Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində Türkiyə siyasətində baş verən son proseslərlə bağlı paylaşım edib. A.Quliyev yazır: "Doğrusu, hələ bir qərara gələ bilmirəm ki, Türkiyədə terrorbaşı Öcalanla tərəfdaşlarını görüşdürmək üçün hakim Cümhuriyyət bloku niyə bu qədər çaba göstərdi?Terroru açıq-aşkar dəstəkləyən məşhur PKK- çı Pərvin Buldan Sürəyya Öndərlə birlikdə bu gün İmralıda Öcalanla görüşüblər. Görüşün olması üçün hələ həftələr öncə Dövlət Baxçalı - Ərdoğanın hakimiyyət ortağı çağırış etmişdi...
Bu görüşün Türkiyədə PKK terrorunu durduracağını istəyənlərin arasında mən də varam.Ancaq durduracaqmı?Kim bilmir ki, Türkiyədə PKK terroru yalnız və yalnız xarici faktorların yardımı ilə gücə çevrilib.Xarici faktorlar olmasa , PKK həmin an miskin bir duruma düşəcək.Ancaq bu gün bölgədə PKK- ya dəstək verən qüvvələr məgər daha yoxdur? Həm də əgər ötən əsrin 70- 80 - ci illərində ona tək SSRİ dəstək verirdisə, bu gün Amerika da onu dəstəkləyir.Hələ İsrail də dəstək verəcək. Üstəlik İran və Hüzbullah da dəstək verəcək. Putin demədi ki, 20 milyon Suriya kürdünün dövləti niyə də olmasın?! Bu hallarda PKK terroru duracaqmı? Xeyr!. Belə olduğu halda İmralıya Öcalanın yanına "xahiş- minnətçilər" göndərməyin anlamı nə idi? Onsuz da PKK-nın susmayacağı daha çox ehtimal olunur. O da var ki, məgər indi PKK- nı idarə edən tək Öcalandır? Xeyr! Öcalan həbsdən PKK- ya "silahı buraxın" desə onu saya salan olacaq ? Xeyr! Gücsüz və yorğun, yaşlı bir at hansı arabaya gərək ola bilər? PKK çoxdan Öcalanın yerinə lider təyin edib və işlərini görürlər. .
Elə isə Türkiyənin AKP- MHP ittifaqı niyə Öcalanla danışmağa bu qədər meylli idi???...
Görüş saatlar öncə bitib. Pərvin Buldanla Sürəyya Öndər hələ görüşlə bağlı açıqlama verməyiblər. Məlumdur niyə....
Nə deyəcəklərini hələ "filtrasiyadan" keçirirlər...
Sonrası məlumdur....Mən şəxsən heç kimi aldatmaq istəmirəm....
Bölgədə PKK terroru hələ susan deyil...."
Mətləb
