Ukraynalılar ABŞ-a inamını itirirlər.Bu barədə“The New York Times” yazır. ABŞ prezidenti Donald Tramp Ukrayna prezidenti Vladimir Zelenskini sərt tənqid edib,onu müharibəyə başlamaqda günahlandırıb, 4% reytinqi ilə Ukrayna Prezidentini “diktator” adlandırıb və iddia edib ki, Zelenskinin döyüşdən maddi qazancı var. ABŞ prezidenti həmçinin Ukraynanın müharibə zamanı, ərazisinin bir hissəsinin Rusiya tərəfindən ilhaq edildiyi və bir çox ukraynalının döyüşlərə görə cəbhəyə getdiyi və ya ölkəni tərk etdiyi bir vaxtda bu ölkədə seçkilərin keçirilməsinə çağırıb. Zelenski isə cavab olaraq Tramp administrasiyasını Rusiyanın Ukrayanaya qarşı işğalçılıq siyasətini “ yumşaltmaqda” ittiham edib. Onun fikrincə, Tramp Rusiyanın dezinformasiyasının qurbanı olub. Politico nəşri isə hesab edir ki, “Ukrayna suveren dövlətdir! Vladimir Zelenski isə bu ölkənin prezidentidir. Başqası seçilənə qədər legitimdir. Yalnız ukraynalıların hakimiyyəti nə vaxt və hansı şərtlərlə dəyişəcəyinə qərar vermək hüququ var. Ukraynanın keçmiş baş naziri və “Batkivşina” partiyasının lideri Yuliya Timoşenko isə qeyd edib ki,“Bu gün belə bu şərtlər yoxdur” Onun sözlərinə görə, müharibə zamanı seçkilər “qeyri-mümkündür.Petro Poroşenkonun müttəfiqi və Avropa Həmrəyliyi Partiyasından Ali Radanın deputatı İvanna Klimpuş-Tsintsadze Zelenski administrasiyasının daxili və xarici siyasətini tənqid etsə də, Trampın bəyanatlarını “qəbuledilməz” adlandırıb.
Fevralın 19-da Ukraynanın bir çox şəhər və rayonlarının rəhbərləri, demək olar ki, eyni vaxtda öz Telegram kanallarında Zelenskiyə dəstək, o cümlədən prezidentin ətrafında birləşməyə çağırışlar yayıblar. Xarkov vilayətinin hərbi administrasiyasının rəhbəri Oleq Sinegubov:-. “Bu gün biz hamımız güclü və Ukraynanın azadlığı, müstəqilliyi, gələcəyi uğrunda mübarizədə bir olmalıyıq. Ölkəmizin lideri, Ukrayna Prezidenti Vladimir Zelenski ilə birlikdə biz müdafiə qabiliyyətimizi gücləndirməklə yanaşı işğalçılara müqavimət göstərmək üçün hər şeyi edirik”. Dnepr meri Boris Filatov bəyan edib ki, “nə Moskvada, nə Vaşinqtonda, nə də başqa yerdə heç bir yalançı məxluqun” Zelenskiyə “dil uzatmaq” hüququ yoxdur. “Biz Zelenskini bəyənə də bilərik,bəyənməyə də bilərik. Onu qınaya da bilərik, tərifləyə də bilərik. Çünki o, BİZİM prezidentimizdir”, -deyə Filatov əlavə edib.“The New York Times” yazır ki, Trampın faktiki olaraq Ukraynanı müharibəyə başlamaqda və Rusiya ilə razılığa gəlməməkdə ittiham etdiyi bəyanatı bir çox ukraynalıları “çaşdırıb”. Onlar ABŞ prezidentinin sözlərini Ukraynaya qarşı “açıq-aşkar xəyanət” kimi qəbul ediblər. The New York Times-a müsahibə verən analitiklərin fikrincə, Rusiya-Amerika danışıqlarının başlaması və Trampın tənqidi fikirləri bir çox ukraynalılar məyus edib. Ukraynalı politoloq və Dayanıqlıq və Birlik Milli Platformasının həmtəsisçisi Oleq Saakyan: “Bir çox insanlar Baydenin qətiyyətsizliyindən yorulmuşdu, onlar Trampın Rusiyanı müharibəni dayandırmağa məcbur edə biləcəyinə ümid edirdilər.Ancaq indi onlar çox məyusdurlar”. — Ukraynalılar öz hökumətlərini bəyənsələr də,bəyənməsələr də, fanatik şəkildə seçim azadlığı kimi dəyərlərə sadiqdirlər. Ukraynada insanlar seçim azadlığı əlindən alınanda qəzəblənirlər və Tramp ukraynalıların seçkilərə ehtiyacı olduğunu deyəndə də eyni hissi keçiririk”. Ukraynanın şərqində döyüşən 36 yaşlı ukraynalı əsgər hesab edir ki, ölkəsi ABŞ prezidentinə arxalanmamalıdır: “Düzünü desəm, Tramp daha çox Putinə bənzəyir. O, heç vaxt həqiqəti söyləməz, istədiyini uydurar. Əsgərlər hər dəfə Trampın danışdığını eşidəndə əsəblərini cilovlaya bilmirlər”. “Biz Trampdan bizim düşmənimizlə oturub danışacağını yox,işğalçıya qalib gəlməyimizə kömək edəcək addımlar atacağını gözləyirdik”, - bunu isə Rusiya təyyarəsinin qəzaya uğraması zamanı evi dağılan Çerniqov vilayət şurasının deputatı Yuliya Qrebneva deyib. O, Trampın fevralın 18-də Rusiya təbliğatının əks-sədasını xatırladan çıxışını heç cür başa düçmədiyini deyib. Ukraynalı politoloq Mariya Zolkinanın fikrincə, ABŞ artıq Ukrayna üçün tərəfdaş sayıla bilməz, çünki Tramp “Ukrayna üçün əsaslı əhəmiyyət kəsb edən” mövqelərini, o cümlədən NATO üzvlüyünü qurban verib. Bir sözlə Tramp "işğala kart-blanş verdi". Surxay Əliyev
