Ermənistan diktaturaya doğru daha bir addım atdı - telefonla izlənmə qanuna salınır, narazı kütlə...
Ermənistanda koronavirus probleminin böyüməsi fonunda hökumət bundan istifadə edərək ölkədə diktatura qurulması istiqamətində addımlarını da genişləndirir. Belə ki, Ermənistan parlamenti baş nazir Nikol Paşinyanın lideri olduğu “Mənim addımım” fraksiyasının səsləri hesabına ölkə ərazisində telefon zənglərini izləyərək, onların hərəkət etmə və təmas dairəsini müəyyən etmək icazəsi verən qanun layihəsini qəbul edib. Qanun layihəsini prezidient Armen Sarkisyan imzası ilə təsdiqləyib. Hökumət bununla koronavirusa yoluxan şəxslərin müəyyən edilməsi üçün onlara dair informasiyanın, yəni hərəkət etdikləri yerlər, telefon danışıqları, yazışmalarını aşkarlanması imkanları qazanıb.
Müxalif fraksiyalar bu qanun layihəsini demokratiya qaydalarına zidd, insan azadlıqlarının pozulması hesab edir və vətəndaşlar haqqında toplanan şəxsi informasiyanı gələcəkdə onlara qarşı istifadə etmək təhlükəsi yaratdığını deyir. Hakimiyyət məlumatın yalnız koronavirusla mübarizə üçün istifadə ediləcəyi və yoluxma təhlükəsi ləğv edildikdən sonra bütün toplanan informasiyanın ləğv ediləcəyini bildirir. Amma Ermənistan parlamentində “İşıqlı Ermənistan” və “Çiçəklənən Ermənistan” fraksiyaları bunu demokratiyaya zidd addım kimi qiymətləndirib və qanunu boykot edib. Amma parlamentdə “Mənim addımım” fraksiyasının 88 deputatı var ki, bu da konstitusiya qanunları üçün kifayət edən saydır. Beləliklə, yeni qanun sayəsində ölkə vətəndaşlarının fəaliyyəti hökumət tərəfindən izlənəcək. Bu isə demokratiyaya zidd addım sayılır.
Ermənistanın “Qraparak” nəşri baş verənlərlə bağlı yazır: “Ermənitanın “Mənim addımım” fraksiyası sübut etdi ki, o, parlament fraksiyası deyil, əxlaqsız hadisələrin toplusudur. Zorakılıq və sıfır parlamentarizm. 2018-ci ildə baş verən macəra sayəsində parlamentdə peyda olmasaydılar, bu gün taksi sürəcək və ya başqasının evini təmizləyəcək insanlardan başqa bir şey gözləməyə ehtiyac yoxdur”. Qeyd edilir ki, Ermənistan parlamenti hökumət tərəfindən təqdim edilən “İnsanların zənglərinə nəzarət və məkanı haqqında” qanun layihəsini ikinci oxunuşda qəbul etmədiyi məlum olduqda, bunun yaxşı olduğu düşünüldü: “Amma yox, cəmi iki saat sonra “Mənim addımım”çılar dəstəsi toplandı, müxalifət və lazımsız rəsmiyyət olmadan qanun layihəsini qəbul edildi. Dövlətin tam olmaması seçicilərə hörmətsizlik, zorakılıqdan başqa bir şey deyil. Onları bu addımı atmağa kim təşviq etdi? Təbii ki, Paşinyan tərəfindən qanun layihəsi keçməzsə, addımçıların barmaqlarını və qulaqlarını kəsəcəkləri ilə hədələdiyi ehtimal olunur və bunu qorxaqlıqla, gizli, məkrli, Konstitusiyaya və insanlara əhəmiyyət vermədən etdilər. İnsanların harada olduğunu deyəkmi? Bu gün insanlar istixana şəraitində təcrid olunmuş, yalnız çeynəyib tualetə gedən bir kütlə, bir bitki halına düşüb. Artıq kimsə onlarla nə edəcəyini bilmir. Küçələrə çıxıb, bu hökumətin yeddi və qırx gününü bir gündə etməyə və meyitin yarılması olmadan dəfn etməyə çağırış edəcəksən, deyəcəklər ki, çaxnaşma salırsan. Adını qoyacaqlar, komendant saatıdır, 20-dən çox insan toplana bilməz. Düşünürsən ki, komendant adamdır, bir şey bilir ki, deyir. Çörək sexinə gedirsən, supermarketdə çox adam görürsən. Bəs komendant haradadır, gücləndirilmiş rejim haradadır, baş epidemioloq Nikol haradadır? Belə şeylərdən belə nəticə çıxarmaq olar ki, 20 nəfər deməklə eyni məsələyə etiraz edərək ayağa qalxmış 20 nümayişçi, eyni fikirli 20 müxalif, 20 narazı, 20 qaradan söhbət gedir, yəni bu 20 adamın hamısı hakimiyyət qorxusundan danışır. Təsəvvür edin ki, gündən-günə hökumət evinin yanında etiraz edən və nümayiş edən qrupları nə gözləyir.Maskalı polis məmurları gələcək, camaatı xlorlayacaq, karantinə qoyacaq və koronavirusa yoluxmuş insanların daha bir dəstəsinin saxlanıldığını elan edəcəklər.
Hərəkətetmə formasının doldurulmasından şikayət edirik. Tezliklə buna ehtiyac olmayacaq, Paşinyan və hökumət bizə xüsusi xidmət orqanlarından olan tamamilə kənar adamlar vasitəsilə “məkanın müəyyən edilməsi” üçün qayğı göstərib. Başqa sözlə, biz irəliləyirik və onlar bizim dincliyimizi izləyirlər, mənzilbaşına çatmağımıza, görəcəyimiz işə və evə qayıtmalarımıza diqqət edirlər. Telefonunuz varsa, hər şey bitdi. Bir e-poçt adresiniz, bir “Facebook” hesabınız, bank kartınız varsa, bitdi, artıq ovuclarının içindəsən, bundan sonra hansı parol, hansı gizlilik, hansı kod? Vəssalam, hər şey bitdi. Hər şeyi bilirlər, həyatınız ciddi nəzarəti altında keçməli olan ailənizin bir üzvü, dostunuz, qohumunuz, nəhayət böyük qardaşınızdır. Qorxmadınız ki? Qorxmağa ehtiyac yoxdur, şər olmadan xeyir olmadığını söyləyirlər. Artıq xalana zəng etmək üçün yüzlərlə telefon nömrəsi içində axtarmağa ehtiyacınız yoxdur. MTX-nin qısa nömrəsinə zəng vuracaqsınız və xalanızla əlaqə yaradacaqsınız, çünki xalanızın da məkanı müəyyən edilib. Bəli, və bu, həmin Paşinyanın əmri ilə edilib”.
Nahid SALAYEV
