"Paşinyan bu günkü Ermənistanın, yəni işğalçı, qisasçı, təcavüzkar və qonşularına düşmən kimi baxan Ermənistanı keçmişdə buraxaraq yeni mərhələyə keçmək istəyən Ermənistanın yeni dövlətçilik və milli ideologiyasının əsas tezislərini dünən gecə müraciətində ortaya qoydu..."
Bu fikirlər "Bakı-Xəbər" Media Qrupunun rəhbəri, politoloq Aydın Quliyevin öz Facebook səhifəsində paylaşdığı statusunda yer alır. A.Quliyev daha sonra yazır: "Samballı müraciət idi. Soyuq başla təhlil edilmiş müraciət idi. Erməni toplumunun ziyalılığı və strateji düşüncə tərzi önə çıxa bilsə, Paşinyanın bu müraciəti və təklif etdiyi yeni "milli və dövlətçilik ideologiyası" üzərində dərindən düşünəcək və qəbul edəcək.
Ermənistanın yeni "milli və dövlətçilik ideologiyasının" Paşinyan tərəfindən təqdim olunan əsas tezisi budur- " Tarixi, mifik Ermənistandan süveren, demokratik, bu gün olduğu coğrafiyada, yerləşdiyi ərazidə sərhədlərini delimitasiya edərək dünyanın və qonşuların gözündə leqitimləşmiş, "vətən" və "dövlət" anlayışlarını eyniləşdirən REAL ERMƏNİSTANA keçid "...
Paşinyanın həqiqətən çox real yanaşmalarından ikisini xüsusi qeyd etməyə ehtiyac duyuram.
1 .Dedi ki, biz uzun dövr ərzində dövlətçilikdən çox, ərazisi və coğrafi vəziyyətləri bir- birinə uyğun olmayan Ervandid Ermənistanına, Artaşeslər Ermənistanına,Arşakidlər Ermənistanına, Baqratidlər Ermənistanına, Kilikiya Ermənistanına söykənən xəyallara əsaslandıq.
Mənim izahım- Biz Azərbaycanlılar olaraq yaxşı bilirik ki, tarixdə bu adlarda "Erməni dövlətlərinin" olduğu iddiası mifdir. Lakin bunun Paşinyanın dilindən səslənməsi təbii ki, maraqlı nüansdır və erməni toplumunu real yola salmaq çağırışdır. Çox yaxşı deyir ki,"tarixdə "adı çəkilən bu "5 Ermənistanın əraziləri və coğrafi vəziyyəti çox vaxt bir- birinə heç uyğun gəlməyib.
Daha nə desin ....
2 .Deyir ki, Ermənistan SSR- in dövründə bizi, yəni erməniləri Ermənistan SSR- nin hüdudlarından, hətta Sovet dövlətinin hüdudlarından kənarda " Vətən" axtarışına məcbur etmişdilər, beləliklə biz "vətən" və "dövlət" ankayışlarımızın bir- birinə zidd olduğu bir vəziyyətə düşmüşdük.
Mənim izahım- sovet imperiyası zamanında erməniləri xaricdən və Moskvadan Azərbaycanın və Türkiyənin ərazilərində "vətən axtarışına" qızışdıran dairələri nəzərdə tutur.
Həqiqəti daha necə demək olar ki....
Bütün bunlar Paşinyanın və onun təəssübünü çəkdiyi bütün erməni toplumunun "zəhərli revanş" ideyalarından hələ əbədi imtina etdiklərini düşünməyə əsas vermir və verə bilməz.
Təbii ki, "Dəmir yumruğu" ( Çomağı) yerə qoya bilmərik.
Lakin bunları da unutmamalıyıq:
1.Paşinyan erməni toplumunun indiki vəziyyətində praqmatik və real düşünür.
2 .Onlar bütünlüklə toplum olaraq belə praqmatik, real və perspektivli anlayışa gəlib çıxa bildikləri üçün Azərbaycan Prezidenti İlham Əliyevə minnətdar olmağı bacarmalıdırlar.
Mətləb
