Məşhur Piotrovskilər də saxta erməni tarixinin xidmətinə girdilər....Karmir Blur hara, Ermitaj hara...

Ermənistanın Karmir Blur oyunu uzun müddətdir ki, davam edir. Rusiya şərqşünaslarının ciddi dəstəyi ilə hələ Sovet dövründə saxta Karmir Blur  "abidəsi" düzülüb-qoşulub.

Keçən əsrin 30-40-cı illərində ortaya atılan bu məsələ son illər yenidən aktuallaşıb. Belə ki, bu günlərdə Sankt-Peterburqun Ermitaj muzeyi (Sankt-Peterburqdakı Rusiya Dövlət İncəsənət və Mədəniyyət-Tarix Muzeyi) ilə Ermənistanın Erebuni Muzey-Qoruğu arasında müqavilə bağlanıb. Sənədi Dövlət Ermitajının baş direktoru Mixail Piotrovski və Erebuni Tarix-Arxeologiya Muzey-Qoruğunun direktoru Mikayel Badalyan imzalayıb.

“Ermitaj dünyanın ən məşhur, ən yaxşı muzeylərindən biridir, dünyanın ən mühüm mədəniyyət mərkəzlərindən biridir, Ermitaj kimi güclü bir qurumla əməkdaşlıq müqaviləsi bağlamaq hər muzeyə nəsib olmur... "

Deyiblər ki, muzeylərin birgə planlarında əsas yeri Karmir Blur ərazisində arxeoloji işlər tutur, tezliklə Ermitaj arxeoloqları orada arxeoji işə qoşulacaqlar (? )

Burada diqqət çəkən məqam odur ki, Ermitajın direktoru  Mixail Piotrovski ermənipərəst akademik, Karmir Blurun "müəllifi” Boris Borisoviç Piotrovskinin oğludur. Məhz onun dövründə" Karmir Blur" məsələsi meydana atılıb və tədqiqatlar aparılıb, kitablar yazılıb.

Bir sözlə, saxtakarlıq Boris Borisoviç Piotrovskinin rəhbərliyi altında həyata keçirilib.

Eyni zamanda qeyd etmək lazımdır ki, bu iş Kremldəki erməni rəhbərlərinin göstərişi ilə gerçəkləşib.

O dövrdə ata Piotrovskinin səyləri nəticəsində Karmir Blurla Ermitaj arasında əlaqə yaranıb. Bu saxta abidəni ata Piotrovski  meydana çıxarıb və indi də oğlu bu saxtakarlığı davam etdirir, Ermitajı öz saxtkarlıqlarına şərik edirlər.

“Mixail Piotrovskinin bu canfəşanlığı anasının erməni olması ilə daha çox bağlıdır”

AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev baki-xeber.com-a şərhində baş verənləri növbəti saxtakarlıq hadisəsi olaraq qeyd etdi. "Ermitajla Erabuini arasında bağlanan müqavilə vaxtilə edilmiş saxtakarlığın davamıdır. Sovet Rusiyası illər əvvəl imkan yaratdı ki, ermənilər növbəti saxtakarlıqlarını həyata keçirsinlər. Bu "əməkdaşlıq" barədə mənim xeyli məlumatım var. "Karmir Blur" adlı əsərin müəllifi Boris Borisoviç Piotrovski  Ermənistan Elmlər Akademiyasının alimlərinə 14 səhifəlik bir məktub yazmışdı. Elə o məktubu oxuyan adamlar erməni alimlərinin, arxeoloqlarının əməlləri barədə məlumat əldə edə bilər. Piotrovski onların əməllərini “qiymətləndirib”. Karmir Blur ermənicə “Qırmızı təpə” deməkdir. Ermənilərin təkidi ilə  “Qırmızı təpə” deyilən bir abidədə  Piotrovski tədqiqatlar aparıb. Ondan sonra yazdığı əsərin adını da “Karmir Blur” qoyub. O, ermənilərə aid olmayan, amma ermənilər üçün iki böyük kitab yazıb. Çünki indiki Ermənistanda mövcud olan heç bir qədim tarixi abidənin ermənilərlə əlaqəsi yoxdur. Piotrovskinin «Nə Van çarlığı”, nə “Karmir Blur”un ermənilərə dəxli yoxdur, amma onlar bunu özlərinə aid edirlər. Bu kitabların yazılma tarixçəsi belədir: XX əsrin 30-cu illərində akademik Maar Piotrovskiyə bir məktub verib İrəvana göndərib. Məktubu gətirib Ermənistan Elmlər Akademiyasının Arxeologiya İnstitutunda Arakelyana verib, o da məktubdan sonra Piotrovskiyə ermənilər üçün tarix yazmağı məsləhət görüb. Haradan başlamaq, necə başlamaq kimi məsələlərin hamısı ona izah olunub, saxta məlumatlarla təmin olunub. Bundan sonra Boris Borisoviç Piotrovski ermənilərə saxta tarix yazmaq üçün “geniş fəaliyyət”ə başlayıb. Dediyim o kitabları qələmə alıb. Heç erməni alimləri özləri belə “güclü” əsərlər yazmayıb. Maraqlıdır ki, Piotrovski İrəvana gələndə Hiripsime Mixayılovna Canpoladyanla evlənib. Bu evlilikdən Ermitajın indiki direktoru Mixail Piotrovski doğulub. Mixail Piotrovski anasının erməni olduğunu yaxşı bilir. Eyni zamanda o yaxşı anlayır ki, İrəvan alimləri ilə Sankt-Peterburq alimlərinin heç bir fərq yoxdur, maraqları birdir,  o da bu işdən möhkəm yapışır. O vaxt qurulan əlaqələri bu gün o daha geniş şəkildə davam etdirir. Sovet dövründə ermənilərə və ermənipərəstlərə hər cür şərait yaradılırdı ki, istədiklərini etsinlər. İndi də onlara mane olan yoxdur. Üç-dörd il bundan əvvəl Sankt-Peterburqda Qafqaz arxeologiya tarixinə aid konfrans da çağırmışdılar, bunu Ermitajın rəhbərliyi təşkil etmişdi. Məni də o konfransa dəvət etmişdilər. Təəssüf ki, o vaxt gedə bilmədim. Amma orda iştirak edən alimlərin çoxu ilə tanışam. Onların içində ermənidən betər erməni olan rus alimləri var. Hətta onlardan biri ilə Tehranda görüşdüm. Mən ona deyəndə ki, professor, siz görürsünüzmü ermənilər Qarabağa gəlib hücum edib azərbaycanlıları öz tarixi torpaqlarından çıxarıblar, bir tarixçi kimi buna necə baxırsız? Dedi ki, bilirsiz, ona qalsa erməni qonşularımdan eşitmişəm, siz də onları “öz torpaqlarından çıxarmısız”. Soruşdum ki, hardan çıxarmışıq? “Bakıdan, Sumqayıtdan, Gəncədən çıxarmısız” dedi. Təsəvvür edin ki, bu nə deməkdir. Bunlar bizim ən ağırılı problemimizə belə yanaşır. O yaxşı bilir ki, nə Gəncə, nə Bakı, nə Sumqayıt, nə də Azərbaycanın digər şəhərləri erməni torpağı deyil. Amma bunu dilə gətirmir”.

Q.Hacıyev bildirdi ki, Sankt-Peterburq alimləri də, Piotrovskilər də indiki Ermənistanın ermənilərin tarixi vətəni olmadığını çox yaxşı biliblər. Amma dini təəssübkeçlik, türk düşmənçiliyi onları erməniləri dəstəkləməyə vadar edib. “Mixail Piotrovskinin bu canfəşanlığı anasının erməni olması ilə daha çox bağlıdır. O bir erməni oğlu olub”-deyə Q.Hacıyev qeyd etdi. Q.Hacıyev hesab  edir ki, nə qədər tarixi saxtalaşdırmalara rəvac verilsə də, həqiqət öz yerindədir və o torpaqlar ermənilərin tarixi torpağı deyil, onlar bura gəlmədir.

İradə SARIYEVA