ABŞ Prezidenti Donald Tramp haqqında impiçment başladılması tətikləyən, Ukrayna lideri ilə telefon danışığı barədə bildiriş məktubu göndərən şəxsin ABŞ Mərkəzi Kəşfiyyat İdarəsinin (MKİ) rəsmisi olduğu ortaya çıxıb.
Baki-xeber.com xarici mediaya istinadən xəbər verir ki, “New York Times” məlumat verən şəxsin kimliyini bilən üç mənbənin ifadələrinə istinadən, Trampla Ukrayna prezidenti Vladimir Zelenski arasında telefon danışığından şikayət edən şəxsin kişi olduğu və bir müddət Ağ Evdə işləmək üçün görəvləndirildiyini bildirib.
MKİ əməkdaşı olduğu iddia olunan şəxs, Ağ Evdəki vəsifəsini başa vurduqdan sonra MKİ-yə qayıdıb. Vəkili isə müştərisi olan şikayətçinin MKİ-yə işlədiyini təsdiqləməyib, onun adını gizli saxlamaq hüququna malik olduğunu söyləyib.
ABŞ-ın Milli Kəşfiyyat Direktoru vəzifəsini icra edən Cozef Makuayer Konqresin Kəşfiyyat Komitəsi qarşısında verdiyi ifadədə məlumat verənin şəxsiyyəti barədə heç bir məlumata sahib olmadığını deyib. Makuayer, sözügedən şəxsin təhlükəsizliyinin onlar üçün prioritet olduğunu vurğulayaraq, vəsifədən sui-istifadə barədə iddialar barədə məlumat verməyə cəsarət edənlərin qorunmalı olduğunu söyləyib.
Bundan əvvəl ABŞ Nümayəndələr Palatasının Kəşfiyyat Komitəsi, Trampla Zelenski arasındakı telefon danışığını ictimaiyyətə açıqlayıb.
Məktubda Trampın sözügedən görüşdə, 2020-ci il prezident seçkisi öncəsi siyasi rəqibinə qarşı xarici bir prezidentdən müdaxilə tələb etdiyi bildirilir. Trampın siyasi rəqiblərindən birinin araşdırılması üçün xarici bir ölkəyə təzyiq göstərdiyi, bunun konstitusiyaya zidd olduğu qeyd edilir.
"Rəsmi vəsifədə olduğu müddətdə, ABŞ Prezidentinin, 2020-ci il seçkisində xarici bir ölkədən müdaxilə tələb etmək məqsədilə vəzifəsindən sui-istifadə etdiyinə dair bir çox dövlət məmurundan məlumat aldım” – məktubda deyilir.
Hadisələrin birbaşa şahidi olmadığını, ancaq səlahiyyətlilərdən aldığı məlumatların inandırıcı olduğunu deyən kəşfiyyatçı , Trampın şəxsi və siyasi maraqları naminə vəzifəsindən sui-istifadə etdiyini, bunun da milli təhlükəsizliyə təhlükə yaratdığını iddia edib.
Qeyd edək ki, ABŞ mediasının açıqlamalarından sonra Nümayəndələr Palatasında Demokratlar tərəfindən başladılan impiçment prosedurunun əsassız olduğunu deyən Tramp Demokratların bu addımına sərt reaksiya vermişdi. “Demokratlar Respublikaçılar Partiyası və onun müdafiə etdiyi hər şeyi parçalamağa çalışır. Bir sırada durum, oyunları görün və mübarizə aparın. Bura bizim ölkəmizdir!” – Tramp deyib.
ABŞ prezidenti başqa bir açılamasında isə "Ukraynanı Co Baydeni araşdırmağa məcbur et" iddiaları ilə bağlı “Mən heç kimə hədə-qorxu gəlmədim. Ortada bir təzyiq yoxdur. Ortada heç bir şey yoxdur. Bu böyük bir yalandır” deyib.
Bununla belə, Tramp Co Bayden və oğlunun Çin və Ukraynadakı əlaqələrinin araşdırılmalı olduğunu və bunun şəffaf olması gərəkdiyini vurğulayıb.
“Ukraynaya təzyiq” iddiaları ilə bağlı açıqlama verən Zelenski isə Trampla görüşün normal keçdiyini deyib: "Danışığımızın mətnini gördünüz. Bir çox məsələni müzakirə etdik. Mətndən də göründüyü kimi kimsə mənə təzyiq göstərməyib”.
