Ehtiyat hərbçilərimizdən bircə nəfər də olsa hərbi çağırışdan yayınmadı

Tarix: 15.09.2015 / 03:13
Bölmə: Gündəm

"Təlimlər də yalnız bu məqsədlə həyata keçirilib"

Üzeyir Cəfərov: "Yoxlamaların nəticəsi göstərir ki, ehtiyatdan çağırılanlar qarşıda duran vəzifələri yaxşı anlayır"

Azərbaycan Ordusunun irimiqyaslı təlimləri başa çatıb. Belə ki, Müdafiə Nazirliyi sentyabrın 6-dan 13-dək Silahlı Qüvvələrin bütün qoşun növlərinin döyüşə hazırolma və döyüş qabiliyyətinin yoxlanılması məqsədilə Komanda Qərargah Hərbi Oyunları keçirilib.

Təlimlərə 65.000 nəfərədək şəxsi heyət, 700-dək zirehli texnika, 500-dən çox raket və artilleriya qoşunlarının qurğusu, Hərbi Hava Qüvvələrinin 40-dək təyyarəsi və 50-dək helikopteri, Hərbi Dəniz Qüvvələrinin 20-dək gəmi və kateri, eləcə də xüsusi təyinatlı qüvvələrin və qruplaşmaların havadan mühafizəsi məqsədilə qoşunların hava hücumundan müdafiə bölmələri və müasir hava hücumundan müdafiə kompleksləri ilə silahlanmış zenit-raket birləşmələri cəlb edilib.

Komanda Qərargah Hərbi Oyunlarında qoşunların döyüşə tam hazırolma vəziyyətinə gətirilməsi və yenidən qruplaşması, müdafiənin aparılması, əks hücum əməliyyatının hazırlanması və keçirilməsi, eləcə də düşmənin mühasirəyə alınması və darmadağın edilməsi üzrə tapşırıqlar icra olunub.

Ali Baş Komandanın göstərişinə əsasən, təlimlər zamanı birləşmə və hissələrin səfərbərlik tapşırıqlarının yerinə yetirilməsi səviyyəsinin yoxlanılması məqsədilə ehtiyatda olan 6.000 nəfərdən artıq hərbi vəzifəli təlim toplanışına cəlb edilib. Döyüş hazırlığı çərçivəsində onlarla silah və hərbi texnikadan istifadə qaydaları üzrə praktiki məşğələlər, döyüş atışları, mənəvi-psixoloji hazırlıq və döyüş uzlaşması üzrə tədbirlər keçirilib.

Müdafiə naziri, general-polkovnik Zakir Həsənov bu günlərdə təlimlərə cəlb edilən hərbi vəzifəlilərlə görüşü zamanı bildirib ki, təlimlərə ehtiyatda olan hərbi vəzifəlilərin də cəlb olunmasının əsas məqsədi onların döyüş hazırlığı səviyyəsini müəyyən etməkdir: "Biz buna böyük əhəmiyyət veririk".

Diqqətçəkən məqamlardan biri də ondan ibarətdir ki, təlimlərə çağırılan ehtiyatda olan hərbçilərin hamısı bu işdə həvəslə iştirak ediblər. Hansısa formada bundan yayınma müşahidə olunmayıb. Eyni zamanda, ehtiyatda olan hərbçilərin təlimlərə qatılması sosial şəbəkələrdə geniş işıqlandırılıb. Bir sözlə, buna maraq çox yüksək səviyyədə olub. Bütövlükdə, ehtiyatda olan hərbçilərin belə fəallıq göstərməsi nə deməkdir?

Sözügedən məsələni dəyərləndirən hərbi ekspert Üzeyir Cəfərov hesab edir ki, sonuncu təlimlər öz miqyasına görə ən irimiqyaslı təlimlərdir: "Bu həm də torpaqların işğaldan azad edilməsindən öncə həyata keçirilən ən böyük hazırlıq təlimləridir. Azərbaycan da bu təlimləri o məqsədlə aparır ki, sabah genişmiqyaslı hərbi əməliyyatlar başlayarkən, təkcə ön xəttə olanların deyil, o cümlədən ehtiyatda olanların da bu prosesdə gücünü müəyyənləşdirsin. Təlimlər də yalnız bu məqsədlə həyata keçirilib. Müdafiə naziri də haqlı olaraq düzgün qeyd edir ki, ehtiyatda olanların da hərb qabiliyyəti, atıcı silahlardan, döyüş texnikasından istifadəsi məsələsi müzakirə olunur və sabah baş verə biləcək real döyüşlər zamanı onların itkiləri necə əvəzləyə, hansı igidliklər göstərə biləcəyi yerindəcə yoxlanır. Azərbaycan yaxın zamanlarda, danışıqlar nəticə verməsə, ərazi bütövlüyümüzün bərpası istiqamətində güc amilindən istifadə edəcək.

Məhz bu məqsədlə də geniştərkibli hərbi təlimlər keçirilir. Bu isə, idman leksikonu ilə desək, mühüm oyundan öncə komandanın məşq prosesidir ki, bu da ən yüksək səviyyədə həyata keçirilir. Yoxlamaların nəticəsi göstərir ki, ehtiyatdan çağırılanlar qarşıda duran vəzifələri yaxşı anlayır. Ümidliyəm ki, yaxın zamanlarda Azərbaycan Silahlı Qüvvələri lazım olan addımları atacaq".

Vidadi ORDAHALLI

DİGƏR XƏBƏRLƏR

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...