Bu gün bütün ölkələrdə bir təlatüm yaşanır. Hamılıqla, dövlət təşkilatları və vətəndaşların vahid tamın hissələri kimi səfərbər olaraq ayaqda dayandığı ölkələr isə azdır. Tək-tək ölkələr vahid qərargahın rəhbərliyi və təşkilatçılığı altında əsl vətən müharibəsi vəziyyətini xatırladan hazırlıq və intensivliklə işləyir. Azərbaycan bu sayaq ölkələrin sırasındadır. Sadəcə sırada deyil, həm də öndədir.
Çox geniş ticarət-iqtisadi münasibətlər və alış-veriş içində olduğumuz Çin kimi ölkədə qorxulu virus ölkəni “yıxıb-sürüdüyü” halda, Azırbaycanda vəziyyət tam nəzarətdədir, yoluxanların sayı heç bir ölkədə olmayan dərəcədə aşağıdır. Virusun ən sürətlə yayıldığı İran kimi bir öıkə ilə qapıbir qonşuluq və sıx gediş-gəliş içində olsaq da, yenə də virusun yayıla bilməsini tam ram edə bilmişik. Yaxın əməkdaşlıqda olduğumuz İtaliyada "taclı (korona) kabusla" ölüm-dirim mübarizəsi aparıldığı bir vaxtda Azərbaycan oradan da fəlakətin gəlməsinin yolunu tam kəsə bilib.
Bunlar elə-belə, öz-özünə əldə olunmuş nəticələr deyil. Çünki Azərbaycanda iş görülür, sistemli tədbirlər həyata keçirilir, təhlükənin real və potensial olaraq gələ bildiyi hər qapı bağlanır, hətta ən kiçik təhlükə mənbəyi belə nəzərdən qaçırılmır. Hökumətin yanlnda Operativ Qərargah yaradılıb. Düşünülmüş hüquqi və maarifçi tədbirlərlə bütün cəmiyyətin gücünün və müqavimətinin bir istiqamətə yönəldilməsi üçün gərəkən hər şey edilir.
Bu gün ölkəmiz bir müharibə hazırlığı içindədir. Bu müharibə isə heç də torpaqlarımızın qaytarılması uğrunda hazırlaşdığımız müharibədən geri qalmır. Yəni koronavirusla müharibə qəti şəkildə Ermənistan dövləti ilə müharibədən fərqli deyil. Əslində koronavirusla yüz illərdi dünyanı dərdə salmış erməni separatizm virusu arasında elə bir fərq də yoxdur. Bax, buna görə də koronavirusla mübarizədə bütün cəmiyyəti və dövlətimizin gücünü birləşdirməyin elə bir həddinə nail olmalıyıq ki, günlərin birində erməni “virusuna” qarşı da əsl Vətən müharibəsinə başlamalı olsaq, bu təcrübə ona da asanlıqla qalib gəlmənin yolunu bizə göstərsin.
Azərbaycanın antivirus tədbirlərinin Dünya Səhiyyə Təşkilatı tərəfindən ilk günlərdən başlayaraq diqqətlə izlənməsi və yüksək qiymətləndirilməsi o deməkdir ki, beynəlxalq dairələr bu kiçik ölkənin bəşəri dəyərlər naminə nə qədər məsuliyyətli davrandığını və bu ölkədən çox şey gözlədiyini hamıya göstərmək istəyir .
Azərbaycanda virusa yoluxma səviyyəsinin hətta super güc ölkələrindən - böyük 7-lərdən, böyük 20-lərdən qat-qat yaxşı vəziyyətdə olması danılmaz faktdır, əslində hər kəsin qürur duya biləcəyi bir nailiyyətdir. Bu nailiyyət dəbdəbəli ev deyil ki, desinlər bundan mənə nə?! Lüks bir avtomobil, hamının həsəd apardığı bir biznes imperiyası da deyil ki, faydası kimsə tək adamlara, ya hansısa qohum-əqraba çevrəsinə dəysin. Koronavirusla əsl müharibədə bu gün dayandığımız nisbətən ən yaxşı səviyyə elə bir sərtdir ki, kasıb, varlı, qadın, kişi, müsəlman, xristian deyə fərq qoyulmadan hamımız eyni dərəcədə bəhrə götürə bilirik. Bəhrəmizin nə olduğunu bilirsinizmi? Bəhrəmiz odur ki, bu xəstəlik bütün ölkə boyu yayılmaq imkanına artıq malik deyil, əziz adamlarımız, bacı-qardaşlarımız ona tutularaq bizdən hardasa əlimizin çatmadığı ünvanlarda müalicə almaq kimi zor durumda deyil, gözlərimiz qarşısında əzizlərimiz xəstəlikdən çırpınmır, yaşam müharibəsi aparmır... Bundan böyük və hamıya çatan sərvət varmı? Bu sərvət dövlətimizin insan sağlamlığına verdiyi böyük önəmdən və məsuliyyətdən irəli gələn fasiləsiz və sistemli tədbirlərin nəticəsi olaraq əldə edilib. Dövlətimiz hər nə edibsə bizləri xəstəlikdən qorumaq üçün edib, gələcəyimiz olan uşaqları, böyük həyat məktəbi olan qocaları xilas etmək naminə edib və edir, sona qədər də etmək iradəsindədir. Məktəblərin bağlanması, restoran və kafelərin qapadılması, toyların, hətta yas mərasimlərinin müəyyən məhdudiyyətlərə məruz qoyulması bizim üçündür, azərbaycanlıların timsalında insanlığın xilası üçündür. Arxasında bu qədər ali və bəşəri məqsədlərin dayandığı fəaliyyətlərin hətta tək-tək insanlar tərəfindən dəstəklənmədiyi vəziyyəti təsəvvürə belə gətirmək mümkünsüzdür.
Bəli,bu gün Azərbaycan dövləti virusla mübarizəni dövlətin və hər kəsin işi olan müqəddəs fəaliyyət modelinə çevirə bilib. Azərbaycan kimi tək-tək ölkələr var ki, virusla mübarizə tədbirləri bütün cəmiyyətimizin mənafe və tələblərinə uyğun olaraq meydana gəlib. Məhz buna görə də hər kəs bu tədbirlərə anlayışla yanaşa bilir. Lakin təəssüflər olsun ki, dövlətin və cəmiyyətin bir cəbhədə möhkəm mövqe tutduğu anlarda yad xallar vuran ünsürlərə də rast gəlinir. Heç bir əsası olmayan uydurmanı bəziləri elə həvəslə paylaşır və yayır ki, sanki bu saxta və təxribat məzmunlu yalanlar hansısa virusun fərmanıdır. Bəziləri real fakt olan xəstənin sağalması kimi əhəmiyyətli və insanları daha əzmkar olmağa səsləyən, yaşamağa həvəsləndirən faktları gözdən qaçırır, məhz bu faktlarl tirajlamağın əvəzinə uydurmaların dalınca sürünürlər.
Yəqin hər kəs bu günlərdə guya Bakının bir gecə helikoptetlərlə tam dezinfeksiya edildiyi barədə şayiənin nə qədər sürətlə yayıldığını xatırlayır. Əvvəla, cəmi bir neçə saat ərzində hamı əmin oldu ki, bu, düşməncəsinə uydurulmuş bir yalan idi. İkinci, əgər gərəkli olsa, belə addımların xeyrini-ziyanını hamıdan yaxşı hesablaya bilən hökumət bunu heç kimlə məsləhətləşmədən və öncədən xəbərdarlıq etməklə həyata keçirər. Bəziləri elə hay-küy salmışdı ki, sanki göydən səpildiyi deyilən şey hansısa dezinfeksiya maddəsi yox, ölüm saçan bomba imiş...Belə olmaz, bu əsassız panikaları körükləmək heç bir halda vətənpərvərlik sayılmaz və dövlətin apardığı antivurus kursuna heç bir praktik fayda verə bilməz.
Halbuki, indi hamıdan tələb olunan sadə bir davranış var - məhz özümüzün və əzizlərimizin yaşaması naminə görülən işlərə mane olmamaq, qadağa və məhdudiyyətlərə sözsüz əməl etmək, şayiələri körükləməmək, şəxsən özümüzün və hər bir vətəndaşın sağlamlığını ümummilli sağlamlığın və milli təhlükəsizliyin ayrılmaz tərkib hissəsi kimi qəbul etmək...
Ağır iş deyil...Hər kəsin edəcəyi kiçik bir işlə bütün cəmiyyətimizin təhlükəsizliyini əldə etmiş oluruq. Kim bunu etmirsə, istisnasız şəkildə bizə, bütün Azərbaycana düşmənçilk edir. Bunun başqa adı yoxdur, haqq qazandırılası tərəfi də yoxdur. Düşmənçilik olan yerdə isə hüquq və cinayət məsuliyyəti heç bir güzəşt tanımadan meydana daxil olur və olmalıdlr. Hər kəs üçün dərk etmək çətin deyil ki, koronavirusla mübarizə dövründə fəaliyyətsizlik , dövlətin tədbirlərinə qarşı getmək və hətta şüurlu fəaliyyətsizlik hamının həyatını təhlükəyə atmaqdı. Dövlət mücərrəd varlıq yox, Prezidentdən başlamış məmurlara və sadə insanlara qədər konkret və canlı varlıqlardan ibarətdir. Anlamaq çətin deyil ku, dövlət adından həyata keçirilən hər antivirus tədbirinin arxasında hamının mənafeləri dayanır. Prezidentdən və baş nazirdən başlamış aşağıya qədər hər birimizin həyat mənafelərimizə eyni dərəcədə uyğun və gərəkli olan tədbirlərə qoşulmaq hər kəsin vəzifəsidir.
Media adamları və sosial şəbəkə fəallarının öz məsuliyyətini azacıq artırmasının bütün cəmiyyətimiz üçün hansı əvəzsiz faydalar verəcəyini təsəvvür etmək çətin deyil. Yalanlara qanad taxıb uçurmaq elə koronavirusun özü kimi təhlükəlidir, ziyanlıdır. Həm də bilirsinizmi niyə təhlükəlidir? Çünki koronavirusa yoluxanın köməyinə dövlətimiz, hər kəs, dostlar, yaxınlar yetişəcək, hər kəs əlindən gələni etməyə çalışacaq. "Koronavirus yalanlarını " yayanların isə fəryadına heç kim gəlməyəcək, tək qalacaqlar - hüquqi məsuliyyət daşıyan cinayətkar kimi, hüquq-mühafizə orqanları ilə üz-üzə...
