NBC telekanalı ABŞ-ın Ukraynaya qoşun yeritməyə hazır olması barədə məlumat yayıb.Məlumatda ABŞ bir şərtlə Ukraynaya qoşun yeritməyə hazır olduğunu açıqlayıb.ABŞ Vaşinqtonun Kiyevdən ölkədəki nadir torpaq minerallarının 50%-nə sahib olmaq hüququnu alması şərti ilə öz qoşunlarını Ukraynaya yerləşdirməyə hazır olduğunu bildirib. Məlumata görə, ABŞ hərbçiləri köçürülən resursları qorumaq üçün Ukraynaya gələ bilər. Nəşr eyni zamanda qeyd edir ki, bu cür addımlar yalnız hərbi əməliyyatlar dayandırılacağı və Moskva ilə saziş bağlanacağı təqdirdə həyata keçirilə bilər. Nəşrin müəllifləri iddia edirlər ki, bununla da Kiyev Ukrayna Silahlı Qüvvələrinə silah və dəstəyə xərclənən milyardlarla dolları ABŞ-a qaytara biləcək. Bundan əvvəl Ali Radanın deputatı Oleksey Qonçarenko da bəyan etmişdi ki, Birləşmiş Ştatlar Kiyevdən resurslara nəzarətin onlara verilməsi ilə bağlı “çox sərt” razılaşma tələb edir. Onun sözlərinə görə, ölkə iqtisadiyyatının bəzi hissələrinin özəlləşdirilməsinə dair eyhamlar da var.
Surxay Əliyev
