Qafqaz İslam Ordusunun tarixi zəfəri unudulmur

Tarix: 15.09.2015 / 02:46
Bölmə: Gündəm

Azərbaycan Mətbuat Şurasının, Azərbaycanlıların və Digər Türkdilli Xalqların Əməkdaşlıq Mərkəzinin (ATXƏM) və Milli QHT Forumunun birgə təşkilatçılığı ilə "Qafqaz İslam Ordusu - 97" mövzusunda konfrans keçirilib.

Konfransı giriş sözü ilə MŞ sədri Əflatun Amaşov açaraq bildirib ki, Bakının daşnak-bolşevik birləşmələrindən azad olunmasının ildönümlərinin qeyd edilməsi xoş ənənəyə çevrilib. 97 il öncə sentyabrın 15-də baş vermiş hadisənin Azərbaycan tarixindəki rolundan söz açan MŞ sədri onun gerçəkləşməsinin bütövlükdə türk dünyası üçün böyük əhəmiyyət daşıdığını əsaslandırıb. O qeyd edib ki, Qafqaz İslam Ordusunun rəşadətli döyüş yolu bu gün müstəqil dövlət kimi varlığını sürdürən Azərbaycanın və Türkiyənin tarixi bağlarını yaşadan qəhrəmanlıq salnaməsidir. "Hesab edirəm ki, hər iki ölkənin ictimai institutları, o cümlədən media qurumları məsələyə daha ciddi önəm verməlidir. Mətbuat Şurasının, Azərbaycanlıların və Digər Türkdilli Xalqların Əməkdaşlıq Mərkəzinin və Milli QHT Forumunun birgə tədbiri də məhz bu önəmdən qaynaqlanır", - deyə MŞ sədri vurğulayıb.

ATXƏM sədri, MŞ İdarə Heyətinin üzvü İlham İsmayılov Bakının bolşevik-daşnak qüvvələrindən azad edilməsində Qafqaz İslam Ordusunun və onun görkəmli sərkərdəsi Nuru paşanın rolunun media vasitəsilə geniş ictimayyətə çatdırılmasının vacibliyindən söz açıb. O bildirib ki, Qafqaz İslam Ordusunun Azərbaycan tarixindəki rolu milli-mənəvi dəyərlərimiz, türkçülük kökənimiz və dövlətçilik tariximiz baxımından müstəsna önəm daşıyır. Buna görə də mövzu hər zaman diqqətdə saxlanmalıdır.

Milli QHT Forumunun rəhbəri Rauf Zeyni istər 15 sentyabr tarixinin, istərsə də ona aparan yolun bir ibrət səhnəsinə şahidlik etdiyini dilə gətirib. Bu səhnənin ortaq türk mənafelərini rəhbər tutduğunu vurğulayan R.Zeyni belə önəmli hadisələrin bütövlükdə türk dünyasına çatdırılması istiqamətində işlərin aparılmasının zəririliyini vurğulayıb.

"Azər-Türk" Qadınlar Birliyinin sədri Tənzilə Rüstəmxanlı çıxışında Qafqaz İslam Ordusunun missiyasının bir sıra kütləvi informasiya vasitələrində bilərəkdən təhrif olunmasından narahatlığını ifadə edib. "Bu ordunun mübarizəsi bizim qurtuluşumuz olub. Ona görə də onun tarixi ciddi şəkildə araşdırılmalıdır. Təəssüf ki, Qafqazda rus mövqeyini möhkəmləndirmək istəyənlər var. Belələrinin fəaliyyəti təəssüf doğurur. Hesab edirəm ki, Azərbaycan ictimaiyyəti, o cümlədən mediası məsələyə həssas yanaşmalıdır. Qafqaz İslam Ordusu işğalçı bir ordu deyildi. Gənclərimizin bunu məhz belə qəbul etməsi lazımdır", - deyə T.Rüstəmxanlı fikrinə aydınlıq gətirib.

Türk Dünyası Araşdırmalar Vəqfinin təmsilçisi Gökmən Kılıcoğlu Bakının daşnak-bolşevik birləşmələrindən azad olunmasında müstəsna xidmətləri olan Ənvər paşa ilə bağlı Türkiyə cəmiyyətində formalaşmış baxışların mübahisəli olduğuna diqqət çəkib. Ancaq natiq əlavə edib ki, belə yanaşmalar heç bir halda Ənvər paşanın tarixi xidmətlərini kölgələmək üçün əsaslar vermir. Milli QHT Forumunun elmi mərkəzinin rəhbəri Nüşabə Məmmədli Qafqaz İslam Ordusunun xidmətlərinin müxtəlif aspektlərindən ətraflı bəhs edib. Ötən əsrin əvvəllərindən beynəlxalq siyasi həyatın xüsusiyyətlərindən söz açan N.Məmmədli Qafqaz İslam Ordusunun yerinə yetirdiyi missiyanın cəmiyyətdə təbliğinə ehtiyac duyulduğunu vurğulayıb. MŞ İdarə Heyətinin üzvü, "Şərq" qəzetinin baş redaktoru Akif Aşırlı Qafqaz İslam Ordusunun fəaliyyətini Azərbaycan və Türkiyənin müştərək hərb tarixinin şanlı səhifəsi kimi dəyərləndirib. 97 illik tarixin bir sıra maraqlı məqamlarına diqqət çəkən baş redaktorun böyük mütəfəkkir Əli bəy Hüseynzadənin Qafqaz İslam Ordusu barədə söylədiyi fikirlər maraqla qarşılanıb.

Tədbirdə çıxış edənlərdən MŞ İdarə Heyətinin üzvü, "Paralel" qəzetinin baş redaktoru Tapdıq Abbas, "Türküstan" qəzetinin baş redaktoru Aqil Camal, Türkiyə Universitetləri Məzunları İctimai Birliyinin sədri Çingiz Bayramov və başqaları Qafqaz İslam Ordusunun tarixdəki rolu, hazırkı dövrdə ona münasibətlə bağlı müxtəlif məqamlardan söz açıblar.

Xəbər xidməti

DİGƏR XƏBƏRLƏR

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...