Rəcəb Tayib Ərdoğanın böyüklüyü ondadır ki... – Emin Həsənli
"PKK-nın silahı yerə qoyduğunu rəsmən elan etməsi sıradan bir hadisə deyil. Biz tarixi hadisələrin şahidinə çevrilirik” Bu fikirləri Herbiand.az-a hərbi ekspert Emin Həsənli bildirib.
“47 il əvvəl yaradılan bu təşkilatın Türkiyənin yarım əsrə yaxın bir tarixində olmazın problemlər yaratdı. Rəcəb Tayib Ərdoğanın liderliyi ilə Türkiyə bu problemə də son qoydu. Bütün beynəlxalq təzyiqlərə, terror təşkilatına müxtəlif ölkələrdən göstərilən dəstəklərə baxmayaraq Türkiyə öz sözünü dedi. Uzun illərdir səslənən “Terrorsuz Türkiyə” şüarı artıq reallıqdır”.
Emin Həsənli hesab edir ki, PKK-nın buraxılması tək Türkiyədə terrora son qoymaq deyil, qardaş ölkənin əsassız beynəlxalq təzyiqlərdən də yaxa qurtarması deməkdir. “PKK fəaliyyətdə olduğu illərdə Türkiyəyə beynəlxalq basqılar vardı. Bu basqılar sözsüz ki, əsassız idi. Amma var idi. Və Türkiyə b əsasız iddialara və basqılara cavab vermək məcburiyyətində qalırdı. Aydın məsələdir ki, sivil dövlət olan Türkiyə orada yaşayan bütün millətlərin vətənidir. Bu bir dövlət yanaşmasıdır. Hətta Türkiyəyə əsassız soyqırım iddiasında olan ermənilər də Türkiyədə heç bir təzyiqlə üzləşmir və tamhüquqlu vətəndaş kimi yaşayırlar. Amma dünya bu reallıqları görmək istəmirdi. Rəcəb Tayib Ərdoğanın böyüklüyü ondadır ki, dünyanın görmək istəmədiyini göstərdi, dünyanın gözünü açdı. PKK-nın buraxılmasını elan etməsi də bunun bir təzahürü idi. İndi dünya istəsə də, istəməsə də Türkiyə reallıqlarını görməli və anlamalı olacaq”.
