Mətləb Salahov: “Bu münasibət onunla nəticələnəcək ki, D.Tramp və digər dostları V.Putindən üz çevirəcək, beynəlxalq birliyin əsas hədəfi olacaq”
"Rusiya lideri Vladimir Putin bütün dünyanın gözü qarşısında siyasi blef edir, həm müttəfiq halına gəldiyi Donald Trampa, həm də dünya birliyinə məhəl qoymadığını göstərdi. İstanbuldakı Rusiya-Ukrayna danışıqlarına qatılmaqdan imtina edən, Volodimir Zelenskini öz nazirlərinə və həttda XİN rəsmisi Mariya Zaxarovaya təhqir etdirən Kreml sahibi, artıq getdikcə nifrət hədəfinə çevrilir." Bu barədə "Bakı Xəbər"ə açıqlamasında jurnalist-ekspert Mətləb Salahov bildirib. O qeyd edib ki keçmiş sovet nomenklaturasının vərdişlərinə sadiq qalan Rusiya lideri, özünü hamıdan əhəmiyyətli, üstün mövqe sahibi kimi aparır, həm Ukrayna prezidentini, həm də Avropa İttifaqı rəhbərlərini aşağılamağa çalışır. Artıq iş o yerə çatıb ki, V.Putini İstanbula getmək üçün razı salmağa gələn Braziliya Prezidentini təhqir edərək hava limanından geri qaytarıb. "Lakin bu vərdiş Kreml sahibi üçün sonun başlanğıcı ola bilər. Çünki bu münasibət onunla nəticələnəcək ki, D.Trampın və digər dostlarının V.Putindən üz çevirməsi və ABŞ-da Rusiyaya qarşı radikal qərarların qəbul edilməsi an məsələsi olacaq. Üstəlik V.Putinin bu addımı həm də Avropa İttifaqının Moskva əleyhinə sıx ittifaqını formalaşdıracaq. Bu, Rusiya üçün ciddi başağrısı olacaq.”
Namiq Quliyev
