2020-ci il dekabrın 10-da keçirilən Zəfər paradından sonra Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan mətbuata bəyanatlarla çıxış edərkən Prezident İlham Əliyev vurğuladı: "Biz sadəcə olaraq, 30 il ərzində beynəlxalq təşkilatlardan dəstək gözləyirdik, Minsk üçlüyündən dəstək gözləyirdik. Gözləyirdik ki, onların qəbul etdikləri BMT Təhlükəsizlik Şurasının qətnamələri yerinə yetirilsin. Ancaq bu olmadı. Sadəcə olaraq, nə hərb, nə sülh vəziyyəti davam edirdi, status-kvo davam edirdi. Biz bu status-kvonu hərb yolu ilə dəyişdirdik, düşməni torpaqlarımızdan çıxardıq, onlara чox böyük zərbə vurduq, onların ordusunu məhv etdik, onların əsas ideoloji sütunlarını məhv etdik".
İki gün sonra Prezident İlham Əliyev ATƏT-in Minsk qrupunun Fransadan olan həmsədri Stefan Viskontini, ABŞ-dan olan həmsədri Endrü Şoferi, Rusiyanın Azərbaycandakı Fövqəladə və Səlahiyyətli səfiri Mixail Boчarnikovu və ATƏT-in fəaliyyətdə olan sədrinin şəxsi nümayəndəsi Anji Kasprşiki qəbul etdi. Cənab İlham Əliyev bildirdi ki, artıq regionda vəziyyət dəyişmiş, Qarabağ münaqişəsi həll edilmişdir: "Hazırda regionda tamamilə yeni vəziyyət mövcuddur. Azərbaycan 30 ilə yaxın davam edən münaqişəni həll etdi, buna güc yolu və siyasi vasitələrlə nail oldu. Mən həmsədr dövlətlərin başçılarından olan Prezident Putinin dedikləri ilə razılaşıram ki, Dağlıq Qarabağ münaqişəsi artıq tarixə qovuşub. Mən də həmin fikirdəyəm. Təəssüflər olsun ki, Minsk qrupu münaqişənin həllində heç bir rol oynamadı. Halbuki bunu etmək üçün Minsk qrupu 28 il ərzində müvafiq mandata sahib idi". "BMT-nin Təhlükəsizlik Şurasının qətnamələrinə, ATƏT-in qərarlarına, digər beynəlxalq təşkilatların qərarlarına baxmayaraq, bu uzun illər ərzində münaqişə niyə həll olunmurdu? BMT Təhlükəsizlik Şurasının üç daimi üzvü öz imkanlarından, potensialından istifadə edə bilmədi ki, ermənilər çıxmağa məcbur olsun? Hətta bəzi ərazilərdən çıxara bilmədi. Onlar bacarmadı, yoxsa istəmədi? Bu, açıq sual olaraq qalır. Lakin hazırda bu, artıq fərq etmir. Münaqişə həll olunub".
Prezident həmçinin Minsk qrupunu görüşə dəvət etmədiyini, öz ideyaları ilə gəldiklərini, əgər sözləri varsa demələrini bildirdi.
Qərbin ATƏT-in Minsk qrupunu saxlamaq cəhdi çox gülünc bir hərəkətdir. ATƏT-in Minsk qrupu "Dağlıq Qarabağ" münaqişəsini nizama salmaq üçün yaradılmışdı. Minsk qrupunun həmsədr dövlətləri ABŞ, Fransa, Rusiya bu gün necə əməkdaşlıq edə bilərlər? Birincisi, "Dağlıq Qarabağ" münaqişəsi arxivə düşdü. Azərbaycan Respublikasının Prezidenti Ali Baş Komandan İlham Əliyevin rəhbətrliyi altında Azərbaycan Silahlı Qüvvələri problemi kökündən həll etdi. İkincisi, hal-hazırda Qərb və Rusiya arasında böyük qarşıdurma mövcuddur. Bu dövlətlər necə əməkdaşlıq edə bilərlər? Vətən müharibəsindən əvvəl bu dövlətlər guya ki "Dağlıq Qarabağ" münaqişəsini həll etmək istəyirdilər. Münaqişə həll olundu, Azərbaycanın ərazi bütövlüyü, suverenliyi bərpa edildi. Bunu istəmirdilərmi? Qərbin iç üzü bundan sonra açıldı. Ermənistanı silahlandırmaqla onun sülh müqaviləsi bağlamasına mane olurlar. Eyni zamanda Qərb Rusiyaya qarşı Ermənistandan istifadə edir. ABŞ, Fransa kimi dövlətlər Minsk qrupunu saxlamaq cəhdi ilə regionda sülh prosesinə mane olurlar, Bu da humanizmdən xəbər vermir.
Ramilə Dadaşova
Siyasi elmlər doktoru, dosent
AMEA Qafqazşünaslıq İnstitutunun direktor v.i.e
