"Belə məlum olur ki, Rusiyanın təyyarə qəzası ilə bağlı Azərbaycanın gözlədiyi və açıq tələb etdiyi addımları atmaq fikri yoxdur. Artıq Kreml rəsmən bəyan edib ki, Putin Azərbaycan təyyarəsi ilə bağlı çıxış etmək niyyətində deyil. Bu mövzuda Rusiyadan hələlik eşitdiyimiz son mövqe qara qutular barədə Qazaxıstan DİN - in açıqladığı ilkin hesabata Kremlin və " Rosaviasiyanın" rəyidir.Qazaxıstanın açıqladığı hesabatda təsdiqləndi ki, təyyarəmizdə heç bir texniki nasazlıq olmayıb, kənar müdaxilə olub, iki zərbə dəyib, təyyarənin naviqasiya sistemi sıradan çıxarılandan sonrakı 8 dəqiqə ərzində vurulub, 8 dəqiqə sonra " Kovyor rejimi" barədə məlumat verilib ki, pilotlatımız da bunu çox güman ki bilməyiblər, çünki o dəqiqələrdə onların naviqasiya və rabitə sistemi artıq iririlmişdi, təyyarəmiz Qroznı limanına ikinci uğursuz eniş cəhdindən sonra Bakıya geri qayıtmaq kursunu elan edib və hər şey də bundan sonra baş verib."
Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb. A.Quliyev daha sonra yazır: "Hər şey aydın olsa da, Rusiyadan ilkin hesabata 2 reaksiya gəldi. Peskov bəyan etdi ki, Kreml olaraq hesabata münasibət bildirilmıyəcək, çünki müvafiq orqanlarımızın araşdırmasını gözləyirik. Digər reaksiyanı isə Rosaviasiya etdi ki, ilkin hesabatda hadisənin səbəbləri barədə nəticə yoxdur və ikinci yekun hesabatı gözləməliyik.
Dostlarıma deyim ki, Çikaqo konvensiyasına görə belə hallarda yekun hesabat hadisədən sonrakı 1 il ərzində açıqlanır. Demək, Rusiyada yekun hesabatın 1 ildən sonra ediləcəyinə stavka olunur..
Məlumatlara görə Rusiya Azərbaycanın ciddi tələblərindən biri olan müqəssir şəxs ( lər) in cəzalandırılması yönümündə yox, raketin Rusiyadakı hansı hərbi hissədən atılmasının müəyyən olunması yönümündə iş aparır. Demək müqəssirlərə hələlik konkret cinayət işinin açılması niyyəti yoxdur. Halbuki bu çox vacib məsələdir. Azərbaycandan üzr istənilməsindən və kompensasiya ödənişindən də vacib budur..
Ancaq Rusiya təəssüf ki, vacib olanı icra etmək əvəzinə, yalnız məsuliyyətdən yayınmaq haqda düşünür...
Müttəfiqliyə və perdpektiv yaxınlığa uyğun olmayan mövqedir. Hadisələr 2022- ci il Müttəfiqlik sənədinə yenidən baxılmasına qədər inkişaf edə bilər..."
Mətləb
