"Ermənistanın xarici işlər naziri Ararat Mirzoyanın ölkə hakimiyyətinin Ermənistan-Rusiya münasibətlərinin formatına yenidən baxmaq niyyətində olmadığı barədə bəyanatını heç bir şərtlə qəbul etməməliyik. Əminəm ki, buna inanmaq lazım deyil, çünki bu, həqiqətən də doğru olsaydı, indiki Ermənistan hökuməti bunu öz addımları ilə təsdiq etməli olacaqdı - məsələn, 9 noyabr tarixli üçtərəfli bəyanatı reallaşdırmağa hazır olduğunu nümayiş etdirməklə: Ancaq Nikol Paşinyan nəinki noyabrın 9-da üçtərəfli bəyanatın 9-cu bəndini yerinə yetirmək niyyətində deyil, hətta Rusiya Federasiyasının Kapanda konsulluğunun açılması prosesini imkan daxilində pozmaqda qərarlıdır”, -Bu fikirləri hərbi ekspert Hayk Nahapetyan 168TV-nin “İcmal” proqramının efirində Rusiyanın xarici işlər naziri Sergey Lavovun Ermənistana iki günlük işgüzar səfərinin nəticələrini şərh edərkən deyib. Ekspert hesab edir ki, "Syunik Rusiya üçün strateji mühüm əhəmiyyət kəsb edir. Təsadüfi deyil ki, Sergey Lavrov mətbuat konfransında Kapanda Rusiya konsulluğunun açılması istiqamətində işlərin davam etdiyini bir daha vurğuladı", - deyə Naqapetyan qeyd edib. Onun sözlərinə görə, Rusiya XİN rəhbərinin bu bəyanatı bir daha təsdiqləyir ki, Ermənistan tərəfi iki ildir ki, bu məsələni həll etməkdən bilərəkdən yayınır. Ekspertin fikrincə, bu cür davranış Nikol Paşinyanın digər geosiyasi mərkəzlərdən aldığı göstərişlər kontekstində mümkün olur. Lavrovun səfərinin ikinci mühüm mesajı barədə danışan Naqapetyan Rusiyalı nazirin Ermənistana gələrkən əvvəlcə Qələbə parkını ziyarət etməsi və Böyük Vətən Müharibəsində həlak olanların xatirəsini ehtiramla yad etməsinə diqqət çəkib. Az sonra simvolik foto dərc olundu – Lavrov - Ağrı dağı fonunda. "Lavrovun Ağrıdağın fonundakı bu addımı Rusiyaya qarşı bir neçə istiqamətdə hərbi cəbhə açmağa çalışan Türkiyəyə siqnaldır. Rusiyaya hücum üç əsas nöqtədə hazırlanır: Qara dənizdə, Suriyada və Cənubi Qafqazda.Hansı ki, Ankara bu proseslərdə fəal rol oynayır. Lavrov İrəvana, mahiyyət etibarı ilə, sonuncu dəfə bunu aydınlaşdırmaq üçün gəlib: Rusiya Cənubi Qafqazda genişmiqyaslı müharibəyə hazırlaşır və ona görə də Ermənistan hökumətinin hansı mövqedən çıxış edəcəyini anlamaq Rusiyaya son dərəcə vacibdir”, - deyə Nahapetyan yekunlaşdırıb.
Surxay Əliyev
