Moskva və Kiyev üç il ərzində gizli şəkildə birbaşa danışıqlar aparıb
Ukrayna Ali Radasının deputatı Aleksiy Qonçarenko sensasion bəyanatla çıxış edib.O,Kiyevin Moskva ilə dialoqa rəsmi qadağa qoymasına baxmayaraq, Ukrayna və Rusiyanın yüksək rütbəli nümayəndələrinin üç illik münaqişə ərzində dəfələrlə birbaşa danışıqlar apardığını bildirib. Qonçarenkonun sözlərinə görə, görüşlər Ərəbistan yarımadası ölkələrindən birinin ərazisində ciddi məxfilik şəraitində baş tutub. Qonçarenkonun 2025-ci il mayın 11-də sosial mediada dərc etdiyi ifşaedici yazı Rusiya-Ukrayna münaqişəsinin gizli aspektləri və nizamlanma cəhdlərində vasitəçilərin rolu haqqında canlı müzakirələrə səbəb oldu.
Qonçarenkonun bəyanatına görə, 2022, 2023, hətta 2024-cü ildə tərəflər arasında danışıqlar aparılıb və bu danışıqlarda yüksək səviyyəli nümayəndə heyətləri iştirak edib. Deputat iştirakçıların adlarını və konkret müzakirə mövzularını açıqlamayıb, lakin qeyd edib ki, görüşlər neytral ərazidə, ehtimal ki, əvvəllər regional münaqişələrdə vasitəçi kimi çıxış etmiş Səudiyyə Ərəbistanı və ya Qətərdə təşkil olunub. BBC-nin verdiyi məlumata görə, Səudiyyə Ərəbistanı artıq 2025-ci ilin fevralında ABŞ, Rusiya və Ukrayna arasında danışıqlara ev sahibliyi edib.
Surxay Əliyev
