"Qardaş Türkiyənin rəsmi orqanları heç şübhəsiz ki, Ermənistanın baş nazirinin Aparatının İctimaiyyətlə Əlaqələr Mərkəzinin rəhbəri Qor Çarukyanın bu təxribatçı məlumatına şərh verəcək və verməlidir. Çünki burada söhbət Ermənistan hakimiyyətinin qardaş Azərbaycanla Türkiyənin isti münasibətlərinə təxribatçı müdaxilə cəhdindən gedir. Çarukyan deyib ki, son günlər Türkiyə mediası belə bir "açar xəbərə geniş yer verib ki, Ermənistanla Türkiyənin münasibətlərinin normallaşmasına mane olan əsas qüvvə Azərbaycandır"..."
Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb. A.Quliyev daha sonra yazır: "Çarukyan bu təxribatçı ideyanı o kontekstdə yayıb ki, bir neçə gün əvvəl Türkiyənin 10 nəfərə yaxın dövlət və xüsusi media orqanının jurnalistləri Ermənistan hökumətinin dəvəti ilə Yerevanda olublar və hətta Türkiyə - Ermənistan sərhəddindəki Marqara gömrük - sərhəd keçid məntəqəsində olublar. Təbii ki, jurnalistlər qayıtdıqdan sonra Çarukyanın təbirincə desək, çoxlu sayda məqalə və reportaj hazırlayıblar və guya onların çoxu bu fikrin üstündə dayanıblar ki, Ermənistanla Türkiyənin münasibətlərinin normallaşmasına imkan verməyən Azərbaycandır...Təbii ki, Ermənistan hakimiyyəti türk jurnalistlərini Yerevana məhz o məqsədlə apardı ki, onların yazılarından, sözlərindən bu cür istifadə etsinlər.
Ancaq indi Türkiyə rəsmilərinin bu təxribata rəy bildirməsi ona görə vacibdir ki.....
1.Ermənistan məsələni elə qələmə verir ki, guya bütün Türkiyə cımiyyətinin əksəriyyəti bu qənaətdədir. Halbuki bir jurnalistin səriştəsiz fikri heç də bütün xalqın mövqeyi ola bilməz.
