"Tramp bu gün Ukrayna müharibəsini 6 aya yekunlaşdıra biləcəyini deyib. Eyni mövzuda azı 4- cü fikirdir. Belə ki, seçki kampaniyası dövründə Ukrayna müharibəsini 24 saata yekunlaşdıra biləcəyini demişdi. Bu günlərdə onun köməkçi vəzifəsinə namizədi dedi ki, inaqurasiyadan sonrakı 100 gün ərzində müharibəni yekunlaşdırmağa çalışacağıq. Elə bu günlərdə Trampın Ukrayna üzrə xüsusi nümayəndə vəzifəsinə namizədi Kit demişdi ki, Ukraynada müharibəni mümkün ən qısa müddətdə yekunlaşdırmaq istəyirik. Göründüyü kimi,Tramp və onun yaxın çevrəsindən Ukrayna müharibəsi barədə çox fərqli yanaşmalar gəlir." Bu barədə "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində paylaşım edib. A.Quliyev sonra yazır: "Bundan başqa, Evronyusun məlumatına görə Trampın maliyyə naziri postuna namizədi Rusiya əleyhinə neft sanksiyalarını daha da kəskinləşdirməyi təklif edib. "Blumberq" agentliyi isə Trampın komandasından sızan məlumatlara əsasən bildirib ki, Trampın komandası Rusiya əleyhinə "geniş miqyaslı strateji sanksiyalar paketi" hazırlayır ..
Bütün bunlar Trampın Ukrayna ilə bağlı indikindən geri dönüş xarakterli siyasət aparacağını iddia edənlər üçün yaxşı düşüncə faktlarıdır. Məncə Tramp Ukrayna müharibəsi ilə bağlı dünyada çoxlarının gözlədiklərini də edə bilər, çoxlarının gözləmədiyini də edə bilər....
Lakin bir şey mütləqdir- Ukrayna müharibəsi ətrafında vəziyyət indikindən çox fərqli olacaq- həm irəliyə doğru hərəkət kontekstində, həm də geriyə dönüş kontekstində ....hansı variantın olacağını görəcəyik.
Unutmaq olmaz ki, Trampın prezident kimi siyasətini yalnız onun özünün xarakteri və seçki vədləri müəyyənləşdirməyəcək. Bundan başqa, ABŞ- ın dövlət quruluşu, konqres, senat, hərbi - sənaye oliqarxiyası , diasporlar və lobbilərin hər biri onun prezidentlik fəaliyyətinə əhəmiyyətli dərəcədə təsir göstərəcək. Bir sözlə, Trampı "öz başına" buraxan kimdir?!...
Onu da nəzərə alaq ki, Tramp 3 - cü dəfə prezident seçkisinə qatılmaq hüququna malik deyil . Öıkə konstitusiyası ilə bu qadağandır. Buna görə də o 2-ci prezidentlik dövründə ABŞ-ın dövlət və milli təhlükəsizlik mənafeləri baxımından atacağı mübahisəli və ya ziyanlı addımların onun şəxsi taleyini nə ilə bitirə biləcəyini bilməmiş olmaz...Bütün real təhlillərə görə Baydenin 4 illik hakimiyyəti dövründə onu həbsdən yalnız 2- ci və son dəfə prezident olmaq şansının güclü olması xilas etdi....Əksəriyyət istisna etmirdi ki, onu həbs etsələr də, sonda çıxıb prezident seçilə bilər.."
Mətləb
