ərzində 3 min miqrant Aralıq dənizi sularında boğularaq dünyasını dəyişib. Bununla yanaşı, bir sıra Avropa dövlətləri bilərəkdən qaçqınları qəbul etmir. Bütövlükdə, bəzi mətbuat orqanlarında miqrantların alçaldılması Avropa dövlətlərinin iç üzünü ortaya qoyur".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...