"Ötən il 3-cü qrupda 600- dən yuxarı bal toplamış abituriyentlər 370 nəfər olmuşdursa, bu il 947 nəfər olub.Yenə həmin qrupda 500- dən yuxarı bal toplayanlar ötən il 2116 nəfər olmuşdursa, bu il 3300 nəfər olub.Rəsmi rəqəmlərdi .Yaxşı nəticə göstərmiş abituriyentlərin sayında xeyli artım var və bu çox təqdirəlayiqdir."
Bu fikirlər "Bakı-Xəbər" Media Qrupunun rəhbəri, politoloq Aydın Quliyevin öz Facebook səhifəsində paylaşdığı statusunda yer alır. A.Quliyev daha sonra yazır: "Ancaq çox pis olan budur ki, "pərvanələr" indidən başlayıblar ki, keçid balı qalxacaq və ya qaldırılmalıdır və sair.
Keçid balı niyə qaldırılmalıdır axı ?! Gecə- gündüz gözünün işığını tökmüş bu cəmiyyətin uşaqlarına heç yazığınız gəlmir? Məsələn, əgər ötən 3- cü qrupda fərz edək ki, 450 bal toplamış abituriyent tələbə adı qazana bilibsə, bu il həmin balı toplamış abituriyentin kənarda qalması sizcə ədalətli olacaq? Xeyr, qətiyyən.
Təhsilin başında bəzi " çiy və məsuliyyətsiz islahatlara " son vermək lazımdır.Bu nədir ? Kələm ,ya pomidordu ki, tələbat artdıqca "stavkalar" da qaldırılsın?! Görmüşük ki, müsbət, ya neqativ olan hansısa proses başlayıbsa, əvvəlcə onun kökü araşdırılmalı, sonra isə müsbət prosesin qabağına kötük itələmək yox, onun irəli doğru gedişinin hamıya sərf edən variantını tapmaq lazımdır. Keçid balını qaldırmaq hazırkı şəraitdə neçə- neçə zəhmətkeş və istedadlı gəncin qabağına kötük itələməkdir .Bizə bu lazımdır, cənablar?
Keçid balını qaldırmağın əvəzində nəyi etmək lazım olduğunu sonda bir cümlə ilə deyəcəyəm.
Ancaq indilikdə deyim ki, keçid balını qaldırmaq yox, əvvəlcə uşaqlarımızın 3- cü qrupa, yəni humanitar bölmələrə niyə bu qədər meylli olmasının köklərini axtarmaq lazımdır, cənablar.Neft - qaz ölkəsində, yaşıl enerji mənbələrinə keçmək üçün böyük çabalar göstərən ölkədə, Davos forumunun qərarı ilə 4- cü sənaye inqilabının regional ofisinin Bakıda açılması ilə haqlı öyünən ölkədə, ASAN xidmət kimi rəqəmsal layihənin ixtira edildiyi ölkədə, regionda rəqəmsal hökumət layihələrinə görə öndə gedən ölkədə, süni intellekt texnologiyalarına böyük iddiaları olan ölkədə, İKT sahəsində uzun yol keçmiş ölkədə, kosmonavtika və aerodinamika perspektivlərinə iddialı olan ölkədə, mühəndis - texnoloqlardan ibarət texnokrat elitaya böyük ehtiyac hiss edilən ölkədə gənclər HUMANİTAR BLOKA niyə bu qədər meyllidirlər?Bəli də, bu il ballar yüksək olduğu üçün bəzilərinin dediyi kimi, keçid balını qaldırırıq, xeyli abituriyent kənarda qalır, gələn il yazıq uşaqlar keçid balının yüksək olduğu qrupdan aşağı qruplara yönəlirlər, bunula da problemi həll olunmuş sayırıq.Yox, cənablar, bu " " Şərq " bazarında pomidor- kələm ticarəti deyil ki, onun gələcəyinə bu sayaq tələb- təklif prinsipi ilə yanaşaq.Bazarda tələb- təklif prinsipi biznesi , qazancı və mənfəəti qızışdıra bilsə də, bu prinsip onsuz da böyük problemləri olan təhsilimizi daha da pis günə qoymuş olar...
Etməyin...
Nəhayət, bu il 3- cü qrupda yüksək ballı abituriyentlərin sayının çoxalmasından ən real çıxış yolu budur- keçid balını olduğu kimi saxlamaq və 3- cü qrupda tələbə qəbulu planını lazım olan qədər artırmaq, digər ixtisas qruplarında isə yenə də keçid balını saxlamaqla ehtiyac olsa qəbul sayını ixtisar etmək ..Vəssalam...
Növbəti ildə isə kimin hansı qrupa yönlənəcəyini prosesin özü ədalətli şəkildə tənzimləyəcək."
Mətləb
